২ করিন্হীয় 6:4 - Chakma Bible

⁴ তাত্তুন্ বরং বেক্কানি পৌইদ্যেনে গোজেনর্ সেবাগুরিয়্যে বিলিনে আমি নিজোরে প্রমাণ গুরিই। অত্যেচার্, দযা আর দুঘোত্ বোউত্ ধৈজ্জ্য ধুরিনে আমি এ প্রমাণান্ দির্।

২ করিন্হীয় 6:4 ပူးပေါင်းရင်းမြစ်များ

যিশাইয় 61:6

তমারে কুয়ো অবঅ লগেপ্রভুর ধর্মগুরু; তমা নাঙানি অবঅ আমা গোজেনর সেবাগুরিয়্যে। তুমি জাদ্‌তুনোর ধন-সোম্বোত্তিগানি ভোগ গুরিবা আর তারার ধনানিলোই বাড়্‌বো গুরিবা। ‍

যোয়েল 1:9

লগেপ্রভুর ঘরত্তুন্ শোজ্য-উৎসর্ব আর পানীয়-উৎসর্বর্ অনুষ্ঠান বাদ দিয়্যে ওইয়্যে। যিগুনে লগেপ্রভুর সেবা গরন্ সেই ধর্মগুরুগুনে আবিলেচ্ খাদন্।

যোয়েল 2:17

যিগুনে লগেপ্রভুর মুজুঙোত্ সেবা-কাম গরন্ সেই ধর্মগুরুগুনে উবোসনা-ঘরর্ বারান্দা আর পুজোবোর্ সংমোধ্যে কানোদোক্। তারা কোদোক্, “ও লগেপ্রভু, তঅ মানুচ্চুনো উগুরে তুই দোয়্যে গর্। তঅ সোম্বোত্তিগানরে ঈচ্ গরেপারা ন-গুরিচ্, জাদ ভিদিরে তারার্ নাঙানি ঈচ্ গরেপারা কধা অবাত্তে ন-দিচ্। অন্য জাদ মানুচ্চুনে কিত্তে কবাক্, ‘তারার্ গোজেনে কুদু?’ ”

লূকে লেখ্যে গম্ হবর্ 21:19

তুমি থির্ থেলে, তুমি নিজোরে উদ্ধোর্ গুরি পারিবা।

যোহন 16:33

মুই তমারে ইয়েনি বেক্কানি কলুং যেন তুমি মঅ সমারে আঘঅ কিনেই মনত্ শান্তি পঅ। এ জগদত্ তুমি কষ্ট আর চাপ মুয়োত্ আঘ, মাত্তর্ সাহচ্‌ ন-আরেইয়ো; মুয়ই জগদ্‌তানরে জয় গোজ্যং।”

প্রেরিত্‌ 2:22

ইস্রায়েলীয়গুন, এ কধাগান শুনো। নাসরত যীশুর মাধ্যমে গোজেনে তমা ইধু মহৎ আর আমক্ আমক্ কাম গুরিনে তমা ইধু প্রমাণ গোজ্যেদে, তে যীশুরে দিপাধেয়্যে; আর এ কধাগান দঅ তুমি কোই পারঅ।

প্রেরিত্‌ 20:34

তুমি নিজেই দঅ কোই পারঅ, মর্ এই দ্বিয়েন আঢ্ মর্ আর মঅ সমাজ্জ্যেগুনোর্ অভাব দূর্ গোজ্যে।

প্রেরিত্‌ 9:16

মত্যেই কত্তমান্ দুঘ্ যে তাত্তুন্ পাহ্ পুরিবো সিয়েন মুই তারে দেগেম্।”

রোমীয় 14:18

যে এবাবোত্যেগুরি খ্রীষ্টরে সেবা গরে গোজেনে তা উগুরে হুজি অয় আর মান্‌জ্যেয়ো তারে গম্ মনে গরন্।

রোমীয় 16:10

খ্রীষ্টর মানুচ্‌ ইজেবে তারে চাগি চাহ্ ওইয়্যে।

রোমীয় 3:5

মাত্তর্ আমা অন্যেয় কামানিত্তুন্ আরঅ গমেদালে বুঝো যায় যে, গোজেনে আমিযে ন্যায় কাম্ গরে। সালে আমি কি কবং যে, তে যেক্কে আমারে সাজা দে সেক্কে অন্যেয় গরে? খালিক্ কধাগান মুই মানুচ্ ইজেবে কঙর্, আজলে তে কনদিন্অ অন্যেয় ন-গরে।

রোমীয় 5:8

মাত্তর্ গোজেনে যে আমারে কোচ্‌পায় সিয়েনর্ প্রমাণ্ ইয়েন্, আমি পাপী থাগদে খ্রীষ্ট আমাত্যে পরাণান্ দিয়্যে।

১ করিন্হীয় 3:5

আপল্লো কন্না? আর পৌলে বা কন্না? আমি দঅ বানা সেবাগুরিয়্যে যিগুনোর্ মাধ্যমে তুমি বিশ্বেজর্ পধত্ এচ্চ্য। প্রভু আমারে পত্তিজনরে যার্ যার্ কাম দিয়্যে।

১ করিন্হীয় 4:1

মান্‌জ্যে আমারে মনে গত্তোক্ যে, আমি খ্রীষ্টর্ সেবাগুরিয়্যে আর আমা উগুরে গোজেনর্ গুমুরো সত্যগান জানিবার ভারান্ দিয়্যে ওইয়্যে।

১ করিন্হীয় 9:11

আমি যেক্কে তমা ভিদিরে আত্মিক বীজি লাগেইয়্যেই সেক্কে তমাত্তুন্ যুনি জাগতিক্ হানা-উরোনা থুবোং সালে সিয়েন কি ভারী বেশ্ কিজু?

২ করিন্হীয় 11:23

তারা কি খ্রীষ্টর্ সেবাগুরিয়্যে? মুই আরঅ বেচ্‌ গুরি সেধোক্ক্যেন। মনত্ রাগেয়ো, মুই মাঢা-খারাব মান্‌জ্য ধোক্ক্যেন কধা কঙর্। খ্রীষ্টর্ সেবা গুরিবাত্যে যেইনে মুই তারাত্তুন্ বোউত্ বেশ্ কাম গোজ্জ্যং, আরঅ ভালোক্ বার জেল্ কাট্ট্যং, আরঅ ভালোক্ বার পিদে খেইয়োং, ভালোক্ বার মরণ মুয়োত্ পোজ্জ্যং।

২ করিন্হীয় 11:27

খ্রীষ্টর্ সেবা গুরিবাত্যে যেইনে মুই দুঘোত্অ জদবদে কাম গোজ্জ্যং। মুই ভালোক্ রেত্ জাগি রোইয়োং, পেট পরায় আর পানি তিরেজে দুঘ্ পেইয়োং, উবোস্ থেইয়োং, জারে আর কাবর-চুগরর্ অভাবে দুঘ্ পেইয়োং।

২ করিন্হীয় 11:9

তমা ইধু থেবার্ অক্তত্ যেক্কে মর্ অভাব ওইয়্যে সেক্কেয়ো মুই কারঅ লবাদোস্যে ন-অং, কিয়া যে ভেইয়ুনে ম্যাসিডোনিয়াত্তুন্ এচ্চ্যন্ সিগুনে মর্ অভাব্‌পান পূরোণ গোজ্জ্যন। কনঅ পৌইদ্যেনে মুই তমার্ কাঙেলেত্যে ন-অং আর ন-য়ো ওম্।

২ করিন্হীয় 12:10

সেনত্যে খ্রীষ্টত্যে বল্‌পোজ্জ্যে, অগমানে, যন্ত্রনায়, অত্যেচারে আর দিদ্দেরি অলেয়ো মুই হুজি; কিয়া যেক্কে মুই হ্‌রান্ সেক্কেই মুই বোলী।

২ করিন্হীয় 12:12

বোউত্ ধৈজ্জ্য ধুরিনে তমা ইধু নানান্ বাবোত্যে মহৎ আর আমক্ অবার্ কাম গুরিনে মুই নিজোরে এক্কো প্রচারক বিলিনে প্রমাণ গোজ্জ্যং।

২ করিন্হীয় 2:17

নিজোর্ লাভত্যে যিগুনে গোজেনর্ কধালোই বেবসা গরন্ আমি সেবাবোত্যে মানুচ্চুনো ধোক্ক্যেন নয়; বরং খ্রীষ্ট সমারে মিজেইনে গোজেন মুজুঙোত্ গোজেনর্ পাদেয়্যে মানুচ্ ইজেবে আমি খাটি রিবেঙত্তুন্ কধা কোই।

২ করিন্হীয় 3:6

এক্কান নুয়ো বেবস্থার্ কধা জানিবাত্যে তেয়ই আমারে যোগাজ্জ্যে গুরি তুল্ল্যে। এ বেবস্থাগান্ অক্ষরে অক্ষরে আইন-কানুন্ পালানার্ বেপার নয়, মাত্তর্ পবিত্র আত্মার পরিচালনায় মনর্ বাধ্যতার্ বেপার; কিয়া আইন-কানুনে মরণ আনে, মাত্তর্ পবিত্র আত্মাগানে জিংকানি দান গরে।

২ করিন্হীয় 4:17

ইক্কিনে আমি কয়েক দিনোত্যে যে সামান্য দুঘ্ ভুগির্ সিয়েনর্ ফলে আমি উমরত্যে মহিমাগান্ পেবং। এ মহিমাগান্ এদক্ বেশ্ যে, সিয়েন মাবা ন-যায়।

২ করিন্হীয় 4:2

মান্‌জ্যে গুমুরোত্ যেদক্কানি লাজ্ গরেদে বাবোত্যে কাম্ গরন সিয়েনি আমি এক্কুবারে ন-গুরিই। আমি কনঅ কামত্ ছলনা ন-গুরিই, গোজেন কধানিত্ কনঅ ভুলোর্ ভেজাল্ ন-দিই। আমি বরং গোজেনর্ সত্যগান্ ফগদাং গুরিনে তা মুজুঙোত্ বেক্‌ মানুচ্চুনোর্ বিবেগ ইধু নিজোরে মানি লোইয়্যে বিলিনে তুলি ধুরিই।

২ করিন্হীয় 4:8

বেক্কানিত্তুন্ আমা উগুরে চাপ্ পরের্, তো আমি ভাঙি ন-পুরির্। বুদ্ধি-নেইয়্যে অলেয়ো আমি পুরোপুরি আজা নেইয়্যে ন-ওর্;

২ করিন্হীয় 7:11

চিন্তে গুরি চঅ, গোজেনে যেক্কে তমারে দুঘ্ দিয়্যে সেক্কে তুমি পিজেদি ন-পড়, সেক্কে নিদ্দুজি বিলিনে নিজোরে প্রমাণ গুরিবাত্যে তমার্ কদক্ আওজ্ ওইয়্যে, কদক্ চিন্তে-ভাবনা ওইয়্যে আর পাপর্ সাজা দিবাত্যে কদক্ আওজ্ ওইয়্যে। এবাবোত্যেগুরি বেক্কানিত্তুন্ তুমি প্রমাণ গুরিলেদে যে, সেই পৌইদ্যেনে তুমি নিদ্দুজি।

কলসীয় 1:11

ইয়েন সম্ভব, কিয়া গোজেনে তার্ দাঙর্ খেমতা মজিম বেক্ খেমতাগান্দোই তমারে খেমতাবলা গোজ্জ্যে যেনে তুমি নিত্য হুজিয়ে ধৈজ্জ্য ধুরিনে বেক্কানি সোজ্জ্য গরঅ আর বাবা গোজেনরে ভালেদি জানঅ। পহ্‌র রেজ্যত্ গোজেন মানুচ্চুনে যে অধিকারান পেবাক্ সিয়েনর্ ভাগী অবাত্যে তে তমারে যগাজ্জ্যে গুরি তুল্ল্যে,

কলসীয় 1:24

মুই তমাত্যে যে দুঘ্ ভুগোঙর্ সিয়েনত্যে মুই হুজি। খ্রীষ্টর্ কিয়্যেগানর্, অত্তাৎ মন্ডলীত্যে তার্ যে দুঘোত্ ভুগোনা এজঅ বাগী আঘে সিয়েন মুই মঅ কিয়্যেগান্দোই পূরেই দুয়োং।

১ থিষলনীকীয় 3:7

ইয়েনত্যে ভেইলগ্, তীমথিয়র মুয়োদি তমার্ বিশ্বেজর্ কধানি শুনিনে আমার বেক্‌ যন্ত্রণাগানি আর দুঘোত্অ আমি সান্তনা পেইয়্যেই।

১ থিষলনীকীয় 5:14

ভেইলগ্, আমি তমারে এ উপদেচ্‌‌‌চান দিত্তে-যিগুনে আল্‌চি তারারে উজিয়ার্ গরঅ; যিগুনোর সাহচ্‌ নেই তারারে সাহচ্‌ দুয়ো; যিগুনে বল্‌‌পোজ্জ্যে তারারে বল্ দুয়ো আর বেক্কুনোরে ধৈয্য ধুরিনে সোজ্জ্য গরঅ।

১ তীমথিয় 2:15

মাত্তর্ তে পুয়ো-ছা জর্ম দেনার্ মাধ্যমে পাপত্তুন্ উদ্ধোর পেবঅ; খালিক্ মিলেগুনোর্ গম বিচের বুদ্ধি বেবহার গুরিনে বিশ্বেজ্, কোচ্‌পানা আর পবিত্রতালোই চলা পড়িবো।

১ তীমথিয় 4:6

যুনি তুই এ বেপারানি ভেইয়ুনোরে বুঝেই দুয়োচ্ সালে খ্রীষ্টীয় ধর্ম-বিশ্বেজর্ যে সত্যগান আর ভুল-নেইয়্যে শিক্ষ্যেগান তুই মানি চলর্, সিয়েন্দোই কাবিল্ ওইনে খ্রীষ্ট যীশুর এক্কো যগাজ্জ্যে সেবাগুরিয়্যে অবে।

১ তীমথিয় 6:11

মাত্তর্ তুই দঅ গোজেনর্ মানুচ্‌; ইয়েনিত্তুন্ তুই ধেই যা। সৎ জিংকানি, ভোক্তি, বিশ্বেজ্, কোচ্‌পানা, ধৈজ্জ্য আর নরম খাচ্চ্যদত্যে আয়োজি অ।

২ তীমথিয় 1:8

সেনত্যে আমা প্রভু পৌইদ্যেনে সাক্ষি দেদে ন-লাজেচ্, আর তাত্যেই যে মুই বন্দী, মত্যেয়ো ন-লাজেচ্। সিয়েনর বদলে গোজেনে তরে যে খেমতা দিয়্যে সেই খেমতা মজিম তার্ গম হবর্ প্রচারত্যে মঅ লগে দুঘ্ গর্।

২ তীমথিয় 2:24

যিবে প্রভুর চাগর্, তার কোল্-কোজ্জ্যে গরানা উচিত নয়, বরং তাত্তুন্ বেক্কুনো উগুরে দোয়্যেলু উয়ো পরিবো। তাত্তুন্ অন্যগুনোরে শিক্ষ্যে দানর্ খেমতা আর সোজ্জ্যগুণ থাহ্ পরিবো।

২ তীমথিয় 4:5

মাত্তর্ তুই বেক্কানিত্ নিজোরে দোঙেই রাগা, দুঘ্ সোজ্জ্য গর্ আর খ্রীষ্ট পৌইদ্যেনে গম হবর্ প্রচার গরানাত্ থাক্, আর গোজেনে তরে যে কাম গুরিবাত্যে দিয়্যে সিয়েন থুম্ সং গর্।

ইব্রীয় 12:1

সালে দেগা যাত্তে, গোজেন উগুরে বিশ্বেজর্ সাক্ষী ইজেবে বোউত্ মানুচ্‌ আমা চেরোকিত্যেদি ঝাগ্ গুরি আঘন্। ইয়েনত্যে এজঅ, আমি পত্তি ঝাগুলুগ্ জিনিস আর যে পাপ্পানিয়ে সহজে আমারে বেড়েকোরে ধুরিনে সিয়েনিরে দূরোত্ ঠেলি দিইনে মুজুঙেদি জিদেজিত্যে ধাবাদেনাত্ ধৈয্য ধুরিনে ধাবা দিই।

ফগদাং পেইয়্যে 1:9

মুই তমার ভেই যোহন; যীশু লগে মিজেইনে মুই তমা লগে একই দুঘ্, একই রেজ্য আর একই ধৈজ্জ্যর্ ভাগী ওইয়োং। গোজেনর্ কধানি আর যীশুর সাক্ষ্যগানি ফগদাং গোজ্জ্যং বিলিনে মরে পাট্‌ম দ্বীবোত্ নেযেইনে থুয়ো ওইয়্যে।

ফগদাং পেইয়্যে 3:10

ধৈয্য ধুরিবার যে উগুমান যে মুই দুয়োং সিয়েন তুই পালেয়োচ্; সেনত্যে এ পিত্‌থিমীগান উগুরে যে দুঘোর্ সময় এজের্ সেই সময়ত্তুন্ ধুরি মুই তরে রোক্ষ্যে গুরিম। যিগুনে এ পিত্‌থিমীর তারারে যগা চেবাত্যে এ দুঘোর্ সময়ান এবঅ।