২ করিন্হীয় 6:15 - Chakma Bible

¹⁵ খ্রীষ্ট সমারে বলীয়ালর্, অত্তাৎ শদানর্ মিল্ বা কুধু? গোজেনর্ মানুচ্ ইজেবে বিশ্বেজির্ যে অধিকার সিয়েনত্ অবিশ্বেজির্ ভাগ্‌কান কি?

২ করিন্হীয় 6:15 ပူးပေါင်းရင်းမြစ်များ

১ রাজাবলী 18:21

এলিয় মানুচ্চুনোর মুজুঙোত্‌ যেইনে কলঅ, “আর কয়দিন তুমি দ্বিয়েন্‌ নৌকোত্‌ ঠেঙ্‌ দিইনে চলিবা? যুনি লগেপ্রভু গোজেন্‌ অয় সালে তারে সেবা গরঅ, আর যুনি বাল দেবেদাবো গোজেন অয় সালে তারে সেবা গরঅ।” মাত্তর্‌ মানুচ্চুনে কনঅ জোব্‌ ন-দিলাক্‌।

ইষ্রা 4:3

মাত্তর্ সরুব্বাবিল, যেশূয় আর ইস্রায়েলর অন্য নেতাগুনে কলাক্, “আমা গোজেনর্ নাঙে ঘর বানেবার কামত্ আমা সমারে তমার কনঅ কুদুম্মো নেই। পারস্যের রাজা কোরসর উগুম মজিম্ ইস্রায়েলর গোজেন লগেপ্রভুর নাঙে আমি নিজেই সিয়েন গুরিবোং।”

মার্ক 16:16

যে কেঅ বিশ্বেজ্ গরে আর অবগাহন্ লয় তেয়ই পাপত্তুন্ উদ্ধোর্ পেবঅ; মাত্তর্ যে বিশ্বেজ্ ন-গরে গোজেনে তারে দুষি বিলি ঠিগ্ গুরিনে সাজা দিবো।

প্রেরিত্‌ 5:14

সিয়েন অলেয়ো বোউত্ মরদ্ আর মিলে প্রভু উগুরে বিশ্বেজ্ গুরিলাক্ আর বিশ্বেজি দল সমারে মিজেলাক্।

প্রেরিত্‌ 8:20

সেক্কে পিতরে তারে কলঅ, “তঅ টেঙাগুন্ তঅ সমারে ভস্ত ওক্‌, কিয়া তুই মনে গোজ্জ্যস্ গোজেনর দান টেঙালোই কিনে যায়।

১ করিন্হীয় 6:6

সিয়েনর্ বদলে ভেই বিলিনে ভেইয়ো বিরুদ্ধে আদালদত্ যায়, আহ্ সিয়েনঅ অারঅ অবিশ্বেজিগুনো মুজুঙোত্!

১ তীমথিয় 5:8

যে নিজো কুদুম্মোগুনোরে, বিশেষ গুরিনে নিজো পরিবারর্ দেগাশুনো ন-গরে, তে তারে দিইনে তা বিশ্বেজ্‌চানরে অস্বিগের্ গোজ্জ্যে; তে অবিশ্বেজিত্তুন্‌অ বেশ্ বজং।

১ পিতর 1:21

গোজেনে তারে মরণত্তুন্ জেদা গুরি তুলিনে মহিমা দান গোজ্জ্যে আর তা মাধ্যমে তুমি গোজেন উগুরে বিশ্বেজ্ গোজ্জ্য; আর সেনত্যে তমার্ বিশ্বেজ্ আর আজা গোজেন উগুরে আঘে।

বিচের গুরিয়্যেগুন 19:22

ইঙিরিনে যেক্কে তারা সুন্‌যুগ্‌ গুরিনে সময় কাদাদন্‌ সেক্কে শঅরর্‌ কয়েক্কো বজং মানুচ্‌ এইনে ঘরান্‌ ঘিরিলাক্‌। তারা দোরানত্‌ লাদি মারদে মারদে ঘরঅ গিরোজ্‌সো সে বুড়ো মানুচ্চোরে কলাক্‌, “যে মানুচ্চো তঅ ঘরত্‌ এচ্চ্যে তারে নিগিলেই দে। আমি তা লগে সিনেলী গুরিবোং।”

বিচের গুরিয়্যেগুন 20:13

গিবিয়ার সে বেক্‌ পাজি মানুচ্চুনোরে তুমি আমা আঢত্‌ তুলি দুয়ো যেনে আমি তারারে মারে ফেলেইনে ইস্রায়েলীয়গুনো ভিদিরেত্তুন এ গুনোমিগানি দূর্‌ গুরি দি পারিই। মাত্তর্‌ বিন্যামীনীয়গুনে তারার্‌ ইস্রায়েলীয় ভেইয়ুনোর কধালোই কান ন-পাদিলাক্‌।

১ শমূয়েল 2:12

এলির পূঅগুনে এলাক অমহদ পাজি। লগেপ্রভু উগুরে তারার কনঅ মনযোগ ন-এলঅ।