২ করিন্হীয় 6:14 - Chakma Bible

¹⁴ তুমি অবিশ্বেজিগুনো সমারে এক জুঙোলত্ কানাগান্ ন-পাত্য। ন্যায়র্ সমারে অন্যেয়র্ মিজেনাগান কিত্যে? পহ্‌র আর আন্ধার ভিদিরে কি মিজেনা আঘে?

২ করিন্হীয় 6:14 ပူးပေါင်းရင်းမြစ်များ

পত্থম 24:3

যিবে স্বর্গ আর পিত্‌থিমীয়ানর্ গোজেন সেই লগেপ্রভু ইধু মুই তরে এ শমত্‌ গরাঙর্‌: মুই যে কনানীয়গুনো ইধু বজত্তি গরঙর্‌ তারা ভিদিরেত্তুন্‌ কনঅ মিলেরে মঅ পুয়োবোর্‌ মোক্‌ ইজেবে তুই বেঈ ন-লবে।

১ রাজাবলী 18:21

এলিয় মানুচ্চুনোর মুজুঙোত্‌ যেইনে কলঅ, “আর কয়দিন তুমি দ্বিয়েন্‌ নৌকোত্‌ ঠেঙ্‌ দিইনে চলিবা? যুনি লগেপ্রভু গোজেন্‌ অয় সালে তারে সেবা গরঅ, আর যুনি বাল দেবেদাবো গোজেন অয় সালে তারে সেবা গরঅ।” মাত্তর্‌ মানুচ্চুনে কনঅ জোব্‌ ন-দিলাক্‌।

২ বংশধর 19:2

সেক্কে হনানির পুয়ো দর্শক যেহূ নিগিলিনে তাইদু যেইনে কলঅ, “পাজিগুনোরে বল্‌ দেনা আর যিগুনে লগেপ্রভুরে ঘিনান্‌ তারারে কোচ্‌পানা কি তর্‌ উজিত্‌ ওইয়্যে? ইয়েনত্তে লগেপ্রভুর রাগ্‌কান্‌ তঅ উগুরে লামি এচ্ছ্যে।

ইষ্রা 10:19

ইগুনে বেক্কুনে নিজোর্ নিজোর্ মোগ্‌কুনোরে ছুড়্ কাবোজ্ দিবাক্ বিলিনে এগেম্ গুরিলাক্ আর তারার্ দুষত্তে তারা পত্তিজনে পালত্তুন্ এক্কো গুরি ভেড়া লোইনে দুষ উৎসর্বর অনুষ্ঠান গুরিলাক্।

গীতসংহিতা 106:35

বরং সেই জাদ্‌তুনো সমারে তারা নিজে মিজেয়োন্ আর তারার চলাফিরে-বেবহারানি মানি নিলাক্।

গীতসংহিতা 119:63

যিগুনে তরে ভোক্তিগুরি দরান আর তর্ সুদোমানি পালান্ মুই তারার বেক্কুনোর সমাজ্যে।

গীতসংহিতা 16:3

পিত্‌‌থিমীর্ যিদুক্কুন মানুচ্ গোজেনর, তারা দাঙর্; তারারে নিইনে মর্ হুজি।

যাত্রা 34:16

ইয়েনিবাদে তুমি তারার্‌ ঝিগুনো সমারে যেক্কে তমার্‌ পূঅগুনোরে মেলা গুরি দিবা সেক্কে সেই বেক্‌ মিলেগুনে ভান্ন্যেই মনভাব্‌‌পোই তারার্‌ দেব-দেবেদা পূজোত্‌ নিজোরে তুলি দিবাক্‌ আর তমার পূঅগুনোরেয়ো সেক্কে টানি নেযেবাক্।

গম্ উপদেজ্ 22:24

মেজাজ্ গরম মান্‌জ্য লগে দাংগুত্ব ন-গোজ্য; যে সহজে রাগ্ তুলে তা সমারে ন-মিজেয়ো।

গম্ উপদেজ্ 29:27

গোজেন ভক্ত মানুচ্চুনে অন্যেয় গুরিয়্যেবোরে ঈচ্ গরন্, আর যে মানুচ্চো সোজা পধেদি যায় পাজিগুনে তারে ঈচ্ গরন্।

লেবীয় 19:19

মর্‌ সুদোমান মানি চলা পুরিবো। নানান্ জাদর্‌ য়েমান সমারে কিয়্যেদি মিজেনা ন-চলিবো। একই ক্ষেদত্‌ দ্বিবাবোত্যে বীজ লাগানা ন-চলিবো। দ্বিজাদর্‌ সুদোলোই বুন্যে কাবড় উরোনা ন-চলিবো।

মালাখি 2:11

যিহূদা বেঈমানী গোজ্যে। ইস্রায়েলত্ আর যিরূশালেমত্ জঘন্য কাম্ গরা ওইয়্যে। যিহূদার মানুচ্চুনে দেবেদা পূজিয়্যে মিলেগুনোরে লোইনে লগেপ্রভু যিগুনোরে কোচ্‌‌‌পায় তারারে অসিজি গোজ্যে।

মালাখি 2:15

লগেপ্রভু কি নেক্কোরে আর মোক্কোরে এক ন-গরে? কিয়্যেদি আর আত্মাদি তারা তারই। তারা কিত্তে এক? কিত্যে তে তারা মাধ্যমে এক্কো গোজেন ভক্ত বংশ রোক্ষ্যে গুরিবাত্তে চেইয়্যে। সেনত্তে তুমি তমা মন পৌইদ্যেনে উজিয়ার্ অ; গাবুজ্যেকালর্ মোগো লগে তুমি বেঈমানী ন-গোজ্য।

যোহন 7:7

জগদ মানুচ্চুনে তমারে ঈচ্ গুরি ন-পারন্ মাত্তর্ মরে ঈচ্ গরন্, কিয়া মুই তারা পৌইদেনে এ সাক্ষ্যগান্ দুয়োঙর্, তারার্ বেক্ কামানি ভান্ন্যেই।

প্রেরিত্‌ 4:23

সিয়েনত্তুন্ ছড়ান্ পেইনে পিতর আর যোহনে তারা নিজো মানুচ্চুনো ইধু গেলাক্ আর আজল্ ধর্মগুরুগুন আহ্ বুড়ো নেতাগুনে তারারে যিয়েনি যিয়েনি কোইয়োন বেক্কানি তারারে জানেলাক্।

১ করিন্হীয় 10:21

প্রভুর গলচ্চো আর ভান্ন্যেই আত্মাগুনোর গলচ্চো, এ দ্বিবে গলজত্তুন্ তুমি হেই ন-পারঅ। প্রভুর টেবিলো উগুরে আর ভান্ন্যেই আত্মাগুনোর্ টেবিলো উগুরে যিয়েনি আঘে, এই দ্বিয়েনর্ ভাগ্ তুমি লোই ন-পারঅ।

১ করিন্হীয় 15:33

কধায় কয়, “বজং সমাজ্জ্যে গম্ মান্‌জ্যরেয়ো বজং গুরি ফেলায়।”

১ করিন্হীয় 5:9

মঅ চিধিগানত্ মুই তমা ইধু লেক্ক্যং, তুমি যেন বজং খাচ্চ্যদ মানুচ্চুনো সমারে মিলেমিশে ন-গরঅ।

১ করিন্হীয় 6:6

সিয়েনর্ বদলে ভেই বিলিনে ভেইয়ো বিরুদ্ধে আদালদত্ যায়, আহ্ সিয়েনঅ অারঅ অবিশ্বেজিগুনো মুজুঙোত্!

১ করিন্হীয় 7:39

নেক্কো যেদকদিন বাঁজি থায় সেদক দিন মোক্কো তাইধু বান্ন্যে থায়। মাত্তর্ যুনি নেক্কো মুরি যায় সালে তে যিবেরে আওজ্ সিবেরে লোই পারে, খালিক্ সে মানুচ্চো যেন প্রভুর্ অয়।

যাকোব 4:4

অবিশ্বেজি-মানুচ্চুন্! তুমি কি কোই ন-পারঅ, জগদর্ দাংগু অনা মানে গোজেনর্ শত্রু অনা? সেনত্যে যে কেঅ জগদর্ দাংগু অবার্ আওজ্ গরে তে নিজোরে গোজেনর্ শত্রু বানায়।