২ করিন্হীয় 6:1 - Chakma Bible

¹ গোজেন সমারে কাম গুরিয়্যে ইজেবে আমি তমারে এ কোজোলিগান্ গুরির্, তুমি যেক্কে গোজেনর্ দোয়্যে পেইয়ো সেক্কে সিয়েন বিফল্ অবাত্তে ন-দুয়ো।

২ করিন্হীয় 6:1 ပူးပေါင်းရင်းမြစ်များ

যিরমিয় 8:8

“তুমি কেধোক্ক্যেনগুরি কঅ, ‘আমি জ্ঞানী আর লগেপ্রভুর সুদোমানি আমা ইধু আঘে।’ আজলে ধর্ম-মাস্তরুনে সুদোমানি ভুল্ গুরিনে মিজে কধা লেখ্যন্।

মথি লেখ্যে গম্ হবর্ 23:37

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাদা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছগুনোরে তা ডুয়োনিলোই এগত্তর্ গরে সেবাবোত্যেগুরি মুই তঅ মানুচ্চুনোরে কয়বার্ মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।

প্রেরিত্‌ 11:23

গোজেনে যে কেধোক্ক্যেন্ গুরি আন্তিয়খিয়া মানুচ্চুনোরে দোয়্যে গোজ্জ্যে বার্ণবা এইনে সিয়েন দেগিনে অমকদ হুজি অলঅ। তারা যেন বেক্ মনান্ দিইনে প্রভু ইধু বিশ্বেজি থান্ সেনত্তে তে তারার্ বেক্কুনোরে উচ্চোমি দিয়্যে ধুরিলো।

প্রেরিত্‌ 14:3

পৌল আর বার্ণবা সেই শঅরত্ বেশ্ কয়েক দিন থেলাক্ আর সাহচ্‌ গুরিনে প্রভুর কধানি কুয়ো ধুরিলাক্। প্রভুর দোয়্যে পৌইদ্যেনে তারা যিয়েনি ফগদাং গোজ্জ্যন্ সেই কধানি যে বিশ্বেজ্ গুরিবার প্রভু সিয়েনি প্রমাণ গুরিবাত্যে পৌল আর বার্ণবারে আমক্ আমক্ কাম্ গুরিবার খেমতা দিলো।

রোমীয় 12:1

সালে ভেইলগ্, গোজেনর্ এ বেক্‌ দোয়্যের্ কারনে মুই তমারে বিশেষ গুরিনে কোজোলি গরঙর্, তুমি তমার্ কিয়্যেগানরে জেদা, পবিত্র আর গোজেনর্ মানি লোইয়্যে উৎসর্ব ইজেবে গোজেন আঢত্ তুলি দুয়ো। সিয়েনই অবঅ তমার্ যগাজ্যে সেবা।

১ করিন্হীয় 3:9

কিয়া আমি দ্বিয়ো জনেই গোজেন সমারে কাম গুরির্। তুমি গোজেনর্ খেত্, গোজেনর্ বানেয়্যে বিল্ডিং।

২ করিন্হীয় 10:1

খ্রীষ্টর্ চিদে আর দোয়্যেলু মনর্ কধা ইদোত্ রাগেইনে মুই পৌল নিজেই তমারে কোজোলি গরঙর্। মান্‌জ্যে কন্, মুই যেক্কে তমা কুরে থাং সেক্কে নাকি দোরে দোরে কাদাং, মাত্তর্ যেক্কে ন-থাং সেক্কে সাহসী অং।

গালাতীয় 2:21

গোজেনর্ এই দোয়্যেগানরে মুই বাদ্ ন-দিম, কিয়া মানুচ্ যুনি রীতি-সুদোম্ পালানার্ মাধ্যমে গোজেনর্ মানি লোইয়্যে ওই পারে সালে খ্রীষ্ট মিজে মিজেই মোজ্জ্যে।”

গালাতীয় 3:4

তুমি কি মিজে মিজে এদক্ দুঘ্ ভুগোর্? মুই আজা গরং তমার্ সেই দুঘ্ ভুগোনা অনত্তক্ ন-অয়।

১ থিষলনীকীয় 3:5

সেনত্যে মুই যেক্কে আর সোজ্জ্য গুরি ন-পারিলুং সেক্কে বিশ্বেজ্ ইন্দিত্তুন্ তুমি কি অবস্থায় আঘঅ সিয়েন জানেবাত্যে তীমথিয়রে পাধেয়োং। মত্তুন্ দর্ গরেত্তে, অয়ত শদানে তমারে লুভ্ দেগেয়্যে আর আমার কামানি বেক্কানি ব্যত্ত ওই যেইয়্যে।

তীত 2:11

গোজেনর্ যে দোয়্যেলোই পাপত্তুন্ উদ্ধোর্ পাহ্ যায় সিয়েন বেক্‌ মানুচ্চুনো ইধু ফগদাং পেয়্যে।

ইব্রীয় 12:15

চঅ, কেঅ যেন গোজেনর্ দোয়্যেত্তুন্ বাদ্ ন-পড়ন্। চঅ, বিষ্‌বলা তিদে গাজ শিঙোর ধোক্ক্যেন্ গেজেই উদিনে কেঅ যেন দুঘ্ বাড়েইনে ভালোক্ জনরে অসিজি ন-গরন্।

ইব্রীয় 12:25

উজিয়ার্! যিবে কধা কর্ তা কধানি এলাফেলা ন-গোজ্জ্য। মোশি গোজেনর্ উজিয়ার কধা পিত্‌থিমীত্ জানানার্ পরেদি মানুচ্চুনে তা কধানি এলাফেলা গোজ্জ্যন বিলিনে যেক্কে খেমা ন-পান্, সেক্কে যিবে স্বর্গত্তুন্ আমারে উজিয়ার্ গরের্ তা কধানি এলাফেলা গুরিলে আমি যে কনঅ বাবদে খেমা ন-পেবং সিয়েনত্ কনঅ সন্দেহ নেই।

ইব্রীয় 4:1

গোজেনর দিয়্যে জিরেবার জাগানত্ যেবার যে এগেমান্ এলঅ সেই এগেমান্ আমাত্যেয়ো খাদে। সেনত্যে আমার উজিয়ার উয়ো পরিবো, যেন কেঅ সেই এগেম্ গোজ্জ্যে বর্ পানার্ যোগ্য নয় বিলি দেগা ন-যায়।

১ পিতর 4:10

গোজেনর্ নানান্ বাবোত্যে দোয়্যে পেইনে যে মানুচ্চো বিশ্বেজ্ গুরিনে সিয়েন কামত্ লাগেয়্যে, সেবাবোত্যে মানুচ্ ইজেবে তুমি গোজেনত্তুন্ যেধোক্ক্যেন দান পেইয়ো সিয়েন একজন আরেকজনর্ সেবা গুরিবাত্যে বেবহার গরঅ।

১ শমূয়েল 14:45

মাত্তর্‌ মানুচ্চুনে শৌলরে কলাক্, “কি? যিবেত্যে ইস্রায়েলীয়গুনে এই দাঙর্ উদ্ধোরান্ পেইয়োন সেই যোনাথনত্তুন মরা পুরিবো? কনদিনঅ নয়; জেদা লগেপ্রভুর শমক্‌, তা এক্কান চুলঅ মাদিত্‌ ন-পুরিবো, কিত্যে তে এচ্চ্যে যিয়েনি গোজ্যে সিয়েনি গোজেন লগে থেইনেই গোজ্যে।” মানুচ্চুনে এধোক্ক্যেনগুরি যোনাথনরে রোক্ষে গুরিলাক্, তারে মারে ফেলা ন-অলঅ।