২ করিন্হীয় 5:21 - Chakma Bible

²¹ যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

২ করিন্হীয় 5:21 ပူးပေါင်းရင်းမြစ်များ

যিরমিয় 23:26

আর কয়দিন এই ভাববাদীগুনে তারার মনর্ মিজেত্তুন মিজে কধা কবাক্?

যিরমিয় 33:16

সে অক্তত্ যিহূদার মানুচ্চুনে উদ্ধোর্ পেবাক্ আর যিরূশালেমর মানুচ্চুনে গমেডালে বজত্তি গুরিবাক্। তারে এ নাঙে ডাগা অবঅ-লগেপ্রভু আমার্ নিদ্দুষিতা।

দানিয়েল 9:24

তর্ মানুচ্চুনোত্তে আর তর্ সুদ্ধো-সাংগ শঅরত্তে সত্তুর্ গুণ সাত বজর ঠিগ্ গরা ওইয়্যে। সেই সময়ো ভিদিরে ভান্ন্যেয়ানি বন্ধ গরা অবঅ, অন্যেয়র্ থুম্ অবঅ, পাপ নাঢি দিয়্যে অবঅ, উমরত্যে ন্যায্যতা থিদেবর্ গরা অবঅ, দর্শন আর আগাম্ বাণী পূরোণ গরা অবঅ আর দাঙর্ সুদ্ধো-সাংগ জাগানরে অভিষেগ্ গরা অবঅ।

দানিয়েল 9:26

বাষট্টি গুণ সাত বজর্ পরেদি মশীহরে মারে ফেলা অবঅ আর তার্ কিচ্ছু ন-থেবঅ। অন্য এক্কো শাজন্‌গুরিয়্যে এবঅ আর তা মানুচ্চুনে এইনে শঅরর্ আর উবোসনা-ঘরান ভস্ত গুরিবো। শেজদি পানিবান সময় এবঅ, যেরেদি যুদ্ধো চলিবো আর ভস্তর্ পর ভস্ত ঠিগ্ গুরি রাগা আঘে।

সখরিয় 13:7

বেগত্তুন্ খেমতাবলা লগেপ্রভু কত্তে, “ও লাম্বা ছুরিগান্, তুই মঅ গরগ্‌‌‌‌‌কোর্ বিরুদ্ধে, মঅ সমারে মানুচ্চুনোর্ বিরুদ্ধে, জাগি উদ্। গরগ্‌‌‌‌‌‌কোরে আঘাত্ গর্, সেক্কে ভেড়াগুন ছিদি পড়িবাক্; মুই ভেড়া ছঅগুনো বিরুদ্ধেয়ো মঅ আঢ্‌‌‌‌‌‌তানি তুলিম।

গণাণা 21:9

সেক্কে মোশি এক্কো পিদোলর সাপ বানেইনে এক্কো তুনি উগুরে থলঅ। কাররে সাপে কামেড়েলে তে উই পিদোলর্ সাপ্পোন্দি রিনি চেদঅ আর সেক্কে তে বাঁজিদো।

গণাণা 7:45

পুজ্যে-উৎসর্বত্তে এক্কো বলদ গোরু, এক্কো ভেড়াছাগল, এক্কো এক বোজোজ্যে ভেড়াছাগলর-ছঅ;

গণাণা 7:64

পাপ-উৎসর্বত্তে এক্কো পাঁদা;

লূকে লেখ্যে গম্ হবর্ 1:35

স্বর্গদূত্তো কলঅ, “পবিত্র আত্মা তঅ উগুরে এবঅ আর দাঙর্ গোজেন ছাবা তঅ উগুরে পুড়িবো। ইয়েনত্তে যে পবিত্র পুয়োবো জোর্মেব তারে গোজেনর্ পুয়ো কুয়ো অবঅ।

প্রেরিত্‌ 3:14

তুমি সেই পবিত্র আর ন্যায়বলা মানুচ্চোরে অস্বীগের্ গুরিনে এক্কো খুনীরে তমা ইধু ইরি দিবাত্তে কোইয়ো।

রোমীয় 1:17

গোজেনে কেধোক্ক্যেন্ গুরি মান্‌জ্যরে নিদ্দুজি বিলিনে মানি লয় সে কধাগান্ এ গম্ হবর্ ভিদিরে ফগদাং গরা ওইয়্যে। পৌইল্যাত্তুন্ ধুরি থুম্ সং বানা বিশ্বেজর্ মাধ্যমে মান্‌জ্যরে নিদ্দুজি বিলিনে মানি লুয়ো অয়। পবিত্র বোইবোত্ লেগা আঘে, “যিবেরে নিদ্দুজি বিলিনে মানি লুয়ো অয় তে বিশ্বেজর্ মাধ্যমে জিংকানি পেবঅ।”

রোমীয় 4:25

আমা পাপত্যে যীশুরে মরণ আদত্ তুলি দিয়্যে ওইয়্যে আর আমারে নিদ্দুজি বিলিনে মানি লবাত্যে তারে মরণত্তুন্ জেদা গরা ওইয়্যে।

রোমীয় 5:19

যেধোক্ক্যেন্ এক্কো মান্‌জ্যর্ অবাধ্য অনার্ মাধ্যমে ভালোক্ জনরে পাপী বিলিনে ধরা ওইয়্যে, সেধোক্ক্যেন্ গুরি এক্কো মান্‌জ্যর্ বাধ্যতার মাধ্যমে ভালোক্ জনরে নিদ্দুজি বিলি মানি লুয়ো অবঅ।

১ করিন্হীয় 1:30

যীশু খ্রীষ্ট সমারে যে তুমি এগত্তর্ গুরি আঘ সিয়েন গোজেনত্তুন্ ওইয়্যে। যীশু খ্রীষ্ট আমা ইধু গোজেনর্ দিয়্যে জ্ঞান; তেয়ই আমার নিদ্দুজি, পবিত্র আর উদ্ধোর্।

২ করিন্হীয় 5:17

যুনি কেঅ খ্রীষ্ট সমারে মিজেই থায় সালে তে নুয়ো গুরিনে সৃট্টি অলঅ। তার্ পুরোণি বেক্কানি ভুলি যেইনে বেক্কানি নুয়ো ওই উত্ত্যে।

গালাতীয় 3:13

রীতি-সুদোম্ অমান্য গরানার ফলে যে অভিশাব্‌পান আমা উগুরে এলঅ, খ্রীষ্ট সে অভিশাব্‌পান নিজো উগুরে লোইনে আমারে উদ্ধোর্ গোজ্জ্যে। পবিত্র বোইবোত্ এ কধাগান্ লেগা আঘে, “যিবেরে গাজত্ টাঙা অয় তে অভিশাব্ পেইয়্যে।”

ইফিষীয় 5:2

খ্রীষ্ট যেধোক্ক্যেন গুরি আমারে কোচ্‌পেইয়্যে আর আমাত্যে গোজেনর্ উদ্দেচ্চ্যে তুমবাচ্‌‌‌‌বলা উৎসর্ব ইজেবে নিজোরে দিয়্যে, ঠিগ সেবাবোত্যেগুরি তুমিয়ো কোচ্‌পানার পধেদি চলঅ।

ইব্রীয় 4:15

আমা দাঙর্ ধর্মগুরুবো এমন্‌ কেঅ নয় যিবে আমা বল্‌পোজ্যেগানিত্যে আমা সমারে পিড়ে ন-পায়, কিয়া আমা ধোক্ক্যেন গুরি তেয়ো বেক্কানিত্তুন্ পাপ পোরোক্ষ্যে মুজুঙোত্ থিয়্যেইয়্যে অদচ পাপ ন-গরে।

ইব্রীয় 7:26

এবাবোত্যে এক্কো পবিত্র, দুষ্-নেইয়্যে আর খাটি ধর্মগুরু আমার দরকার এলঅ। তে পাপী মান্‌জ্যত্তুন্ জুদো আর গোজেনে তারে আগাজত্তুন্‌অ উগুরে তুল্ল্যে।

১ পিতর 3:18

খ্রীষ্টয়ো পাপত্যে একবার মোজ্জ্যে। গোজেন ইধু আমারে নেযেবাত্যে সে নিদ্দুজি মানুচ্চো পাপীগুনোত্যে, অত্তাৎ আমাত্যে মোজ্জ্যে। কিয়্যেদি তারে মারে ফেলা ওইয়্যে, মাত্তর্ আত্মায় তারে জেদা গরা ওইয়্যে আর তে বন্দী আত্মাগুনো ইধু যেইনে ফগদাং গোজ্জ্যে।

১ যোহন 3:5

তুমি দঅ কোই পারঅ যে, আমা পাপ্পানি ধাবেই দিবাত্যে খ্রীষ্ট ফগদাং ওইয়্যে। খ্রীষ্ট ইধু কনঅ পাপ নেই। যিগুনে খ্রীষ্ট সমারে থান্ তারা পাপত্ পড়ি ন-থান্।