২ করিন্হীয় 5:20 - Chakma Bible

²⁰ সেনত্তে আমি খ্রীষ্টর্ দূত ইজেবে তার্ ওইনে কধা কোর্। আসলে গোজেনে যেন নিজে আমা মাধ্যমে মানুচ্চুনো ইধু কোজোলী গরের্। সেনত্তে খ্রীষ্টর্ ওইনে আমি এ কোজোলীগান গুরির্, “তুমি গোজেন সমারে মিজো।”

২ করিন্হীয় 5:20 ပူးပေါင်းရင်းမြစ်များ

২ রাজাবলী 17:13

লগেপ্রভু তা বেক্‌ ভাববাদীগুনোরে আর চেইয়্যেগুনোর্‌ মাধ্যমে ইস্রায়েল আর যিহূদারে ইয়েন্‌ কোইনে উজিয়ার্‌ গুরি দিলো, “তুমি তমার্‌ ভান্ন্যেই পধত্তুন্‌ ফিরো আর বেক্‌ রীদি-সুদোমানি যিয়েনি মুই তমা পূরোণি মানুচ্চুনোরে পালেবাত্তে দুয়োং আর মর্‌ চাগরুনোরে, অত্তাৎ ভাববাদীগুনোর্‌ মাধ্যমে তমারে জানেয়োঙ্‌ তুমি সে ইজেবে মর্‌ বেক্‌ উগুমানি আর সুদোমানি পালঅ।”

২ বংশধর 36:15

ইস্রায়েলীয়গুনোর পূরোণিমানুচ্চুনোর গোজেন লগেপ্রভু বার্‌ বার্‌ মানুচ্‌ পাদেইনে তারারে উজিয়ার্‌ গুরিদো, কিত্যে তার্‌ মানুচ্চুনোর্‌ আর তার্‌ থেবার্‌ ঘরানি উগুরে তার্‌ দোয়্যে-মেইয়্যে এলঅ।

নহিমিয় 9:29

তর্‌ রীদি-সুদোম ইন্দি ফিরি এবাত্তে তুই তারারে উজিয়ার্‌ গোজ্যস্‌ মাত্তর্‌ তারার্‌ বেবহারান্‌ এলদে বার্‌বোলোই ভরা; তারা তর্‌ বেক্‌ উগুমানি ন-পালান্‌। তর্‌ যেদক্কানি উগুম্‌ পালন্‌ গুরিলে মানুচ্‌ বাজন্‌ সেনত্তেই সিয়েনর্‌ বিরুদ্ধে তারা পাপ গোজ্যন্‌। তারা একগেয়েমি গুরিনে আর গত্তনাগুন্‌ দরমর গুরিনে তর্‌ কধানি শুনিবাত্তে ন-চান্‌।

ইয়োব 22:21

“তুই গোজেনর কধালোই রাজি অ, তা বিরুদ্ধে শত্রু মনভাব ন-রাগেচ্; সালে তর্‌ মংগল্‌ অবঅ।

ইয়োব 33:23

যুনি এক্কো স্বর্গদূত তা পক্ষেন্দি থায়, আজার দূতো ভিদিরে এক্কো গমদূত্ থায় যিবে মান্‌জ্যরে কয় কুবোন্ তাত্তেই ঠিগ্,

ইয়োব 33:6

গোজেনর মুজুঙোত্ তুই মুই সংসং; মরেয়ো মাদিলোই বানা ওইয়্যে।

গম্ উপদেজ্ 13:17

পাজি হবর্ দিয়্যেবো দজাত্ পড়ে, মাত্তর্ গম্ হবর্ দিয়্যেবো ভালেদি আনে।

যিশাইয় 27:5

সিগুনে বরং আশ্রয়ত্তে মইদু এজোদোক্; মঅ লগে শান্তির্ কধা কোদোক্। অয়, তারা মঅ লগে শান্তির্ কধা কোদোক্।

যিরমিয় 38:20

জোবত্ যিরমিয় কলঅ, “তারা তরে তুলি ন-দিবাক্। মুই তরে যিয়েন কঙর্ সিয়েন গুরিনে লগেপ্রভুর বাধ্য অ। সালে তর্ গম্ অবঅ, তঅ পরানান বাঁজিবো।

যিরমিয় 44:4

মুই বার্ বার্ মঅ চাগরুনোরে, অত্তাৎ ভাববাদীগুনোরে পাদেয়োং; তারা কোইয়োন্দে যে, তারা যেন সেই জঘন্য কামানি ন-গরন্ যিয়েনি মুই ঘিনাং।

মালাখি 2:7

আজলে গোজেন আওজ পৌইদ্যেনে শিক্ষ্যে দেনা ধর্মগুরুগুনোর উচিত্ যেনে সেই শিক্ষ্যেগান আযি ন-যায়। ইয়েনি বাদেয়ো গোজেন কধানি জানিবাত্তে ধর্মগুরুগুনো ইধু মানুচ্চুনোর্ যানা উচিত, কিত্যে তারা বেগত্তুন্ খেমতাবলা লগেপ্রভুর হবর্ হোইয়্যে।

লূকে লেখ্যে গম্ হবর্ 10:16

যীশু তা শিচ্চ্যগুনোরে কলঅ, “যিগুনে তমা কধানি শুনোন্ তারা মঅ কধায়ো শুনোন্। যিগুনে তরে এলাফেলা গরন্ তারা মরেয়ো এলাফেলা গরন্। যিগুনে মরে এলাফেলা গরন্, যিবে মরে পাধেয়্যে তারা তারেই এলাফেলা গরন্।”

লূকে লেখ্যে গম্ হবর্ 14:23

সেক্কে গিরোজ্‌সো চাগর্‌বোরে কলঅ, ‘শঅরর্ বারেদি পধে পধে আর গলিয়ে গলিয়ে যাহ্ আহ্ ইধু এবাত্যে মানুচ্চুনোরে জোর্ গর্, যেন মঅ ঘরান্ ভুরি যায়।

যোহন 20:21

যেরেদি যীশু আরঅ তারারে কলঅ, “তমার্ শান্তি ওক্‌। বাবা যেধোক্ক্যেনগুরি মরে পাধেয়্যে মুইয়ো সেধোক্ক্যেনগুরি তমারে পাধাঙর্।”

রোমীয় 5:10

যেক্কে আমি গোজেনর্ শত্রু এলং সেক্কে তা পুয়োবোর্ মরাণার্ মাধ্যমে তা লগে আমি মিজেয়্যেই। এবাবোত্যেগুরি মিজেয়্যেই বিলি খ্রীষ্টর্ জিংকানিগান্দোই আমি খামাক্কায় পাপত্তুন্ উদ্ধোর্ পেবং।

২ করিন্হীয় 12:10

সেনত্যে খ্রীষ্টত্যে বল্‌পোজ্জ্যে, অগমানে, যন্ত্রনায়, অত্যেচারে আর দিদ্দেরি অলেয়ো মুই হুজি; কিয়া যেক্কে মুই হ্‌রান্ সেক্কেই মুই বোলী।

২ করিন্হীয় 3:6

এক্কান নুয়ো বেবস্থার্ কধা জানিবাত্যে তেয়ই আমারে যোগাজ্জ্যে গুরি তুল্ল্যে। এ বেবস্থাগান্ অক্ষরে অক্ষরে আইন-কানুন্ পালানার্ বেপার নয়, মাত্তর্ পবিত্র আত্মার পরিচালনায় মনর্ বাধ্যতার্ বেপার; কিয়া আইন-কানুনে মরণ আনে, মাত্তর্ পবিত্র আত্মাগানে জিংকানি দান গরে।

২ করিন্হীয় 5:11

প্রভুরে দোরেই বিলিনে আমি নিজো পৌইদ্যেনে মান্‌জ্য মনত্ বিশ্বেজ্ জোর্মেবার চেষ্টা গুরিই। আমি যেবাবোত্যে, সিয়েন দঅ গোজেন ইধু খুলোমেলা আর মুই আজা গরং তমা বিবেগ ইধুয়ো সিয়েন খুলোমেলা।

২ করিন্হীয় 6:1

গোজেন সমারে কাম গুরিয়্যে ইজেবে আমি তমারে এ কোজোলিগান্ গুরির্, তুমি যেক্কে গোজেনর্ দোয়্যে পেইয়ো সেক্কে সিয়েন বিফল্ অবাত্তে ন-দুয়ো।

ইফিষীয় 6:20

এই গম্ হবরান্ প্রচারত্যে মুই শিগোলত্ বান্যে খেলেয়ো খ্রীষ্টর দূতোর্ কাম গরঙর্। তবনা গরঅ যেন জেলো ভিদিরে থেইনে যেবাবোত্যে গুরি সেই গম্ হবরান মর্ প্রচার গরানা উচিত সেবাবোত্যেগুরি সাহচ্ গুরিনে সিয়েন গুরি পারং।

কলসীয় 1:20

সিয়েনবাদে পিত্‌থিমীত ওক্‌ বা স্বর্গত ওক্‌, খ্রীষ্টর্ মাধ্যমে তার্ নিজো লগে বেক্কানির্ মিজেনাগান-অ তে চেইয়্যে। খ্রীষ্ট ক্রুশো উগুরে তার্ লো-গান দান গুরিনে শান্তি আন্ন্যে বিলিনে এই মিজেনাগান্ ওই পাজ্জ্যে।

১ থিষলনীকীয় 4:8

সেনত্যে এ শিক্ষ্যেগান যে এলাফেলা গরে তে মান্‌জ্যরে এলাফেলা ন-গরে, মাত্তর্ যিবে তার্ পবিত্র আত্মাগানরে তমাত্যে দান গোজ্জ্যে তেয়ই গোজেনরে এলাফেলা গরে।