২ করিন্হীয় 5:19 - Chakma Bible

¹⁹ ইয়েনর্ অত্তগান অলঅ, গোজেনে মান্‌জ্যর্ পাপ্পানি ন-ধুরিনে খ্রীষ্টর্ মাধ্যমে নিজো সমারে মান্‌জ্যরে মিলেই দিয়্যে, আর সেই মিজেনার্ হবরান্ জানেবার ভারান্ তে আমা উগুরে দিয়্যে।

২ করিন্হীয় 5:19 ပူးပေါင်းရင်းမြစ်များ

যিশাইয় 43:25

“মুই, মুয়ই মর্ নিজোত্তে তঅ অন্যেয়ানি ফুজি ফেলাং; মুই তঅ পাপ্‌‌‌‍পানি আর ইদোত্ ন-তুলিম।‍

যিশাইয় 44:22

মেঘ ধোক্ক্যেন গুরি তর্ বেক অন্যেয়ানি আর বেন্যে মাঢান্ কুয়ো ধোক্ক্যেন গুরি তর্ বেক পাব্‌‍পানি মুই দূর্ গুরি দুয়োং। তুই মইদু ফিরি আয়, কিত্তে মুয়ই তরে উদ্ধোর্ গোজ্যং।” ‍‍

গণাণা 9:16

সে পরেত্তুন্‌ ধুরি অবস্থাগান্‌ সেধোক্কেন্ ওয়া ধুরিলো। থেবার-তাম্বুলান সেই মেঘকান্দোই নাট্যে থেদঅ আর রেদোত্‌ সিয়েন আগুনো ধোক্কেন্ দেগা যেদঅ।

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

যোহন 14:20

সেদিন্ন্যে তুমি জানিবা যে, মুই বাবা সমারে এগত্তর্ আঘং আর তুমি মঅ সমারে এগত্তর্ আঘঅ আর মুই তমা সমারে এগত্তর্ আঘং।

যোহন 17:23

অত্তাৎ মুই তারা সমারে আগং আর তুই মঅ সমারে আগচ্, আর এবাবোত্যেগুরি যেন তারা গমেডালে এক ওই পারন্। সেক্কে জগদর্ মানুচ্চুনে কোই পারিবাক্ যে, তুয়ই মরে পাধেয়োচ্, আর মরে যেধোক্ক্যেন্ তুই কোচ্‌পাচ্ সেধোক্ক্যেন্ গুরি তারারেয়ো কোচ্‌পেয়োচ্।

রোমীয় 11:15

গোজেনে যিহূদীগুনোরে এলাফেলা গোজ্জ্যে বিলি যুনি গোজেন সমারে জগদর্ অন্য মানুচ্চুনোর্ মিলেমিলি অলঅ মাত্তর্ তে যেক্কে যিহূদীগুনোরে মানি লবঅ সেক্কে অবস্থাগান্ কি অবঅ? সিয়েন কি মরা মান্‌জ্যর্ জিংকানি পাইদ্যে ধোক্ক্যেন্ অবস্থা ন-অবঅ?

১ করিন্হীয় 13:5

ভান্ন্যেই বেবহার ন-গরে, নিজোর্ সুবিধের্ চেষ্টা ন-গরে, রাগ্ ন-গরে, কারঅ ভান্ন্যেই বেবহারর্ কধা মনত্ ন-রাগায়,

কলসীয় 2:9

গোজেনর্ বেক্‌ পরিপূরোনান্ খ্রীষ্ট ভিদিরে কিয়্যেলোই বজত্তি গরের্, আর খ্রীষ্ট লগে মিজেইনে তুমিয়ো সেই পরিপূরোণান্ পেইয়ো।

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

১ যোহন 4:10

আমি যে গোজেনরে কোচ্‌পেয়্যেই সিয়েন নয়, মাত্তর্ তে আমারে কোচ্‌‌পেইনে তা পুয়োবোরে দিপাধেয়্যে, যেন পুয়োবো তার নিজোর জিংকানিগান-উৎসর্ব গরানায় আমা পাপ্পানি দূর্ গুরিনে গোজেনরে হুজি গরে। ইয়েনই অলঅ কোচ্‌পানা।