২ করিন্হীয় 5:16 - Chakma Bible

¹⁶ সেনত্যে ইক্কেত্তুন্ ধুরি মান্‌জ্যরে আমি আর্ তার বারেদি অবস্থাগান্ দেগিনে বিচের্ ন-গুরিই। খালিক্ খ্রীষ্টরে আমি আগেদি সেবাবোত্যেগুরি বিচের্ গোজ্জ্যেই, মাত্তর্ ইক্কিনে আর সিয়েন ন-গুরিই।

২ করিন্হীয় 5:16 ပူးပေါင်းရင်းမြစ်များ

গণাণা 10:30

জোবত্‌ হোববে কলঅ, “না, মুই ন-যেম্‌। মুই মর্‌ নিজোর্‌ দেজত্‌ নিজোর্‌ মানুচ্চুনো ইদু ফিরি যাঙর।”

মথি লেখ্যে গম্ হবর্ 10:37

যে কনজনে মত্তুন্ বেশ্ মা-বাবরে কোচ্‌পায় তে মর্ যোগ্য নয়। আর যে কনজনে পুয়ো বা ঝি-রে মত্তুন্ বেশ্ কোচ্‌পায় তে মর্ যোগ্য নয়।

যোহন 15:14

যেদক্কানি উগুম্ মুই তমারে দুয়োং সিয়েনি যুনি তুমি পালঅ সালে তুমি মঅ সমাজ্যে।

যোহন 2:4

যীশু তা মারে কলঅ, “এ পৌইদ্যেনে তর্ কি মাঢা ঘামানা? মঅ সময়ান্ এজঅ ন-অয়।”

যোহন 6:63

মান্‌জ্যর্ কিয়্যেগান্ কনঅ কামর্ নয়; পবিত্র আত্মাগানে জিংকানি দে। মুই তমারে যে কধাগানি কোইয়োং সিয়েনি আত্মিক জিংকানি দান্ গরে,

যোহন 8:15

মান্‌জ্যে যেবাবোত্যেগুরি বিচের্ গরন্ তুমি সেবাবোত্যেগুরি বিচের্ গুরি থাগঅ, মাত্তর্ মুই কারঅ বিচের্ ন-গরং।

২ করিন্হীয় 11:18

মান্‌জ্যে যিয়েন নিইনে দেমাগ্ গরন্, ভালোক জনে যেক্কে সিয়েন্দোই দেমাগ্ গত্তন্ সেক্কে মুইয়ো ন-গুরিম কিত্ত্যে?

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

দ্বি’লম্বর বিররণ 33:9

নিজোর বাপ-মারে দাঙর্ গুরি ন-দেগানা, নিজোর ভেইয়োরে স্বীগের্ ন-গরানা, নিজোর পূঅ-ঝিগুনোরে অস্বীগের্ গরানা, তে তর্‌ কধানি চুগি দিয়্যে আর তর্‌ বেবস্থাগান্‌ রোক্ষে গোজ্যে।

ফিলিপীয় 3:4

মুই খালিক্ সিয়েন গুরি পাত্তুং। যুনি কেঅ মনে গরে, আচার-অনুষ্ঠান উগুরে নির্ভর্ গুরিবার্ তার কারন আঘে সালে তে হবর্ পোগ্ যে, মর্ তাত্তুন্ বেশ্ আরঅ কারন আঘে।

কলসীয় 3:11

এ অবস্থায় অযিহূদী বা যিহূদী ভিদিরে, চুনু মাঢা কাপ্যে বা চুনু মাঢা-ন-কাপ্যে মান্‌জ্য ভিদিরে, ব-কলম, নিচুজাদ্, চাগর্ বা গিরোজ মোধ্যে কনঅ ফারগ্ নেই; সিয়েনত্ খ্রীষ্ট আজল্ আর তে পত্তিজন ভিদিরে আঘে।

যাকোব 3:17

মাত্তর্ যে জ্ঞানান্ স্বর্গত্তুন্ এজে সিয়েন পত্তমে খাটি, সে পরেদি শান্তিলোই ভরা; সিয়েনত্ থায় সোজ্জ্যগুণ্ আর নম্রতা; সিয়েন দোয়্যে আর গম কামত্ ভরা, থির্ আর ভন্ডামী-নেইয়্যে।

১ শমূয়েল 2:29

সালে মর্‌ ঘরত্‌ যেদক্কানি উৎসর্ব গুরিবাত্তে মুই উগুম দুয়োং তুমি কিত্তে সিদুক্কুন য়েমান-উৎসর্ব আর অন্য উৎসর্বগুনোর অসর্মান গরর্‌? মর্‌ মানুচ্ ইস্রায়েলীয়গুনোর উৎসর্বগুনোর বেগত্তুন গম্‌ ভাক্কুন দিইনে নিজোরে পক্তামক্তা গুরিনে কিত্তে তুই মত্তুন্‌ বেশ্‌ তর্‌ পূঅগুনোরে দাঙর্‌ গুরি দেগর্‌?