২ করিন্হীয় 5:15 - Chakma Bible

¹⁵ তে বেক্কুনোর্ ওইনে মুরিলো যেন যিগুনে জেদা আঘন্ সিগুনে আর নিজোত্যে বাঁজি ন-থান্; বরং যে তারাত্যে মুরিলো আর জেদা ওইয়্যে তাত্যেই বাঁজি থান্।

২ করিন্হীয় 5:15 ပူးပေါင်းရင်းမြစ်များ

২ রাজাবলী 5:17

নামানে কলঅ, “তুই যুনি কিজু নঅ নেযাচ্‌ সালে দোয়্যে গুরিনে দ্বিবে গাধায় বুয়োই নেযেই পারন্‌ এধোক্ক্যেন মাদি তঅ চাগর্‌বোরে দে, কিত্তে তর্‌ এ চাগর্‌বো লগেপ্রভু বাদে আর কনদিন্‌অ কনঅ দেবেদার ইদু পূজ্যে আর অন্য উৎসর্ব ন-গরে।

যিহিষ্কেল 16:6

মুই তঅ মুজুঙেদি যেবার অক্তত্ তরে লোগানত্ ছদ্‌‌ফদাদে দেগিলুং। সেক্কে মুই তরে উগুম দিলুং যেন তুই তর্ লো-লোই বাঁজি থাচ্।

যিহিষ্কেল 37:14

মঅ আত্মাগান মুই তমা ভিদিরে দিম্ আর তুমি জেদা অবা। তমা নিজো দেজত্ মুই তমারে বজত্তি গোরেম্। সেক্কে তুমি হবর্ পেবাদে যে, মুই লগেপ্রভু এ কধাগান কোইয়োং আর সিয়েন গোজ্যং।’”

যিহিষ্কেল 37:9

সেক্কে তে মরে কলঅ, “তুই বোইয়্যের নাঙে আগাম্ কধা কঅ; ও মান্‌‌‌‌‌জ্যর পুয়োবো, তুই এ আগাম্ কধানি কঅ, প্রভু লগেপ্রভু কোইয়্যেদে, ‘ও বোইয়্যেরান, তুই চেরোকিত্তেত্তুন্ আয় আর এই বেক্ মোজ্যন্দে মানুচ্চুনো ভিদিরে নিজেস্ দে যেনে তারা জেদা অন্।’”

হবক্‌‌‌‌কূক 2:4

বাড়্‌‌‌‌বো গুরিয়্যে বাবিলান্ গম্ নয়, মাত্তর্ যিবেরে নিদ্দুজি বিলিনে মানি লুয়ো অর্ তে তার বিশ্বেজ্‌‌‌চান্দোই বাঁজি থেবঅ।

সখরিয় 10:9

যুনিয়ো নানান্ জাদ ভিদিরে মুই তারারে ছিদি দুয়োং তো দূর দেজত্তুন্ তারা মরে ইদোত্ রাগেবাক্। তারা আর তারার্ পুয়ো-ছাগুনে বাঁজি থেবাক্ আর তারা ফিরি এবাক্।

যোহন 5:24

মুই তমারে ঘেচ্চ্যেক্‌গুরি কঙর্, মঅ কধা যে শুনে আর মরে যে দিপাধেয়্যে তারে বিশ্বেজ্ গরে তার্ উমর্‌অ জিংকানি আঘে। তারে দুষি বিলিনে ঠিগ্ গরা ন-অবঅ; তে দঅ মরণত্তুন্ জিংকানিত্ পার্ ওই যেয়্যে।

যোহন 6:57

জেদা বাবা মরে দিপাধেয়্যে আর তাত্যেই মুই জেদা আঘং। ঠিগ্ সেবাবোত্যেগুরি যে মরে খায় তেয়ো মত্তে জেদা থেবঅ।

রোমীয় 12:1

সালে ভেইলগ্, গোজেনর্ এ বেক্‌ দোয়্যের্ কারনে মুই তমারে বিশেষ গুরিনে কোজোলি গরঙর্, তুমি তমার্ কিয়্যেগানরে জেদা, পবিত্র আর গোজেনর্ মানি লোইয়্যে উৎসর্ব ইজেবে গোজেন আঢত্ তুলি দুয়ো। সিয়েনই অবঅ তমার্ যগাজ্যে সেবা।

রোমীয় 4:25

আমা পাপত্যে যীশুরে মরণ আদত্ তুলি দিয়্যে ওইয়্যে আর আমারে নিদ্দুজি বিলিনে মানি লবাত্যে তারে মরণত্তুন্ জেদা গরা ওইয়্যে।

রোমীয় 6:2

খামাক্কায় নয়। পাপর্ দাবী দাওয়া ইধু দঅ আমি মোজ্জ্যেই; সালে কেধোক্ক্যেন গুরি আমি আর পাপর্ পধেদি চলিবং?

রোমীয় 6:6

আমি কোই পারিই, আমা পাপ খাচ্চ্যত্তানরে অকেজো গুরিবাত্যে আমা পুরোণি মুই মরে খ্রীষ্ট সমারে ক্রুশোত্ দিয়্যে ওইয়্যে যেন পাপর্ চাগর্ ওইনে আর আমার্ থা ন-পরে;

রোমীয় 8:10

মাত্তর্ খ্রীষ্ট যুনি তমা মনত্ থায় সালে পাপত্যে তমা কিয়্যেগানি উগুরে মরণানে কাম গুরি থেলেয়ো তমা আত্মাগানি জেদা, কারন গোজেনে তমারে নিদ্দুজি বিলি মানি লোইয়্যে।

রোমীয় 8:2

জিংকানির্ গিরোজ্‌সো পবিত্র আত্মার্ সুদোমান্দোই খ্রীষ্ট যীশুর্ মাধ্যমে মরে পাপ আর মরণর্ সুদোমত্তুন্ উদ্ধোর্ গোজ্জ্যে।

রোমীয় 8:6

পাপ-খাচ্চ্যদে যিয়েনি চায় সিয়েনি আয়োজি অনার্ ফল অলঅ মরণ্, আর পবিত্র আত্মা যিয়েনি চায় সিয়েনি আয়োজি অনার্ ফল অলঅ জিংকানি আর শান্তি।

২ করিন্হীয় 12:10

সেনত্যে খ্রীষ্টত্যে বল্‌পোজ্জ্যে, অগমানে, যন্ত্রনায়, অত্যেচারে আর দিদ্দেরি অলেয়ো মুই হুজি; কিয়া যেক্কে মুই হ্‌রান্ সেক্কেই মুই বোলী।

২ করিন্হীয় 3:6

এক্কান নুয়ো বেবস্থার্ কধা জানিবাত্যে তেয়ই আমারে যোগাজ্জ্যে গুরি তুল্ল্যে। এ বেবস্থাগান্ অক্ষরে অক্ষরে আইন-কানুন্ পালানার্ বেপার নয়, মাত্তর্ পবিত্র আত্মার পরিচালনায় মনর্ বাধ্যতার্ বেপার; কিয়া আইন-কানুনে মরণ আনে, মাত্তর্ পবিত্র আত্মাগানে জিংকানি দান গরে।

২ করিন্হীয় 5:16

সেনত্যে ইক্কেত্তুন্ ধুরি মান্‌জ্যরে আমি আর্ তার বারেদি অবস্থাগান্ দেগিনে বিচের্ ন-গুরিই। খালিক্ খ্রীষ্টরে আমি আগেদি সেবাবোত্যেগুরি বিচের্ গোজ্জ্যেই, মাত্তর্ ইক্কিনে আর সিয়েন ন-গুরিই।

গালাতীয় 5:25

আমি যুনি পবিত্র আত্মার্ মাধ্যমে জিংকানি পেই থেই সালে এজঅ, আমি পবিত্র আত্মার্ অধীনে আঢাউদো গুরিই।

ইফিষীয় 4:17

ইয়েনত্যে মুই কঙর্, আর প্রভুর্ ওইনে বিশেষ জোর্ দিইনে কঙর্-অযিহূদীগুনে যেবাবোত্যেগুরি বাজে চিন্তেলোই তারার্ জিংকানি কাদান্ তুমি আর্ সেবাবোত্যেগুরি জিংকানি ন-কাদেয়ো।

ইফিষীয় 5:14

কিয়া পহ্‌রানে বেক্কানি ফগদাং গরে। ইয়েনত্যে পবিত্র বোইবোত্ লেগা আঘে, “ও ঘুম যেইয়্যে মানুচ্চো, জাগি উঠ্, মরণত্তুন্ জেদা অ; সেক্কে তঅ উগুরে খ্রীষ্ট পহ্‌‌র দিবো।”

কলসীয় 2:12

বাপ্তিস্মর্ মাধ্যমে খ্রীষ্টর্ লগে তমার কবর্ ওইয়্যে; বানা সিয়েন নয়, যিবে মরণত্তুন্ খ্রীষ্টরে জেদা গুরি তুল্ল্যে সেই গোজেনর্ খেমতা উগুরে বিশ্বেজর্ মাধ্যমে তমারে খ্রীষ্টর্ লগে জেদা গুরি তুলো ওইয়্যে।

কলসীয় 3:1

সালে তুমি যেক্কে খ্রীষ্ট সমারে মরণত্তুন্ জেদা ওইয়ো সেক্কে খ্রীষ্ট স্বর্গত যিয়েনত্ গোজেনর্ ডেন্ ডাগেদি বৈই আঘে সেই স্বর্গীয় বেপারানিত্যে আয়োজি অ।

কলসীয় 3:17

তুমি যিয়েনি কঅ বা গুরিদা সাৎ সিয়েনি প্রভু যীশুর্ নাঙে গরঅ আর সিয়েনির মাধ্যমে বাবা গোজেনরে ভালেদি জানঅ।

কলসীয় 3:23

তুমি যিয়েন গুরিদা সাৎ, সিয়েন মান্‌জ্যত্যে নয় বরং প্রভুত্যে গরর্ বিলিনে মন-পরাণ দিইনে গোজ্জ্য,

১ থিষলনীকীয় 5:10

খ্রীষ্ট আমাত্যে মোজ্জ্যে, যাতে আমি বাঁজিই বা মুরিই, আমি যেন তা সমারে জেদা থেই পারিই।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

১ পিতর 4:6

মরাগুনো ইধু দঅ সেনত্যে খ্রীষ্ট পৌইদ্যেনে গম হবর্ ফগদাং গরা ওইয়্যে, যেন কিয়্যেগান ইন্দিত্তুন্ মান্‌জ্য ধোক্ক্যেন বিচের অলেয়ো আত্মায় তারা গোজেন ধোক্ক্যেন জেদা থেই পারন।

১ যোহন 4:9

আমা উগুরে গোজেনর্ কোচ্‌পানা এবাবোত্যে গুরি ফগদাং ওইয়্যে তে তার্ বানা এক্কোগুরি পুয়োরে এই জগদত্ দিপাধেল যেন আমি তারে দিইনে জিংকানি পেই।

ফগদাং পেইয়্যে 1:18

মুয়ই উমরত্যে জেদা। মুই মোজ্জ্যং আর চঅ, ইক্কিনে মুই যুগ যুগ ধুরিনে উমরত্যে জেদা আঘং। মইধু মরণান্ আর মরণ জাগার চাবি আঘে।