২ করিন্হীয় 5:12 - Chakma Bible

¹² ইয়েন্দোই খালিক্ আমি তমা ইধু আরঅ নিজোরে নাঙ্ ন-গিনির্ বরং আমারে নিইনে তমার্ দেমাগ্ দেগেবার কারণ দেগের্, যেন মনান্ ন-দেগিনে যিগুনে বারেদি চেঙেরাগান্ দেগিনে দেমাগ্ দেগান্ তারারে তুমি এক্কান্ জোব্ দি পারঅ।

২ করিন্হীয় 5:12 ပူးပေါင်းရင်းမြစ်များ

গম্ উপদেজ্ 27:2

অন্য জনে তরে নাঙ্ গিনোক্, তঅ নিজো মুয়োনে ন-গোরোক্; অয়, অন্য জনে সিয়েন গোরোক্।

২ করিন্হীয় 1:14

মুই এ আজাগান্ গরং, তুমি যেবাবোত্যে গুরি কিজু আমারে বুঝি পাজ্জ্য, সেবাবোত্যে গুরি পুরোপুরি বুঝি পারিবা যে, প্রভু যীশুর্ এবার্ দিনোত্ তুমি যেবাবোত্যে গুরি আমার্ দেমাগ বিষয় অবা সেবাবোত্যে আমিয়ো তমাত্যেই বাড়্ গুরি পারিবোং।

২ করিন্হীয় 10:12

তমা ভিদিরেত্তুন্ কেঅ কেঅ নিজোর্ নাঙ্ ফুদেবাত্যে চান্। আমি তারার্ দলত্ নিজোরে ফেলেবাত্যে বা তারা সমারে নিজোরে তুলোনা গুরিবাত্যে সাহচ্‌ ন-গুরিই। কি মূর্খ তারা। কিয়া তারা নিজে যিয়েন গম্ মনে গরন্, সিয়েন সমারে নিজোরে তুলোনা গরন্ আর সিয়েন্দোই নিজোরে বিচের্ গরন্।

২ করিন্হীয় 10:18

কিয়া নিজোর্ নাঙ্ ফুদেবাত্যে কেঅ গম্ বিলিনে প্রমাণ ন-অয়, বরং প্রভু যিবেরে নাঙ্ গিনে তেয়ই গম্ বিলিনে প্রমাণ অয়।

২ করিন্হীয় 10:7

তুমি দঅ বারেদি চেঙেরাগান দেগর্। কেঅ যুনি নিজোরে খ্রীষ্টর্ বিলিনে বিশ্বেজ্ গরে তো ইয়েন্অ তার্ চিন্তে গরানা উচিত যে, তে যেবাবোত্যেগুরি খ্রীষ্টর্ সেবাবোত্যেগুরি আমিয়ো খ্রীষ্টর্ মানুচ্।

২ করিন্হীয় 10:8

প্রভু আমারে যে অধিকারান্ দিয়্যে সেই অধিকারানর্ উদ্দেচ্চ্য অলঅ তমারে গঠন গরানা, তমারে ক্ষোতি গরানা নয়। যুনিয়ো মুই এ অধিকারান্ নিইনে কিজু বাড়্ গুরি থাং তো সিয়েনত্যে মুই লাজ্ ন-পেইম্।

২ করিন্হীয় 12:11

মুই বেদমা ওইয়োং ঠিগ্, মাত্তর্ তুমিই মরে সিয়েন অবাত্যে বাধ্য গোজ্জ্য, কিয়া তমার্ উচিত্ এলঅ মরে নাঙ্ গিনেনা। যুনিয়ো মুই কিচ্চু নয় তো তমার্ সেই বিশেষ প্রচারগ্‌কুনোত্তুন্ কনঅ বাবদে চিগোন নয়।

২ করিন্হীয় 3:1

আমি এ বেক্‌ কধানি কোইনে কি আরঅ নিজোর্ বাঈনী গরানা আরাম্ভ গুরির্? কনঅ কনঅ মান্‌জ্যর্ যেধোক্ক্যেন দরকার ওই থায়, আমার্-অ কি সেবাবোত্যে তমা ইধু বা তমাত্তুন্ বাঈনী পেবার্ চিধির্ দরকার ওই পোজ্জ্যে? কনদিন্‌অ নয়।

২ করিন্হীয় 6:4

তাত্তুন্ বরং বেক্কানি পৌইদ্যেনে গোজেনর্ সেবাগুরিয়্যে বিলিনে আমি নিজোরে প্রমাণ গুরিই। অত্যেচার্, দযা আর দুঘোত্ বোউত্ ধৈজ্জ্য ধুরিনে আমি এ প্রমাণান্ দির্।

ফিলিপীয় 1:26

সেনত্যে তমা ইধু মর্ আরঅ এজানার্ কারনে তুমি খ্রীষ্ট যীশুর্ মাধ্যমে মল্লোই হুজিয়ে পেলাং বেঈ পড়িবা।