২ করিন্হীয় 4:18 - Chakma Bible

¹⁸ যিয়েন দেগা যায় আমি সিয়েন ইন্দি ন-চেইর্, বরং যিয়েন দেগা ন-যায় সিয়েন ইন্দি রিনি চেইর্। যিয়েন দেগা যায় সিয়েন কয়েক দিনোত্যে, মাত্তর্ যিয়েন দেগা ন-যায় সিয়েন উমরত্যে।

২ করিন্হীয় 4:18 ပူးပေါင်းရင်းမြစ်များ

মথি লেখ্যে গম্ হবর্ 25:46

সে পরেদি যীশু কলঅ, “এই মানুচ্চুন্ উমরত্তে সাজা পেবাক্, মাত্তর্ সেই গোজেন্ ভক্ত মানুচ্চুনে উমর জিংকানি ভোগ্ গুরিবাত্তে যেবাক্।”

২ করিন্হীয় 5:7

যিয়েন দেগা যায় আমি দঅ সিয়েন্দোই ন-চলিই, বরং বিশ্বেজ্‌চোই আঢাউদো গুরিই।

২ থিষলনীকীয় 2:16

আমা প্রভু যীশু খ্রীষ্ট নিজে আর আমা বাবা গোজেনে তমা মনানত্ উচ্চোমি দুয়োক্ আর বেক্‌ গম কামানিত্ আর কধানিত তমারে থির্ রাগোক্। তেয়ই আমারে কোচ্‌পেইয়্যে আর দোয়্যে গুরিনে জদবদে উচ্চোমি আর হুজিয়ে ভরা আজা দান গোজ্জ্যে।

ইব্রীয় 11:1

আমি যিয়েন পেবং বিলিনে আজা গুরি আঘিই সিয়েন যে আমি পেবং এই ঘেচ্চেকগুরিগান অলঅ বিশ্বেজ্। আর সেই বিশ্বেজ্‌চান্দোই আমি নিচ্চিত গুরি বুঝি পারিই যে, আমি যিয়েন ন-দেগির্ সিয়েন আসলে আঘে।

ইব্রীয় 11:13

এই মানুচ্চুনে বিশ্বেজ্ গুরিনে জিংকানি কাদেইনে মুরি যেইয়োন। গোজেনে তারারে যিয়েন দিবার এগেম্ গোজ্জ্যে সিয়েন তারা ন-পান্, মাত্তর্ দূরোত্তুন্ সিয়েন দেক্ক্যন আর হুজিয়ো ওইয়োন। এই পিত্‌থিমীত্ যে তারা বিদেশী আর পরদেজত্ বজত্তি গুরিয়্যে সিয়েন তারা স্বীগের্‌অ গোজ্জ্যন্।

ইব্রীয় 9:11

মাত্তর্ খ্রীষ্ট এচ্চ্যেদে ভবিচ্চদর্ বেক্‌ ভালেদি পৌইদ্যেনে দাঙর্ ধর্মগুরু ওইনে। মহৎ আরঅ গম্ উবোসনা-তাম্বুলোত্ গোজেনর্ সেবা গুরিবাত্যে তে এচ্চ্যে। এই তাম্বুলান মান্‌জ্যর আঢ্‌তোই বানেয়্যে নয়, অত্তাৎ সিয়েন জগদর্ কনঅ জিনিচ্‌ নয়।

১ যোহন 2:25

ইয়েনই অলঅ উমর্‌‍অ জিংকানি, যিয়েন খ্রীষ্ট আমারে দিবার এগেম্ গোজ্জ্যে।