Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




২ করিন্হীয় 4:14 - Chakma Bible

14 কিয়া আমি কোই পারিই, যিবে প্রভু যীশুরে জেদা গোজ্জ্যে তে তা সমারে আমারেয়ো জেদা গুরিবো আর তমা সমারে আমারেয়ো নিজো মুজুঙোত্ আঝির্ গুরিবো।

အခန်းကိုကြည့်ပါ။ ကော်ပီ




২ করিন্হীয় 4:14
16 ပူးပေါင်းရင်းမြစ်များ  

মাত্তর্ তঅ মরা মানুচ্চুনে বাঁজিবাক্; তারার্ কিয়্যেনি জেদা অবঅ। তুমি যিগুনে ধূল্যেত্ বজত্তি গরর্, তুমি জাগি উদো আর হুজিয়ে রঅ ছাড়। বেন্যে শিরো পানিয়ে যেধোক্ক্যেন্ পিত্‌থিমীগানরে পোত্‌পোত্যে গরে সেধোক্ক্যেন্ গুরি তুই মরাগুনোরে জিংকানি দিবে।


সজাক্ থেয়ো আর নিত্য তবনা গরঅ যেন যিয়েনি ঘুদিবো সিয়েনি পার্ ওই যাদে আর মান্‌জ্য পুয়োবো মুজুঙোত্ যেইনে থিয়্যেবার্ তুমি বল্ পঅ।”


মাত্তর্ গোজেনে মরণ যন্ত্রণাত্তুন্ উদ্ধোর্ গুরিনে তারে জেদা গুরি তুল্ল্যে, কিয়া তারে ধুরি থবার্ সাধ্য মরণানর্ ন-এলঅ।


গোজেনে সেই যীশুরে জেদা গোজ্যে, আর আমি বেক্কুনে সিয়েনর সাক্ষী।


যে যীশুরে মরণত্তুন্ জেদা গোজ্জ্যে সেই গোজেনর্ আত্মাগান্ যুনি তমা মনত্ বজত্তি গরে, সালে গোজেনে তার্ সেই আত্মাগান্দোই তমা মরণর্ তলে কিয়্যেগানরেয়ো জিংকানি দান গুরিবো।


গোজেনে তা খেমতালোই যীশুরে মরণত্তুন্ জেদা গোজ্জ্যে আর তে আমারেয়ো জেদা গুরিবো।


মুই তমাত্যে মঅ মনত্ গোজেনর্ দিয়্যে এক গভিন্ জ্বালায় জ্বলঙর্, কিয়া মুই বানা এক্কো জামেইয় সমারে, অত্তাৎ খ্রীষ্ট সমারে তমার্ মেলা পৌইদ্যেনে ঠিগ্ গুরি রাগেয়োং, যেন সতী মোগ্ ইজেবে তাইধু তমারে তুলি দি পারং।


মাত্তর্ খ্রীষ্টর মরণর মাধ্যমে তা কিয়্যেগান্দোই গোজেনে নিজো লগে ইক্কিনে তমারে এগত্তর্ গোজ্জ্যে, যেন তে তমারে পবিত্র, থুদো নেইয়্যে আর নিদ্দুজি অবস্থায় নিজো মুজুঙোত্ আঝির্ গুরি পারে।


আর সেই খ্রীষ্ট পৌইদ্যেনে আমি প্রচার গুরিই, অত্তাৎ গোজেনর্ দিয়্যে ন-ফুরেইয়্য জ্ঞান লগে আমি পত্তিজনরে উজিয়ার্ গুরিই আর শিক্ষ্যে দিই, যেন পত্তিজনরে আমি খ্রীষ্টর্ মাধ্যমে যগাজ্জ্যে গুরি তুলিই পারি।


আমি যেক্কে বিশ্বেজ্ গুরিই যীশু মোজ্জ্যে আরঅ জেদা ওই উত্ত্যে সেক্কে আমি ইয়েন-অ বিশ্বেজ্ গুরিই, যিগুনে যীশু লগে এগত্তর্ ওইনে মুরি যেইয়োন গোজেনে তারারেয়ো যীশু লগে নেযেব।


বিশ্বেজ্‌‌বলা তবনাগানে সেই অসুখ্যে মানুচ্চোরে গম গুরিবো; প্রভুই তারে গম গুরিবো। তে যুনি পাপ গুরি থায় সালে গোজেনে তারে ক্ষেমা গুরিবো।


বানা এক্কোগুরি গোজেন আমার উদ্ধোর গুরিয়্যে তে তমারে উজোত্ হেবার আঢত্তুন রোক্ষ্যে গুরিনে থুদো নেইয়্যে অবস্থায় নিজোর মহিমার মুজুঙোত্ হুজিয়ে আজির্ গুরি পারে। পুরোণি কালত্তুন্ ধুরি যেধোক্ক্যেন এলঅ সেধোক্ক্যেন ইক্কিনিয়ো আর উমরত্যে আমার প্রভু যীশু খ্রীষ্টর মাধ্যমে গোজেনর্ বাঈনী, মহিমা, বল্ আর খেমতা থোক্। আমেন।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ