২ করিন্হীয় 3:9 - Chakma Bible

⁹ যে বেবস্থাগান্দোই মান্‌জ্যরে দুষী বিলিনে থির্ গরা অয় তার্ কামান যুনি এদক্ মহিমাভরা, মাত্তর্ যে বেবস্থাগান্দোই মান্‌জ্যরে নিদ্দুজি বিলিনে মানি লুয়ো অয় তার্ কামান্ আরঅ কত্তমান্ বেশ্ মহিমাভরা!

২ করিন্হীয় 3:9 ပူးပေါင်းရင်းမြစ်များ

যিশাইয় 46:13

মর্ নিদ্দোজ্‌চান মুই তমা ইদু আনঙর্; সিয়েন বেশ্ দূরোত নয় আর মর্ উদ্ধোর কামত্অ আর বেশ্ দেরি নেই। মুই সিয়োনানরে উদ্ধোর গুরিনে ইস্রায়েলরে বাঈনী গরানাগান্ দান গুরিম।”

যিরমিয় 23:6

তা সময়োত্ যিহূদা রোক্ষ্যে পেবঅ আর ইস্রায়েলে গমেডালে বজত্তি গুরি পারিবো। তারে লগেপ্রভু আমার উদ্ধোর্ গুরিয়্যে বিলিনে ডাকা অবঅ।

রোমীয় 4:11

চুনু মাঢাবো চামান ন-কাপ্যে অবস্থায় বিশ্বেজত্তে যে গোজেনে তারে নিদ্দুজি বিলি ধোজ্জ্যে তার চুনু মাঢাবো চামান কাবানা অলদে সিয়েনর্ প্রমাণ আর চিহ্নো। সালে দেগা যাত্তে, চুনু মাঢাবো চামান কাবা ন-অলেয়ো বানা বিশ্বেজত্তে যিগুনোরে নিদ্দুজি বিলি মানি লুয়ো ওইয়্যে, অব্রাহামে তারার্ বেক্কুনোর্ বাপ্।

১ করিন্হীয় 1:30

যীশু খ্রীষ্ট সমারে যে তুমি এগত্তর্ গুরি আঘ সিয়েন গোজেনত্তুন্ ওইয়্যে। যীশু খ্রীষ্ট আমা ইধু গোজেনর্ দিয়্যে জ্ঞান; তেয়ই আমার নিদ্দুজি, পবিত্র আর উদ্ধোর্।

১ করিন্হীয় 15:41

বেলানর্ ছদক্ এক বাবোত্যে, চানানর্ এক বাবোত্যে আর তারাগুনোর্ আরেক্ বাবোত্যে। এমন্‌ কি, ছদগ ইন্দিত্তুন্ এক্কো তারা অন্য আর এক্কোত্তুন্ জুদো।

২ করিন্হীয় 3:8

যুনি এ বেবস্থাগানর্ ফলে এদক মহিমাভরা ওই পারে, সালে পবিত্র আত্মার্ কামর ফল কি আরঅ মহিমাভরা ন-অবঅ?

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

গালাতীয় 3:10

পবিত্র বোইবোত্ লেগা আঘে, “সেই মানুচ্চো অভিশাব্ পেইয়্যে, যে রীতি-সুদোমত্ লেগা পত্তি কধা ন-পালায়।” সালে দেগা যায়, যিগুনে রীতি-সুদোম্ পালানা উগুরে নির্ভর গরন্ তারার্ বেক্কুনো উগুরে এ অভিশাব্‌পান আঘে।

দ্বি’লম্বর বিররণ 27:26

সে মানুচ্চো অভিশাব্ খেইয়্যে, যে এই রীদি-সুদোমর্ কধানি পালন ন-গরে আর তার্‌ খেমতাগানরে অস্বীগের্ গরে। সেক্কে বেক্কুনে কবাক, আমেন।

২ পিতর 1:1

মুই শিমোন-পিতর যীশু খ্রীষ্টর্ এক্কো চাগর্ আর দূত। আমার গোজেন আর উদ্ধোর গুরিয়্যে যীশু খ্রীষ্ট ন্যায়বলা, আর সেনত্যে তুমিয়ো আমা ধোক্ক্যেন এক্কুই যদবদে বিশ্বেজ্ গোজ্জ্য। ইয়েনত্যে মুই তমা ইধু এ চিধিগান লেগঙর্।