২ করিন্হীয় 3:14 - Chakma Bible

¹⁴ মাত্তর্ সেই মানুচ্চুনোর্ মনানি দরঅ ওইয়্যে। সেনত্যে এজঅ যেক্কে সেই পুরোণি বেবস্থার্ কধা পড়া অয় সেক্কে তারার্ রিবেঙ উগুরে সেই একই বাবোত্যে পদ্দা থেই যায়, কিয়া বানা খ্রীষ্ট সমারে এগত্তর্ ওইনে সেই পদ্দাগান্ সুরি যায়।

২ করিন্হীয় 3:14 ပူးပေါင်းရင်းမြစ်များ

গীতসংহিতা 69:23

তারার চোগ্‌কুন কান্ ওক যেনে তারা ন-দেগন্, আর নিত্য তারার কমরুনোত্ গির্‌গিরেনি ধোরোক্।

যিশাইয় 25:7

যে পদ্দাগানত্ বেক জাদর্ মানুচ্চুনে নাঢা যেইয়োন্, যে কাবড়ানে বেক জাদর্ মানুচ্চুনোরে নাঢি ফেল্যন্, এ মুড়োবোত্ তে সিয়েনি বর্‌বাত লাগেই দিবো।

যিশাইয় 44:18

সেই মানুচ্চুনে কিচ্চু হবর্‌অ ন-পান্, নয়ো বুঝোন্। তারার্ চোগ্‌কুন বন্ধ বিলিনে তারা ন-দেগন্ আর মনানি বন্ধ বিলিনে তারা নয়ো-বুঝোন্।‍

যিশাইয় 56:10

ইস্রায়েল চুগিদারুন চোগ কান্, তারার্ কনঅ জ্ঞিয়েন নেই। তারা বেক্কুন্ ববা কুগুরো ধোক্ক্যেন, তারা বুগিই ন-পারন্। তারা পড়ি থেইনে স্ববন্ দেগন আর ঘুমাদে গম্ পান।

যিশাইয় 59:10

আমি কান্ মান্‌জ্য ধোক্ক্যেন দেবাল বিজিরে বিজিরে বেড়েই; যিগুনোর চোগ্ নেই তারা ধোক্ক্যেন পথ বিজিরেই। যেন সাজোন্যে ওইয়্যেদে ধোক্ক্যেন সেবাবোত্যেগুরি আমি উজোত্ হেই; আমি জেদা মানুচ্চুনো ভিদিরে মরা ধোক্ক্যেন।

যিশাইয় 6:10

সে পরেদি তে মরে আরঅ কলঅ, “তুই এ মানুচ্চুনোর্ মনানি বাজে বাবোত্যে গুরি দে, তারার্ কানানি নাঢি দে, আর তারার চোগ্‌‌‌‌‌কুনো নাঢি দে। সিয়েন ন-গুরিলে তারা চোগেদি দেগিবাক্, কানেদি শুনিবাক্, মনেদি বুঝিবাক্ আর পাপত্তুন্ মনানি ফিরেইনে গম্ অবাক্। ”

যিরমিয় 5:21

ও ভুল্ আর বুদ্ধিনেইয়্যে মানুচ্চুন, তুমি যিগুনে চোগ্ থাগদেয়ো ন-দেগর্, কান থাগদেয়ো ন-শুনোর্, তুমি শুনো।

যিহিষ্কেল 12:2

ও মান্‌‌জ্যর পুয়োবো, তুই এক্কো উল্লোমী জাদ ভিদিরে বজত্তি গরর্। তারার্ চোগ আঘে মাত্তর্ তারা ন-দেগন্, কান আঘে ন-শুনোন্, কিত্যে তারা এক্কো উল্লোমী জাদ্।

মথি লেখ্যে গম্ হবর্ 13:11

যীশু জোব্ দিলো, স্বর্গ-রেজ্যর্ গুমুরো সত্যগানি তমারে জানিবাত্তে দিয়্যে ওইয়্যে মাত্তর্ তারারে জানিবাত্তে দিয়্যে ন-অয়,

মথি লেখ্যে গম্ হবর্ 16:17

জোবত্ যীশু তারে কলঅ, “শিমোন বাপ-যোনা, তুই বর্‌পেইয়্যে, কিয়া কনঅ মানুচ্ তইধু ইয়েন্ ফগদাং ন-গরে; মঅ স্বর্গর্ বাপ্পো ফগদাং গোজ্যে।

মথি লেখ্যে গম্ হবর্ 6:23

মাত্তর্ তঅ চোগ্‌কুন যুনি বজং অয় সালে তর্ বেক্ কিয়্যেগান আন্ধার্ অবঅ। তঅ ভিদিরে যে পহ্‌‌রান আঘে সিয়েন্ যুনি আজলে আন্ধার্ অয় সালে সে আন্ধারান্ কি সাংগাধিক্!

যোহন 12:40

“গোজেনে তারা চোগ্‌কুন্ নাঢি দিয়্যে আর মনানি বাজে গুরি দিয়্যে, যাতে তারা চোগেদি ন-দেগন্ আর মনানদি ন-বুঝোন্, আর গম্ অবাত্তে তাইধু ফিরি ন-এজন্।”

যোহন 12:46

মুই এ জগদত্ পহ্‌র ইজেবে এচ্চ্যং যেন মঅ উগুরে যে বিশ্বেজ্ গরে তে আন্ধারত্ ন-থায়।

যোহন 8:12

পরেদি যীশু আরঅ মানুচ্চুনোরে কলঅ, “মুয়ই পিত্‌থিমীর্ পহ্‌রান্। যে মঅ পধেদি আঢে তে কনদিন্অ আন্ধারত্ ঠেং ন-ফেলেব, বরং জিংকানির্ পহ্‌র পেবঅ।”

প্রেরিত্‌ 13:15

পবিত্র বোইবোর্ রীতি-সুদোম আর ভাববাদীগুনোর্ বোইবোত্তুন্ পড়ানা থুম্ অলে পরেদি সমাজ-ঘরর্ নেতাগুনে তারারে কোই পাধেলাক্, “ভেইলগ্, মানুচ্চুনোরে উচ্চোমি দিবাত্যে যুনি কনঅ কধা থায় সালে কঅ।”

প্রেরিত্‌ 15:21

এই উগুমানি তারারে দেনা গম্, কিয়া মোশি যিয়েন কোইয়্যে সিয়েন পত্তি শঅরত্ ভালোক্ দিন আগেত্তুন্ ধুরি ফগদাং গরা অর্ আর তে যিয়েন লিগি যেয়্যে সিয়েন পত্তি জিরেবার দিনোত্ সমাজ-ঘরানিত্ পড়া অর্।”

প্রেরিত্‌ 16:14

যিগুনে শুনোদন্ তারা ভিদিরে থুয়াতীরা শঅরর্ লুদিয়া নাঙে এক্কো মিলে এলঅ। তে বিগুনী রংয়র্ কাবর বেবসা গুরিদো। যিহূদী ন-অলেয়ো তে গোজেনর্ উবোসনা গুরিদো। প্রভু লুদিয়ার্ মনান্ এমন্‌ গুরিনে মিলি দিলো যাতে তে পৌলর কধা মন দিইনে শুনিনে বিশ্বেজ্ গরে।

রোমীয় 11:25

ভেইলগ্, তুমি যেন নিজোরে জ্ঞানী মনে ন-গরঅ সেনত্তে মুই এক্কান গুমুরো সত্য তমারে জানেই রাগেবাত্তে চাং। সেই সত্যগান্ ইয়েন-অযিহূদীগুনোরে গুণীনে ন-পুরোনা সং বেচ্‌ ভাগ্ ইস্রায়েলীগুনোর মনানি দরমর ওই থেবঅ।

২ করিন্হীয় 3:15

মাত্তর্ এজঅ মোশির রীদি-সুদোমর্ বোইয়ুন পড়িবার অক্তত্ ইস্রায়েলীগুনোর্ রিবেঙত্ সেই পদ্দানত্ ঢাক্যে থায়।

২ করিন্হীয় 3:6

এক্কান নুয়ো বেবস্থার্ কধা জানিবাত্যে তেয়ই আমারে যোগাজ্জ্যে গুরি তুল্ল্যে। এ বেবস্থাগান্ অক্ষরে অক্ষরে আইন-কানুন্ পালানার্ বেপার নয়, মাত্তর্ পবিত্র আত্মার পরিচালনায় মনর্ বাধ্যতার্ বেপার; কিয়া আইন-কানুনে মরণ আনে, মাত্তর্ পবিত্র আত্মাগানে জিংকানি দান গরে।

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।

ইফিষীয় 4:18

তারার্ মনানি আন্ধারত্ পড়ি আঘে। মনানি দরঅ বিলিনে তারা গোজেন পৌইদ্যেনে কিচ্চু কোই ন-পারন্, আর সেনত্যে গোজেনর্ দিয়্যে জিংকানিত্তুন্ তারা বোউত্ দূরোত্ আঘন।