২ করিন্হীয় 3:12 - Chakma Bible

¹² আমার্ এবাবোত্যে আজা আঘে বিলিনে আমি খুলোখুলি গুরি কধা কোই।

২ করিন্হীয় 3:12 ပူးပေါင်းရင်းမြစ်များ

যোহন 10:24

সেক্কে যিহূদী নেতাগুনে যীশুর্ চেরোকিত্ত্যে থুবেইনে কলাক্, “আর কয়দিন তুই আমারে সন্দেহ ভিদিরে রাগেবে? যুনি তুই মশীহ ওই থাচ্ সালে গমেদালে আমারে কঅ।”

যোহন 16:25

“এ বেক্‌ শিক্ষ্যের্ কধানি মুই তমা ইধু তুলোনা দিইনে কলুং। মাত্তর্ এমন্‌ অক্‌ত এজের্ যেক্কে মুই আর তুলোনা দিইনে তমা ইধু কধা ন-কোম্, মাত্তর্ খুলোমেলা গুরি বাবা পৌইদ্যেনে কোম্।

যোহন 16:29

সেক্কে তা শিচ্চ্যগুনে তারে কলাক্, “চাহ্, ইক্কে দঅ তুই খুলোমেলা গুরি কধা কর্, তুলোনা দিইনে ন-কর্।

প্রেরিত্‌ 14:3

পৌল আর বার্ণবা সেই শঅরত্ বেশ্ কয়েক দিন থেলাক্ আর সাহচ্‌ গুরিনে প্রভুর কধানি কুয়ো ধুরিলাক্। প্রভুর দোয়্যে পৌইদ্যেনে তারা যিয়েনি ফগদাং গোজ্জ্যন্ সেই কধানি যে বিশ্বেজ্ গুরিবার প্রভু সিয়েনি প্রমাণ গুরিবাত্যে পৌল আর বার্ণবারে আমক্ আমক্ কাম্ গুরিবার খেমতা দিলো।

প্রেরিত্‌ 4:13

পিতর আর যোহনর সাহচ্‌ দেগিনে আর তারা যে অশিক্ষিত আহ্ সাধারণ মানুচ্‌ সিয়েন হবর্ পেইনে সেই নেতাগুনে আমক্ ওই গেলাক্, আর তারা যে যীশুর সমাজ্যে এলাক্ সিয়েন্অ বুঝিলাক্।

প্রেরিত্‌ 9:27

মাত্তর্ বার্ণবা তারে সমারে গুরি দিপাধেয়্যে প্রচারক্কুনো ইধু নেযেইনে তারারে জানেল, দামেস্কর্ পধত্ শৌলে কেধোক্ক্যেন্ গুরি প্রভু যীশুরে দেগিলো আর প্রভু তা সমারে কেধোক্ক্যেন গুরি কধা কোইয়্যে, আর দামেস্কত্ যীশু পৌইদ্যেনে তে কেধোক্ক্যেন্ গুরি সাহজ্ গুরিনে প্রচার গোজ্জ্যে।

প্রেরিত্‌ 9:29

যে যিহূদীগুনে গ্রীক ভাষা কদাক্ তারা সমারে তে কধা কদঅ আর তর্ক গুরিদো, মাত্তর্ এ যিহূদীগুনে তারে মারে ফেলেবাত্তে চেষ্টা গরা ধুরিলাক্।

১ করিন্হীয় 14:19

মাত্তর্ মন্ডলী ভিদিরে নানান্ ভাষায় আজার্ আজার্ কধা কবার্ বদলে অন্যগুনোরে শিক্ষ্যে দিবাত্যে মুই বুদ্ধিলোই বরং বানা পাচ্চান্ কধা কোম্।

২ করিন্হীয় 10:1

খ্রীষ্টর্ চিদে আর দোয়্যেলু মনর্ কধা ইদোত্ রাগেইনে মুই পৌল নিজেই তমারে কোজোলি গরঙর্। মান্‌জ্যে কন্, মুই যেক্কে তমা কুরে থাং সেক্কে নাকি দোরে দোরে কাদাং, মাত্তর্ যেক্কে ন-থাং সেক্কে সাহসী অং।

২ করিন্হীয় 3:11

যিয়েন থুম্ ওই যার্ সিয়েন যেক্কে এদক্ মহিমাভরা এলঅ সেক্কে যিয়েন উমরত্যে থায় সিয়েন আরঅ কত্তমান্ বেশ্ মহিমাভরা।

২ করিন্হীয় 4:13

পবিত্র বোইবোত্ লেগা আঘে, “মুই বিশ্বেজ্ গোজ্জ্যং বিলিনে কধা কোইয়োং।” এই একই বাবোত্যে বিশ্বেজর্ মনভাব্‌পোই আমিয়ো বিশ্বেজ্ গুরিই বিলিনে কধা কোর্,

২ করিন্হীয় 7:4

তমা উগুরে মর্ অমকদ বিশ্বেজ্ আঘে আর তমাত্যে মুই খুব দেমাগ্ গরঙর্। আমা বেক্ দুঘ্‌কানিত্ মর্ হুজি লাগের্ আর মুই খুব সান্ত্বনা পেইয়োং ।

ফিলিপীয় 1:14

ইয়েনবাদে, মর্ এ বন্দী অবস্থায় থানার্ কারনে বেশির্ ভাগ্ ভেইয়ুনে প্রভু উগুরে আরঅ বেশ্ গুরিনে নির্ভর্ গুরিবাত্তে শিক্ক্যন্ আর সেনত্যে তারা ন-দোরেইনে গোজেনর্ কধা প্রচার গত্তে আরঅ সাহচী ওইয়োন।

ফিলিপীয় 1:20

মর্ থির্ বিশ্বেজ্ আঘেদে, মুই কনঅ কিজুত্ লাজ্ ন-পেম বরং মত্তুন্ যদেষ্ট সাহচ্‌ থেবঅ, যেনে আগে যেধোক্ক্যেন মর্ মাধ্যমে খ্রীষ্টর্ বাঈনী ফগদাং অদঅ সেধোক্ক্যেন ইক্কিনিয়ো অবঅ-সিয়েন মুই বাজং কি মরং;

কলসীয় 4:4

যেবাবোত্যে গুরি গমেডালে মর্ এ পৌইদ্যেনে বুঝেইনে কনা উচিত্, তবনা গরঅ মুই যেন সেবাবোত্যে গুরি কোই পারং।

১ থিষলনীকীয় 2:2

তুমি এ কধাগান্অ কোই পারঅ, ইয়েন্অ আগে ফিলিপী শঅরত্ আমি অত্যেচার ভুগ্ গোজ্জ্যেই আর অসর্মান্অ ওইয়্যেই। মাত্তর্ এ মানাগানি থেলেয়ো আমা গোজেনত্তুন্ সাহচ্‌ পেইনে তা গম হবরর্ কধানি আমি খুলোমেলা গুরি তমা ইধু কোইয়্যেই।

১ তীমথিয় 3:13

যে পরিচারগে গমেডালে কাম্ গরে তে সর্মান লাভ গরে আর খ্রীষ্ট যীশু উগুরে বিশ্বেজর্ কারনে তা মনানত্ সাহজ্ অয়।

ফিলীমন 1:8

ইয়েনত্যে যুনিয়ো মুই খ্রীষ্টর্ মাধ্যমে তরে তর্ কাম পৌইদ্যেনে জদবদে সাহস গুরিনে উগুম দি পারিদুং,