২ করিন্হীয় 2:17 - Chakma Bible

¹⁷ নিজোর্ লাভত্যে যিগুনে গোজেনর্ কধালোই বেবসা গরন্ আমি সেবাবোত্যে মানুচ্চুনো ধোক্ক্যেন নয়; বরং খ্রীষ্ট সমারে মিজেইনে গোজেন মুজুঙোত্ গোজেনর্ পাদেয়্যে মানুচ্ ইজেবে আমি খাটি রিবেঙত্তুন্ কধা কোই।

২ করিন্হীয় 2:17 ပူးပေါင်းရင်းမြစ်များ

যিরমিয় 5:31

ভাববাদীগুনে মিজে কধা ফগদাং গরন্, ধর্মগুরুগুনে নিজোের্ আঢ খেমতালোই শাজন্‌ গরন, আর মঅ মানুচ্চুনে এবাবোত্যে গম্ পান। মাত্তর্ ও মর্ মানুচ্চুন, যেরেদি তুমি কি গুরিবে?”

মথি লেখ্যে গম্ হবর্ 24:24

সেনত্যে সেক্কে বোউত্ ফক্কর্ মশীহ আর ফক্কর্ ভাববাদী এবাক্ আর আমক্ অবার্ চিহ্নো কাম্ গুরিবাক্ যেন সম্ভব অলে গোজেনর্ বেঈ লোইয়্যে মানুচ্চুনোরেয়ো তারা ঠোগেই পারন্।

প্রেরিত্‌ 20:20

তমার যাতে এজাল্ অয় এমন কনঅ কিজু মুই তমা ইধু ন-কোইনে জুরো গুরি ন-থাং, বরং বারেদি খুলোমেলাগুরি আর তমা ঘরে ঘরে শিক্ষ্যে দুয়োং আর প্রচার গোজ্জ্যং।

প্রেরিত্‌ 20:27

কিয়া গোজেনে কি চায় সিয়েন তমারে জানেবাত্তে মুই কনদিন্অ পিজেদি ন-ফিরোং।

১ করিন্হীয় 5:8

সেনত্তে পুরোণি সদা, অত্তাৎ ইংসে আর ভান্ন্যেই দিইনে নয়, বরং এজঅ, আমি সদা নেইয়্যে রুটি, অত্তাৎ সরলতা আর সত্যলোই পরব্‌পো পালেই।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

২ করিন্হীয় 1:18

গোজেন বিশ্বেজ্‌বলা, এ কধাগান্ যেধোক্ক্যেন সত্য সেধোক্ক্যেন ইয়েন্অ সত্য যে, তমা ইধু আমা কধানি একই সময়োত্ অয় আর নয় ন-অয়।

২ করিন্হীয় 11:11

কিত্যে মুই এ কধাগান্ কঙর্? তমারে কোচ্‌ ন-পাং বিলিনে না কি? গোজেনে কোই পারেদে যে, মুই তমারে কোচ্‌পাং।

২ করিন্হীয় 12:19

তমার্ কি মনে অয়, এ চিধিগানর্ মাধ্যমে আমি তমা ইধু নিজোর্ পক্ষে কধা কোর্? খ্রীষ্ট সমারে মিজেইনে আমি গোজেন মুজুঙোত্ কধা কোর্। কোচ্‌পেইয়্যে ভেইয়ুন, তমারে উগুরেদি তুলিবাত্যে আমি ইয়েনি কোর্।

২ করিন্হীয় 4:2

মান্‌জ্যে গুমুরোত্ যেদক্কানি লাজ্ গরেদে বাবোত্যে কাম্ গরন সিয়েনি আমি এক্কুবারে ন-গুরিই। আমি কনঅ কামত্ ছলনা ন-গুরিই, গোজেন কধানিত্ কনঅ ভুলোর্ ভেজাল্ ন-দিই। আমি বরং গোজেনর্ সত্যগান্ ফগদাং গুরিনে তা মুজুঙোত্ বেক্‌ মানুচ্চুনোর্ বিবেগ ইধু নিজোরে মানি লোইয়্যে বিলিনে তুলি ধুরিই।

২ করিন্হীয় 6:7

সত্যগান্ ফগদাঙত্যে আর গোজেনর্ খেমতালোই আমি প্রমাণ দিত্তে যে, আমি গোজেনর্ সেবাগুরিয়্যে। আরঅ দ্বি আঢে ন্যায়র্ অাত্যের্ তুলি লোইনে আমি প্রমাণ গুরিত্তে, আমি গোজেনর্ সেবাগুরিয়্যে।

গালাতীয় 1:6

খ্রীষ্টর্ দোয়্যেলোই যিবে তার্ নিজোর্ মানুচ্ অবাত্যে তমারে ডাক্ক্যে, তুমি এদক যাদিমাদি তারে ইরি দিইনে অন্য বাবোত্যে গম হবর্ ইন্দি লুঙি পোজ্য দেগিনে মুই আমক্ অঙর্।

১ থিষলনীকীয় 2:4

বরং যগাজ্জ্যে মনে গুরিনে গম হবর্ জানেবার ভারান্ গোজেনে আমা উগুরে দিয়্যে বিলিনে আমি সে ইজেবে কধা কোর্। মান্‌জ্যরে হুজী গুরিবাত্যে আমি এ কধানি ন-কোর্, মাত্তর্ যিবে আমার রিবেঙানি যাচাই গুরি চায় সেই গোজেনরে হুজি গুরিবাত্যে কোর্।

তীত 1:11

এ মানুচ্চুনোর মুয়োনি নাঢি দেনা দরকার, কিয়া অন্যেয় লাভত্যে তারা এন্‌ শিক্ষ্যে দুয়োন যিয়েনি তারার্ দেনা উজিত নয়; আর এবাবোত্যে গুরি তারা কয়েক্কো ঘোর্‌‌‌‌‌বোরে ভস্ত গুরি ফেলেয়োন।

ইব্রীয় 11:27

গোজেন উগুরে তার্ বিশ্বেজত্যে তে রাজার্ রাগ্‌কানরে ন-দোরেইনে মিসর দেশ্‌চান ফেলে যেইয়্যে, কিয়া যিবেরে দেগা ন-যায় তারে যেন দেগর্ সেবাবোত্যে গুরি তে ধৈয্য ধোজ্জ্যে।

১ পিতর 4:11

যুনি কেঅ ফগদাং গরে সালে তে এবাবোত্যে গুরি ফগদাং গোরোক যেন তে গোজেনর্ নিজোর্ মুয়ো কধা কর্। যুনি কেঅ সেবা গরে সালে তে গোজেনর্ দিয়্যে বল্লোই সেবা গোরোক্, যেন যীশু খ্রীষ্টর্ মাধ্যমে বেক্কানিত্ গোজেনর্ বাঈনী পায়। বাঈনী আর খেমতা উমরত্যে তার্। আমেন।

১ যোহন 4:1

কোচ্‌পানার্ পুয়ো-ছা লগ্, তুমি বেক্‌ আত্মাগুনোরে বিশ্বেজ্ ন-গোজ্জ্য, বরং চাগি চঅ সিগুনে গোজেনত্তুন্ এচ্চ্যন কিনা, কিয়া জগদত্ বোউত্ ভন্ড ভাববাদী নিগিল্লোন।

যিহূদা 1:4

ইয়েনর্ দরকার আঘে, কিয়া যে মানুচ্চুনোর্ সাজা পৌইদ্যেনে আগেদি বোইবোত্ লেগা ওইয়্যে তারা তমা ভিদিরে চুবেচুবে সোমেয়োন্দি। গোজেন উগুরে এ মানুচ্চুনোর ভোক্তি নেই; আমার গোজেনর্ দোয়্যেগানরে তারা ভান্ন্যেই এক্কান তালি দেনা মনে গরন আর যিবে আমার এক্কো গুরি গিরোজ্ আর প্রভু সেই যীশু খ্রীষ্টরে তারা অস্বীগের্ গরন্।

ফগদাং পেইয়্যে 12:9

সেক্কে সেই দাঙর্ দানপ্পোরে আর তা সমারে তা দুত্‌তুনোরে পিত্‌থিমীত ফেলেই দিয়্যে অলঅ। এই দানপ্পো অলঅ সেই পুরোনা সাব্‌পো যিবেরে দিয়াবল বা শদান্ কুয়ো অয়। তে পিথ্‌তিমীর্ বেক্‌ মানুচ্চুনোরে ভুল্ পধেদি নেযায়।

ফগদাং পেইয়্যে 19:20

সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।

ফগদাং পেইয়্যে 2:20

তো তঅ বিরুদ্ধে মর্ এ কধাগান কবার্ আঘেদে, তুই ইষেবল নাঙে সেই মিলেবোর্ অন্যেয় সোজ্জ্য গরর্। এই ইষেবলে নিজোরে ভাববাদী কয়। তা শিক্ষ্যেলোই তে মর্ চাগরুনোরে ভুলোয় যেন তারা বেগেয়্যে গরন্ আর মূত্তি ইধু উৎসর্ব গোজ্জ্যে হানা হান্।