২ করিন্হীয় 2:15 - Chakma Bible

¹⁵ যিগুনে উদ্ধোর্ পাদন্ আর যিগুনে ভস্ত ওই যাদন্ তারা ইধু গোজেনর্ পক্ষে আমি ঘেচ্চ্যেকগুরি খ্রীষ্টর্ তুমবাচ্‌।

২ করিন্হীয় 2:15 ပူးပေါင်းရင်းမြစ်များ

পত্থম 8:21

লগেপ্রভু সে উৎসর্বর বাজ্‌ পেইনে হুজী অলঅ আর মনে মনে কলঅ, “মান্‌জ্যর কারনে আর কনদিন্‌ মুই মাদিগানরে অভিশাব্ ন-দিম, কিত্তে চিগোনত্তুন্ ধুরি দঅ-মান্‌জ্যর মনানি ভান্ন্যেয়ন্দি। এবেরা যেবাবোত্যে মুই বেক্‌ জেদা পরান্‌বলাগুনোরে‌‌ শেজ্ গোজ্যং সেবাবোত্যেগুরি আর কনদিনঅ ন-গুরিম।

যাত্রা 29:18

সে পরেদি সিবে বেক্কানি ডালিপূজোবো উগুরে পুড়ি ফেলেবে। ইবে লগেপ্রভুর্ নাঙে পুজ্যে-উৎসর্ব, অত্তাৎ লগেপ্রভুর্‌ নাঙে আগুন্দোই গোজ্যে উৎসর্ব, যিবের্‌ তুম্বাজে তে হুজি অয়।

যাত্রা 29:25

সে পরেদি সিয়েনি তারার্ আদত্তুন্‌ নেযেইনে ডালিপূজো উগুরে পুজ্যে-উৎসর্ব সমারে পুড়ি ফেলেবে। ইবে লগেপ্রভুর্‌ নাঙে আগুন্দোই গোজ্যে উৎসর্ব যিবের্‌ তুম্বাজে তে হুজি অয়।

পরমগীত 1:3

তঅ তেলানর্ তুম্বাজ্‌চানে হুজি রাগায়; ঢালি দিয়্যে তুম্বাজ তেল ধোক্ক্যেন্ তঅ নাঙান্। সেনত্তে দঅ মিলেগুনে তরে কোচ্‌পান।

যিহিষ্কেল 20:41

মুই যেক্কে জাদ্‌‌‌‌‌তুনো ভিদিরেত্তুন তমারে নিগিলেই আনিম আর যেদক্কানি দেজত্ ছিদি পোজ্যন সিয়েনিত্তুন্ এগত্তর্ গুরিম সেক্কে তুম্বাজ্ আগর্‌বাট্টি ধোক্ক্যেন মুই তমারে গুজি লোম। সেক্কে তমা মাধ্যমে জাদ্‌‌‌‌‌তুনে বুঝি পারিবাক্ যে, মুই সুদ্ধো-সাংগ।

১ করিন্হীয় 1:18

যিগুনে ভস্ত অবার্ পধেদি উজেই যাদন্ তারা ইধু খ্রীষ্টর্ সেই ক্রুশোত্ মরাণার্ কধাগান্ মূর্খতা বাদে আর কিচ্চু নয়; মাত্তর্ আমি যিগুনে পাপত্তুন্ উদ্ধোরর্ পধেদি উজেই যের্ আমা ইধু সিয়েন গোজেনর্ খেমতা।

ইফিষীয় 5:2

খ্রীষ্ট যেধোক্ক্যেন গুরি আমারে কোচ্‌পেইয়্যে আর আমাত্যে গোজেনর্ উদ্দেচ্চ্যে তুমবাচ্‌‌‌‌বলা উৎসর্ব ইজেবে নিজোরে দিয়্যে, ঠিগ সেবাবোত্যেগুরি তুমিয়ো কোচ্‌পানার পধেদি চলঅ।

ফিলিপীয় 4:18

মর্ বেক পাওনাগুন মুই পেইয়োং। আসলে মর্ যিগুন দরকার সিত্তুন্-অ বেচ্‌ মত্তুন্ আঘে। ইপাফ্রদীত আঢত্ তমার পাধেয়্যে বক্‌শিজ্‌চানি পেইনে ইক্কিনে মর্ যদেষ্ট ওইয়্যে। এই বক্‌শিজ্‌চানি তুম্‌বাজ্‌বলা আর মানিলোইয়্যে উৎসর্ব,

২ থিষলনীকীয় 2:10

আর ভস্তর্ পধেদি উজেই যেইয়্যে মানুচ্চুনোরে থোগেইবার নানান্ বাবোত্যে পাজি ছলনার্ ভিদিরে। এ মানুচ্চুনে ভস্ত অবাক্, কিয়া পাপত্তুন্ উদ্ধোর্ পেবাত্যে তারা সত্যগানরে কোচ্‌ ন-পান্ আর সিয়েন মানিয়ো ন-লন্।