২ করিন্হীয় 2:14 - Chakma Bible

¹⁴ গোজেনরে ভালেদি জানেই যে, আমি খ্রীষ্ট সমারে মিজেয়্যেই বিলিনে গোজেনে তার্-জিদেনার পদথ্ নিত্য আমারে চালেই নেযার্। খ্রীষ্টরে জানানা এক্কান তুম্বাজ ধোক্ক্যেন। গোজেনে তার্ জিদেনার্ পদথ্ সেই তুম্বাজ্‌চান আমা মাধ্যমে বেক্‌ জাগাইধু ছিদিই দে।

২ করিন্হীয় 2:14 ပူးပေါင်းရင်းမြစ်များ

গীতসংহিতা 106:47

ও লগেপ্রভু, আমা গোজেন, আমারে উদ্ধোর্ গর্; অন্য জাদ ভিদিরেত্তুন্ তুই আমারে এক জাগাত্ লোই আয়, যেনে আমি তর্ পবিত্রতাগান নাঙে ভালেদি জানেই পারিই আর তরে নাঙ্ গিনি পারঙর্ বিলিনে বাড়্‌বো গুরি পারঙর্।

গীতসংহিতা 148:14

তা মানুচ্চুনোরে তে খেমতাবলা গোজ্যে; সিয়েন তার বেক্ ভক্তগুনোর্ বাঈনী, তার কোচ্‌পেইয়্যে জাদ্ ইস্রায়েলর বাঈনী। লগেপ্রভুরে নাঙ্ গিনে ওক্।

পরমগীত 1:3

তঅ তেলানর্ তুম্বাজ্‌চানে হুজি রাগায়; ঢালি দিয়্যে তুম্বাজ তেল ধোক্ক্যেন্ তঅ নাঙান্। সেনত্তে দঅ মিলেগুনে তরে কোচ্‌পান।

যিহিষ্কেল 20:41

মুই যেক্কে জাদ্‌‌‌‌‌তুনো ভিদিরেত্তুন তমারে নিগিলেই আনিম আর যেদক্কানি দেজত্ ছিদি পোজ্যন সিয়েনিত্তুন্ এগত্তর্ গুরিম সেক্কে তুম্বাজ্ আগর্‌বাট্টি ধোক্ক্যেন মুই তমারে গুজি লোম। সেক্কে তমা মাধ্যমে জাদ্‌‌‌‌‌তুনে বুঝি পারিবাক্ যে, মুই সুদ্ধো-সাংগ।

যোহন 16:33

মুই তমারে ইয়েনি বেক্কানি কলুং যেন তুমি মঅ সমারে আঘঅ কিনেই মনত্ শান্তি পঅ। এ জগদত্ তুমি কষ্ট আর চাপ মুয়োত্ আঘ, মাত্তর্ সাহচ্‌ ন-আরেইয়ো; মুয়ই জগদ্‌তানরে জয় গোজ্যং।”

রোমীয় 1:8

পত্তমে মুই যীশু খ্রীষ্টর্ মাধ্যমে তমা বেক্কুনোত্যে মর্ গোজেনরে ভালেদি জানাঙর্, কিত্যে তমা বিশ্বেজর্ কধানি গোদা দুনিয়েগানত্ ছিদি পোজ্জ্যে।

রোমীয় 6:17

মাত্তর্ গোজেনর্ ভালেদি ওক্‌, কিয়া যুনিয়ো তুমি পাপর্ চাগর্ এলা তো যে শিক্ষ্যেগান্ তমারে দিয়্যে ওইয়্যে বেক্ মনান্দোই তুমি তার্ বাধ্য ওইয়ো।

রোমীয় 8:37

মাত্তর্ যিবে তমারে কোচ্‌পায়, তা মাধ্যমে ইয়েনির্ ভিদিরেদিয়ো আমি পুরোপুরি জিত্তেই।

১ করিন্হীয় 12:8

কাররে কাররে সেই পবিত্র আত্মার্ মাধ্যমে জ্ঞানর্ কধা বা বুদ্ধির্ কধা কবাত্যে দিয়্যে অয়।

১ করিন্হীয় 15:37

তর্ লাগেইয়্যে বীজিগুনোত্তুন্ যে চারাগুন অয় সিগুন তুই ন-লাগেচ্ বরং বানা এক্কো বীজ্ লাগা-সেই বীজিবো গমর্ ওক্ বা অন্য কনঅ শোজ্জ্যর্ ওক্‌।

১ করিন্হীয় 15:57

মাত্তর্ গোজেনরে ভালেদি জানেই, আমা প্রভু যীশু খ্রীষ্টর্ মাধ্যমে তে আমারে জয় দান গোজ্জ্যে।

২ করিন্হীয় 1:11

আর তুমিয়ো আমাত্যে তবনা গুরিনে আমারে সাহায্য গোজ্জ্য। সালে ভালোক্ জনর্ তবনা গরানার্ ফলে আমি যে আশিদ্‌বাদ পেবং সিয়েনর্ কারনে আমাত্যে ভালোক্‌জনে গোজেনরে ভালেদি জানেবাক্।

২ করিন্হীয় 8:16

তমাত্যে মঅ মনানত্ যে আওজ্‌‌‌চান্ আঘে, ঠিগ্ সেই আওজ্‌‌‌চান্ গোজেনে তীতর্ মনত্অ দিয়্যে বিলিনে মুই তারে ভালেদি জানাং।

২ করিন্হীয় 9:15

যে দানর্ কধা ভাষালোই ফগদাং গরা ন-যায় গোজেনর্ সেই দানত্যে তার্ ভালেদি ওক্‌।

ইফিষীয় 5:2

খ্রীষ্ট যেধোক্ক্যেন গুরি আমারে কোচ্‌পেইয়্যে আর আমাত্যে গোজেনর্ উদ্দেচ্চ্যে তুমবাচ্‌‌‌‌বলা উৎসর্ব ইজেবে নিজোরে দিয়্যে, ঠিগ সেবাবোত্যেগুরি তুমিয়ো কোচ্‌পানার পধেদি চলঅ।

ইফিষীয় 5:20

আমিঝে বেক্কানিত্যে আমা প্রভু যীশু খ্রীষ্টর্ নাঙে বাবা গোজেনরে ভালেদি জানঅ।

ফিলিপীয় 4:18

মর্ বেক পাওনাগুন মুই পেইয়োং। আসলে মর্ যিগুন দরকার সিত্তুন্-অ বেচ্‌ মত্তুন্ আঘে। ইপাফ্রদীত আঢত্ তমার পাধেয়্যে বক্‌শিজ্‌চানি পেইনে ইক্কিনে মর্ যদেষ্ট ওইয়্যে। এই বক্‌শিজ্‌চানি তুম্‌বাজ্‌বলা আর মানিলোইয়্যে উৎসর্ব,

কলসীয় 1:23

খালিক্ ইয়েনত্যে খ্রীষ্ট পৌইদ্যেনে গম হবরানত্তুন্ যে ঘেচ্চ্যেকগুরি আজাগান তুমি পেয়ো সিয়েনত্তুন্ দূরোত্ সুরি ন-যেইনে তমার বিশ্বেজে থির্ থা পড়িবো। সেই গম হবরান সারা জগদত্ প্রচার গরা ওইয়্যে আর তুমি সিয়েন শুন্ন্য। মুই পৌল এ গম হবরানর্ প্রচারক ওইয়োং।

কলসীয় 1:6

এ গম্ হবরান গোদা পিত্‌থিমীত ছিদি পড়িনে ফল ধরের্ আর দিন দিন উজেই যার্। যেদিন্ন্যে তুমি এ গম্ হবরান শুন্ন্য আর গোজেনর্ দোয়্যের কধা ঘেচ্চ্যেক্ গুরি কোই পাজ্জ্য সে দিন্নোত্তুন্ ধুরি সিয়েন তমা ভিদিরেয়ো ঠিগ্ সেবাবোত্যেগুরি কাম গরের্।

কলসীয় 2:15

তে আগাজর্ বেক ভান্ন্যেই শাসনগুরিয়্যে আর খেমতার্ অধিকারীগুনোর খেমতা বর্‌বাদ গোজ্জ্যে। আর এবাবোত্যেগুরি তে খ্রীষ্টর্ ক্রুশোর্ মাধ্যমে তারা উগুরে জিত্যে আর বেক্কুনো মুজুঙোত্ তারারে অসর্মান গোজ্জ্যে।

১ থিষলনীকীয় 1:8

বানা ম্যাসিডোনিয়া আর আখায়া রেজ্যত্ যে তমাত্তুন্ প্রভুর কধানি ছিদি পোজ্জ্যে এমন নয়, মাত্তর্ গোজেন উগুরে তমার বিশ্বেজর্ কধায়ো বেক্‌ জাগানিত্ যেইনে লুম্মেগোই। এ পৌইদ্যেনে আমার্ কিচ্চু কনা দরকার নেই,

১ থিষলনীকীয় 3:9

তমাত্যে গোজেন মুজুঙোত্ আমার যে হুজী, সিয়েনর্ বদলে কেধোক্ক্যেন গুরিনে যে তারে তমাত্যে ভালেদি জানেম সিয়েন আমি কোই ন-পারিই।

১ তীমথিয় 2:8

মুই চাং যেন বেক্‌ জাগানিত্ মরদ্‌তুনে রাগ বা কোজ্জ্যের্ মনভাব ন-রাগেইনে সাব্ মনে দ্বিয়েন আঢ্ তুলিনে তবনা গরন্।

২ তীমথিয় 2:2

ভালোক্কুন সাক্ষীর্ মুজুঙোত্ মঅ মুয়োত্তুন যেদক্কানি শিক্ষ্যের্ কধা তুই শুন্ন্যচ্ সেই শিক্ষ্যেনি ধুরি রাগেবাত্যে তুই সিয়েনি এন্‌ বিশ্বেজি মানুচ্চুনোরে দে যিগুনোর্ অন্যগুনোরে শিক্ষ্যে দিবার কাবিল আঘে।

ফগদাং পেইয়্যে 7:12

“আমেন। নাঙ্ গিনেনা, বাঈনী গরানা, জ্ঞান, ভালেদি জানানা, সর্মান, খেমতা আর বল্ উমরত্যে আমা গোজেনরই ওক্‌। আমেন।”