২ করিন্হীয় 2:13 - Chakma Bible

¹³ মাত্তর্ তো মুই মনত্ শান্তি-ন-পাং, কিয়া মর্ বিশ্বেজি ভেই তীত সিধু ন-এলঅ। সেনত্যে ত্রোয়ার্ মানুচ্চুনোত্তুন্ বিদেয় লোইনে মুই ম্যাসিডোনিয়াত্ গেলুং।

২ করিন্হীয় 2:13 ပူးပေါင်းရင်းမြစ်များ

দানিয়েল 6:19

বেন্যে পোত্যে রাজা উদিনে যাদিমাদি গুরি সেই সিংহ গাদ ইন্দি গেলঅ।

মার্ক 6:46

মানুচ্চুনোরে বিদেই দিইনে পরেদি তে তবনা গুরিবাত্তে মুড়ো উগুরে উদি গেলঅ।

প্রেরিত্‌ 21:6

সে পরেদি একজন আরেকজনত্তুন্ বিদেয় লোইনে আমি জাহাজত্ উদিলোং আর তারা ঘরত্ ফিরি গেলাক্।

রোমীয় 15:26

কিয়া যিরূশালেমত্ গোজেন মানুচ্চুনো ইধু যিদুক্কুন্ নাঢা মানুচ্ আঘন্ তারাত্তে ম্যাসিডোনিয়া আর আখায়া মন্ডলীগুনোর মানুচ্চুনে কিজু টেঙা তুল্ল্যন্।

২ করিন্হীয় 12:18

মুই তীতরে যেবাত্যে কোজোলি গোজ্জ্যং, আর তা সমারে সেই ভেইবোরেয়ো পাধেয়োং। তীতে কি তমারে থোগেয়্যে? কনদিন্অ নয়! মুই আর তীতে কি একই মনভাব্‌পোই একই কাম ন-গুরিই?

২ করিন্হীয় 7:13

ইয়েনর্ মাধ্যমে আমি সান্তনা পেইয়্যেই। সেই সান্তনার্ লগে তীতর হুজি দেগিনে আমিয়ো হুজি ওইয়্যেই, কিয়া তমার্ বেক্কুনোত্তুন্ তে মনেদি খুব শান্তি পেইয়্যে।

২ করিন্হীয় 7:14

মুই হুজী ওইয়োং, কিয়া তমারে নিইনে মুই তা ইধু দেমাগ্ দেগেয়োং, আর সিয়েনত্ মত্তুন্ লাজত্ পড়া ন-পরে। সিয়েনর্ বদলে তমা ইধু কোইয়্যে আমার বেক্‌ কধানি যেধোক্ক্যেন্ সত্য এলঅ, সেধোক্ক্যেন গুরি তীত ইধু তমারে নিইনে আমার্ দেমাগ্-অ সত্য বিলিনে প্রমাণ ওইয়্যে।

২ করিন্হীয় 8:16

তমাত্যে মঅ মনানত্ যে আওজ্‌‌‌চান্ আঘে, ঠিগ্ সেই আওজ্‌‌‌চান্ গোজেনে তীতর্ মনত্অ দিয়্যে বিলিনে মুই তারে ভালেদি জানাং।

২ করিন্হীয় 8:23

তীত পৌইদ্যেনে মর্ যিয়েন কবার্ আঘে সিয়েন এই-তে মর্ সমাজ্জ্যে আর মঅ লগে তে তমাত্যে কাম্ গরের্। আর অন্য ভেইয়ুনো পৌইদ্যেনে মর্ যিয়েন কবার্ আঘে সিয়েন এই-মন্ডলীগুনে তারারে বেঈ লোইনে পাধাদন্। এ ভেইয়ুনোর্ মাধ্যমে খ্রীষ্টরে বাঈনী গরা অয়।

২ করিন্হীয় 8:6

ইয়েন দেগিনে আমি তীতরে বিশেষ গুরিনে কোজোলি গোজ্জ্যেই, দান গুরিবার যে কামান্ তে তমা ইধু আরাম্ভ গোজ্জ্যে সিয়েন যেন তে থুম্ গরে।

গালাতীয় 2:1

চৌদ্দ বজর্ পরে মুই বার্ণবা লগে আরঅ যিরূশালেমত্ গেলুং, আর তীতরেয়ো সমারে লোলুং।

গালাতীয় 2:3

মাত্তর্ অযিহূদী অলেয়ো মঅ সমাজ্যে তীতরে চুনু মাঢা কাবিবাত্যেই বাধ্য গরা ন-অয়।

২ তীমথিয় 4:10

কিয়া দীমা ইধুগোর্ জগদ্‌তানরে কোচ্‌পেইনে মরে ফেলেইনে থিষলনীকীত্ যেয়্যেগোই। ইয়েনবাদে ক্রীষ্কেন্ত গালাতিয়াত্ আর তীতে দালমাতিয়াত্ যেয়্যে;

তীত 1:4

খ্রীষ্ট উগুরে বিশ্বেজ্ গুরিনে যে মঅ সমারে এক ওই যেয়্যে, মর্ সেই আজল্ পুয়োবো তীত ইধু মুই এ চিধিগান লেগঙর্। বাবা গোজেন আর আমার্ উদ্ধোর্ গুরিয়্যে খ্রীষ্ট যীশু তরে দোয়্যে গোরোক্ আর শান্তি দান গোরোক্।