২ করিন্হীয় 13:9 - Chakma Bible

⁹ যেক্কে আমি মেরা মেরা ওই আর তুমি বোলী অ সেক্কে আমি হুজী ওই। আর আমি তবনা গুরিই যেন তুমি বেক্কানি ঠিগ্ ওইনে খাটি অ।

২ করিন্হীয় 13:9 ပူးပေါင်းရင်းမြစ်များ

রোমীয় 15:2

বিশ্বেজি ভেইয়োরে গোড়েই তুলিবার আজায় আমি পত্তিজনে যেন তার্ ভালেদিত্যে তারে হুজি গুরিই।

১ করিন্হীয় 1:10

ভেইলগ্, আমা প্রভু যীশু খ্রীষ্টর্ ওইনে মুই তমারে বিশেজ্ গুরিনে কোজোলি গরঙর্, তুমি বেক্কুনে এক্ অ। তমা ভিদিরে কনঅ দলাদুলি ন-থোক্, মাত্তর্ তুমি একমন আর এককধার মানুচ্ অ।

১ করিন্হীয় 2:3

যেক্কে তমা ইধু এলুং সেক্কে মুই নিজোরে বল্-নেইয়্যে মনে গত্তুং আর দরে ভারী গির্‌গিরেদুং।

১ করিন্হীয় 4:10

আমি খ্রীষ্টত্যে মূর্খ ওইয়্যেই আর তুমি খ্রীষ্ট সমারে মিজেইনে বুদ্ধিবলা ওইয়ো। আমি বল্‌পোজ্যে মাত্তর্ তুমি বোলী। তুমি বোউত্ সর্মান পেইয়ো আর আমি অসর্মান পেইয়্যেই।

২ করিন্হীয় 11:30

যুনি মত্তুন্ বাড়্ গরা পরে সালে মুই মর্ বল্-পোজ্জ্যেগান্দোই বাড়্ গুরিম।

২ করিন্হীয় 13:11

ভেইলগ্, এবেরা বিদেয়। তুমি তমার বেক্কানি ঠিগ্ গুরিনে খাটি অ। মঅ কধানি মনযোগ্ দুয়ো, তমার এক্কুই মনভাব ওক্‌, আর তুমি সুগে-শান্দিয়্যে থাগঅ। সালে কোচ্‌পেইয়্যে আর শান্তির্ গোজেনে তমা লগে থেবঅ।

২ করিন্হীয় 13:4

তারে মেরা মেরা অবস্থায় ক্রুশোত্ দিয়্যে ওইয়্যে ঠিগ্, মাত্তর্ গোজেনর্ খেমতালোই তে জেদা আঘে। আমি তা লগে মিজেইনে মেরা ওইয়্যেই, মাত্তর্ তমাত্যে গোজেনর্ খেমতালোই তা লগে আমি জেদা থেবং।

২ করিন্হীয় 4:12

সেনত্যে আমা ভিদিরে মরণানে কাম্ গরের্ মাত্তর্ তমা ভিদিরে জিংকানিগানে কাম্ গরের্।

২ করিন্হীয় 7:1

কোচ্‌পেইয়্যে সমাজ্যেগুন, আমাত্যে এ বেক্‌ এগেমানি গরা আঘে বিলিনে এজঅ, আমি কিয়্যে আর মনর্ বেক্‌ অসিজিয়ানিত্তুন্ নিজোরে সিজি গুরিই আর গোজেন উগুরে ভক্তিগুরি দোরেইনে পুরোপুরি পবিত্রতার্ পধেদি উজেই যেই।

কলসীয় 1:28

আর সেই খ্রীষ্ট পৌইদ্যেনে আমি প্রচার গুরিই, অত্তাৎ গোজেনর্ দিয়্যে ন-ফুরেইয়্য জ্ঞান লগে আমি পত্তিজনরে উজিয়ার্ গুরিই আর শিক্ষ্যে দিই, যেন পত্তিজনরে আমি খ্রীষ্টর্ মাধ্যমে যগাজ্জ্যে গুরি তুলিই পারি।

কলসীয় 4:12

ইপাফ্রায়ো তমারে পাত্তুরু তুরু জানার্। তে তমার নিজো মানুচ্চুনোত্তুন্ এক্কো আর তে খ্রীষ্ট যীশুর্ চাগর্। তে নিত্য তমাত্যে তবনার্ যুদ্ধ চালার্ যেন তুমি পূর্ণতাগান্ লাভ গরঅ আর বেক্কানিত গোজেনর্ আওজ্‌চান ঘেচ্চেকগুরি হবর্ পেইনে দরমর গুরি থিয়্যেই পারঅ।

১ থিষলনীকীয় 3:10

আমি দিন-রেত্ গোজেন ইধু রিবেঙত্তুন্ কোজোলি গুরির্ যেন আমি তমারে চেই পারিই আর তমার বিশ্বেজ্ ভিদিরে যে অভাব আঘে সিয়েন পুরেই দি পারিই।

২ তীমথিয় 3:17

যেনে গোজেনর্ মানুচ্চুনে পুরোপুরি গুরিনে যগাজ্জ্যে ওইনে গম কাম গুরিবাত্যে যুক্কোল্ ওই পারন।

ইব্রীয় 12:23

পত্তম পুয়োর্ অধিকার পেইয়্যে মানুচ্‌ ইজেবে যিগুনোর্ নাঙানি স্বর্গত্ লেগা আঘে তারারে দিইনে বানেয়্যে মন্ডলী ইধু এচ্চ্য; যিবে বেক্‌ মানুচ্চুনোর্ বিচেরক্ সেই গোজেন ইধু এচ্চ্য; যিদুক্কুন মান্‌জ্যে পরিপূরোণান্ পেইয়োন সেই বেক্ নিদ্দুজি মানুচ্চুনোর্ আত্মার্ ইধু এচ্চ্য;

ইব্রীয় 13:21

যিয়েনি গম সিয়েনিলোই তে তার্ আওজ্ মজিম চলিবাত্যে তমারে পুরোপুরি যুক্কোল্ গোরোক্। তার্ চোগেদি যিয়েন গম্ যীশু খ্রীষ্টর্ মাধ্যমে আমা রিবেঙত্ তে সিয়েনই গোরোক্। উমরত্যে গোজেনর্ বাঈনী গরা ওক্‌। আমেন।

ইব্রীয় 6:1

ইয়েনত্যে খ্রীষ্ট পৌইদ্যেনে পত্তমে যে শিক্ষ্যেগান পেইয়্যেই, এজঅ সিয়েন ফেলেইনে আমি পরিপূরোণ ইন্দি উজেই যেই। ন-ফলেদে কামত্তুন্ মন ফিরেনা, গোজেন উগুরে বিশ্বেজ্,

১ পিতর 5:10

যিবে বেক্কানিন্দি দোয়্যে গুরিবার গোজেন তে তার্ উমরর্ মহিমার ভাগী অবাত্যে তমারে ডাক্ক্যে, কিয়া খ্রীষ্ট সমারে তুমি এগত্তর্ ওইয়ো। তুমি কয়েকদিন দুঘ্ ভুগোনার্ পরেদি গোজেনে নিজেই তমারে খাটি গুরিবো আর থির্ রাগেব, খেমতা দিবো আর দরমর গড়াগান উগুরে তমারে থিয়্যেই রাগেব।