২ করিন্হীয় 12:6 - Chakma Bible

⁶ খালিক্ যুনি মুই দেমাগ্ গুরিবাত্যে চাং সালে বেদমা কাম্ ন-গুরিম, কিয়া মুই সত্য কধা কোম্। তো মুই দেমাগ্ ন-গুরিম, কিয়া মর্ কামানি দেগিনে বা মঅ কধানি শুনিনে মান্‌জ্যে মরে যিয়েন মনে গরন্ সিয়েনত্তুন্ বেশ্ যেন কেঅ মরে মনে ন-গরন্।

২ করিন্হীয় 12:6 ပူးပေါင်းရင်းမြစ်များ

ইয়োব 24:25

যুনি সিয়েনই অয় সালে কন্না মঅ কধানি মিজে গুরিনে পরমান গুরি পারিবো? মঅ কধাগান যে মিজে সিয়েন কন্না কোই পারিবো?”

রোমীয় 9:1

খ্রীষ্ট সমারে মিজেইনে মুই কঙত্তে, মনত্ দুঘে বুগ্ ভাঙের্ আর চিদোত্ পুদের্, আর এ কধাগান সত্য, মিজে নয়। মঅ বিবেগ্‌কান্অ পবিত্র আত্মা সমারে মিজেইনে সেই একই সাক্ষ্য দের্।

১ করিন্হীয় 3:5

আপল্লো কন্না? আর পৌলে বা কন্না? আমি দঅ বানা সেবাগুরিয়্যে যিগুনোর্ মাধ্যমে তুমি বিশ্বেজর্ পধত্ এচ্চ্য। প্রভু আমারে পত্তিজনরে যার্ যার্ কাম দিয়্যে।

২ করিন্হীয় 1:18

গোজেন বিশ্বেজ্‌বলা, এ কধাগান্ যেধোক্ক্যেন সত্য সেধোক্ক্যেন ইয়েন্অ সত্য যে, তমা ইধু আমা কধানি একই সময়োত্ অয় আর নয় ন-অয়।

২ করিন্হীয় 11:16

মুই আরঅ কং, কেঅ যেন মরে বেদমা মনে ন-গরে। খালিক্ যুনি তুমি সেবাবোত্যে মনে গুরি থাগঅ সালে বেদমা ইজেবে মরে মানি লঅ, যেন মুই এক্কেনা দেমাগ্ গুরি পারং।

২ করিন্হীয় 11:31

আমা প্রভু যীশু খ্রীষ্টর্ গোজেন আর বাপ্, যিবে উমরত্যে বাঈনী পেবার্, তে কোই পারে মুই মিজে কধা ন-কঙর্।

২ করিন্হীয় 12:11

মুই বেদমা ওইয়োং ঠিগ্, মাত্তর্ তুমিই মরে সিয়েন অবাত্যে বাধ্য গোজ্জ্য, কিয়া তমার্ উচিত্ এলঅ মরে নাঙ্ গিনেনা। যুনিয়ো মুই কিচ্চু নয় তো তমার্ সেই বিশেষ প্রচারগ্‌কুনোত্তুন্ কনঅ বাবদে চিগোন নয়।

২ করিন্হীয় 12:7

ভালোক্কানি মইধু ফগদাং ওইয়্যে বিলিনে মুই যেন বাড়্‌বো ন-অং, সেই আজায় মরে দুঘ্ দিবাত্যে মর্ কিয়্যেগানত্ এক্কো কাদা, অত্তাৎ শদানর্ দূত দিয়্যে ওইয়্যে।

২ করিন্হীয় 5:13

যুনি আমি পাগল্ ওই যেই সালে সিয়েন গোজেনত্যে ওইয়্যেই, আর যুনি গম্ মনে থেই সালে সিয়েন তমাত্যে আঘিই।

২ করিন্হীয় 7:14

মুই হুজী ওইয়োং, কিয়া তমারে নিইনে মুই তা ইধু দেমাগ্ দেগেয়োং, আর সিয়েনত্ মত্তুন্ লাজত্ পড়া ন-পরে। সিয়েনর্ বদলে তমা ইধু কোইয়্যে আমার বেক্‌ কধানি যেধোক্ক্যেন্ সত্য এলঅ, সেধোক্ক্যেন গুরি তীত ইধু তমারে নিইনে আমার্ দেমাগ্-অ সত্য বিলিনে প্রমাণ ওইয়্যে।