২ করিন্হীয় 12:21 - Chakma Bible

²¹ মত্তুন্ দর্ লাগেত্তে, মুই যেক্কে আরঅ তমা ইধু যেম্ সেক্কে মঅ গোজেনে তমা মুজুঙোত্ মরে লাজত্ ফেলেব, আর যিগুনে আগে পাপ গোজ্জ্যন্ অদচ তারার্ অসিজিগানি, বেভিচের্ আর জঘন্য কামত্তুন্ মনানি ন-ফিরেন্, তারার্ বেক্কুনোত্যে মুই দুঘ্ পেম্।

২ করিন্হীয় 12:21 ပူးပေါင်းရင်းမြစ်များ

ইষ্রা 10:1

ইষ্রা যেক্কে গোজেন ঘর মুজুঙোত্ উবোত্ পুন্দুরী ওইনে তবনা গরের্ আর পাপ স্বীগের্ গরের্ আর কানের্ সেক্কে ইস্রায়েলীয়গুনোর মরদ্, মিলে আর পুয়ো-ঝিগুনোর এক্কো দাঙর্ দল তাইধু এগত্তর্ ওইয়োন। তারায়ো অমকদ কান্নোন্।

ইষ্রা 9:3

এ কধাগান শুনিনে মুই মনত্ দুঘে মর্ উজ্যে কাবড়ানি ফাদি ফেলেলুং আর মর্ মাঢাবো চুলানি আর দাড়িগানি ছিনিনে আমক্ ওইনে বোই রলুং।

গীতসংহিতা 119:136

মঅ চোগো পানিগান গঙার ধোক্ক্যেন বেঈ যার্, কিত্তে মান্‌জ্যে তঅ উগুমান ন-মানন্।

যাত্রা 32:31

মোশি লগেপ্রভু ইদু ফিরি যেইনে কলগোই, “হায় লগেপ্রভু! এই মানুচ্চুনে অমহদ পাপ গুরি ফেল্যন্‌। তারা নিজোত্তেই সনার্‌ দেব-দেবেদা বানেই নেযেয়োন।”

যিরমিয় 13:17

তুমি যুনি কধা ন-শুনো সালে তমা বাড়্‌বোগানত্তে মুই গুমুরে গুমুরে কানিম্, জদবদে কানিম্ আর মঅ চোগ্‌কুন চোগো পানিয়ে ভাজি যেবাক্, কিত্তে লগেপ্রভুর মানুচ্চুনোরে বন্দী গুরি নেযা অবঅ।‌‍‍‍

যিরমিয় 9:1

হায়, মঅ মাঢাবো যুনি পানির ঝুর্‌ঝুরি অদঅ, আর মঅ চোগ্‌কো অদঅ পানির পয়নালা! সালে মঅ জাদর্ যে মানুচ্চুনোরে মারে ফেলা ওইয়্যে তারাত্তে মুই দিনে রেদে কানিদুং।‌‌‌

রোমীয় 13:13

রঅ ছাড়িনে মদ হানা আর মাত্তল্ ওইনে নয়, সিনেলী আর যাগুলুক্যে জিংকানিত্ নয়, কোল্-কোজ্যে আর ইংসেলোই নয়, মাত্তর্ যিগুনে দিনো পহ্‌রত্ আঢাউদো গরন্, এজঅ, আমি তারা ধোক্ক্যেন্ গমেডালে জিংকানি কাদেই।

১ করিন্হীয় 5:1

শুনো যাত্তে, তমা ইধু সিনেলীর্ পাপ আঘে, আর সেই সিনেলীগান এদক্ বেশ্ ওইয়্যেদে, অযিহূদীগুনেয়ো সিয়েনি ন-গরন্। এন্‌ কি, একজনে তার্ সাদাঙা মাবোরে নিজো মোগো ধোক্ক্যেন গুরি থোইয়্যে।

২ করিন্হীয় 10:6

যেক্কে তুমি পুরোপুরি বাধ্যতায় এবা সেক্কেয়ো যিগুনে অবাধ্য থেবাক্ তারারে আমি সাজা দিবাত্যে যুক্কোল্ অবং।

২ করিন্হীয় 12:7

ভালোক্কানি মইধু ফগদাং ওইয়্যে বিলিনে মুই যেন বাড়্‌বো ন-অং, সেই আজায় মরে দুঘ্ দিবাত্যে মর্ কিয়্যেগানত্ এক্কো কাদা, অত্তাৎ শদানর্ দূত দিয়্যে ওইয়্যে।

২ করিন্হীয় 13:2

দ্বি-বারত্ মুই যেক্কে তমা ইধু এলুং সেক্কে যিগুনে আগে পাপ গোজ্জ্যন্ তারার্ আর অন্য বেক্কুনোরে মুই উজিয়ার্ গোজ্জ্যং। ইক্কিনে মুই আজির্ ন-থেইনেয়ো আরঅ তমারে উজিয়ার্ গুরিনে কঙর্, মুই যেক্কে আরঅ এইম্ সেক্কে কাররে রেহাই ন-দিম,

২ করিন্হীয় 8:24

সেনত্যে কোই, তারা ইধু খুলোমেলা গুরি তমার্ কোচ্‌পানার্ প্রমাণ দুয়ো আর তারারে দেগেয়ো কিত্যে তমারে নিইনে আমি দেমাগ্ গুরিই, যাতে মন্ডলীগুনে সিয়েন দেগন্।

গালাতীয় 5:19

পাপ-খাচ্চ্যদর্ কামানি গমেডালেই দেগা যায়। সিয়েনি অলঅ-সিনেলী, অসিজি, অ-খাচ্চ্যত্,

দ্বি’লম্বর বিররণ 9:15

ইয়েনর্ পরেন্দি মুই মুড়োবোত্তুন্‌ লামি এলুং; সেক্কেয়ো মুড়োবোত্‌ আগুন্‌ জ্বলের, আর মর্‌ আদত্‌ এলদে বেবস্থা লেখ্যে সেই দ্বিবে আরুগ।

দ্বি’লম্বর বিররণ 9:25

লগেপ্রভু তমারে ভস্ত গুরি দিবার্‌ কধা কোইয়্যে বিলিনে মুই সে চোল্লিশ দিন আর চোল্লিশ রেত্‌ সং লগেপ্রভুর মুজুঙোত্‌ আদুপাড়িনে পুড়ি রোইয়োং।

কলসীয় 3:5

সেনত্যে তমা পাপ-খাচ্চ্যদ ভিদিরে যিয়েনি আঘে সিয়েনি ভস্ত গুরি ফেলঅ। সিয়েনত্ আঘেদে নানান্ বাবোত্যে সিনেলী, অসিজি, কুবাসনা, ভান্ন্যেই আওজ্ আর লুভ্ যিয়েনরে এক বাবোত্যে মূত্তি পূজোয়ো কুয়ো অয়।

ইব্রীয় 13:4

পত্তিজনে যেন জড়া সুগুলোং বানানা বেপারান্ সর্মানর্ চোগেদি দেগন্। নেক্-মোগোর্ ভিদিরে জড়া সুগুলোং বানানা বেপারান পবিত্র রাগানা উজিত্, কিয়া যে কনঅ বাবোত্যে পর্‌পাগোল্যে অদঅ সাৎ, যিগুনে সেই দুষে দুষী গোজেনে তারারে সাজা দিবো।

২ পিতর 2:18

তারা বাজে আর দাঙর্ দাঙর্ কধা কন্ আহ্ মান্‌জ্যর পাপ-খাচ্চ্যদর্ কামনাবলা আওজ্‌চান জাগেই তুলিনে তারা এন্‌ মানুচ্চুনোরে ভুল পধেদি নেযান্ যিগুনে অন্যেয় ভিদিরে বজত্তি গুরিয়্যে মানুচ্চুনোত্তুন্ নিগিলি এবার পধত্ এলাক্।

যিহূদা 1:23

আগুনোত্তুন্ তুলি আনিনে অন্যগুনোরে রোক্ষ্যে গরঅ। পাপ-খাচ্চ্যদ্‌‌‌‌তোই যিগুনোর্ জিংকানিগানি কাজর্ ওইয়্যে তারার্ কাবড়ানিয়ো ঈচ্ গরঅ আর নিজোরে উজিয়ারে থোইনে তারারে দোয়্যে গরঅ।

যিহূদা 1:7

সদোম, ঘমোরা আর তারার্ কায়কুরে বেক্‌ শঅরর্ মানুচ্চুনেয়ো ঠিগ তারা ধোক্ক্যেন পর্‌‌‌‌পাগোল্যে, এন্‌ কি, অমকদ পর্‌‌‌‌পাগোল্যে এলাক্। যিগুনে উমরর্ আগুনোত্ পুড়ি যেবার সাজা পেবাক্ ইগুনে সিগুনোর্ চিহ্নো ওই আঘন্।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।

ফগদাং পেইয়্যে 22:20

যিবে ইয়েনি পৌইদ্যেনে সাক্ষ্য দের্ তে কত্তে, “ঘেচ্চেকগুরি মুই যাদিমাদি এজঙর্।” আমেন। প্রভু যীশু, আয়।

১ শমূয়েল 15:35

শমূয়েলে যেদকদিন বাঁজি এলঅ সেদকদিন তে শৌল সমারে আর দেগা ন-গরে। ইস্রায়েলীয়গুনো উগুরে শৌলরে রাজা গরানাগান লগেপ্রভুর দুঘোর্ বেপার ওইয়্যে বিলি শমূয়েলে তাত্তে দুঃখো গুরিলো।