২ করিন্হীয় 12:20 - Chakma Bible

²⁰ মত্তুন্ দর্ লাগের্, মুই যেক্কে তমা ইধু এম্ সেক্কে মুই তমারে যেধোক্ক্যেন দেগিবাত্যে চাং অয়ত সেধোক্ক্যেন্ ন-দেগিম্, আর তুমিয়ো মরে যেধোক্ক্যেন্ দেগিবাত্যে চঅ সেধোক্ক্যেন ন-দেগিবা। মত্তুন্ দর্ লাগেত্তে, তমা ভিদিরে কোল্-কোজ্যে, ইংসে, মেজাজ দেগানা, দলাদুলি, নিন্দে, পর কধালোই তেম্মাং, বাড়্ গরানা আর ঝাগুলুগ্ থেবঅ।

২ করিন্হীয় 12:20 ပူးပေါင်းရင်းမြစ်များ

গীতসংহিতা 41:7

যিগুনে মরে ঘিনেন্ তারা মঅ বিরুদ্ধে কানাকুদি গরন্ আর মরে ক্ষোতি গুরিবার চিন্তে গরন্।

গম্ উপদেজ্ 16:28

যে মানুচ্চো কুজুরো তে কোল্-কোজ্যে বাজায়, আর যে মানুচ্চো ইংসে-নিন্দে গরে তে দাংগুত্ব ভাঙি ফেলায়।

রোমীয় 1:29

নানান্ বাবোত্যে অন্যেয়, ভান্ন্যেই, লুভ্, নীচুতা, ইংসে, খুন্, মারামারি, ছলনা আর অন্যরে ক্ষতি গুরিবার আয়োজে তারা যুক্কোল্।

রোমীয় 1:30

অন্যরে নিন্দে গরন্ আর গোজেনরে ঘিনান্। তারা রগ্‌‌‌চদা, বার্‌বো আর দেমাগ্। অন্যেয় কাম্ গুরিবাত্তে তারা নুয়ো নুয়ো ফন্দি বার্ গরন্। তারা মা-বাবর্ উল্লো,

রোমীয় 2:8

মাত্তর্ যিগুনে নিজো আওজ্ মজিম চলন্ আর সত্যগানরে ন-মানিনে অন্যেয়ানরে মানি চলন্ গোজেনে তারারে জদবদে সাজা দিবো।

১ করিন্হীয় 1:11

মর্ ভেইয়ুন, তমা পৌইদ্যেনে ক্লোয়ীর ঘরর্ মানুচ্চুনো ইধু এ হবরান্ পেলুং, তমা ভিদিরে কোল্-কোজ্জ্যে আঘে।

১ করিন্হীয় 14:33

গোজেনে বিশৃঙ্খলার গোজেন নয়, তে শান্তির্ গোজেন। গোজেন মানুচ্চুনোর্ বেক্ মন্ডলীগুনোত্ যেবাবোত্যে ওই থায়,

১ করিন্হীয় 5:2

আর ইয়েনর্ পরেদিয়ো তুমি দেমাগ্ গরর্! ইয়েনত্তুন্ কি তমার্ দুঘ্ গরানা আর যে এ কামান গোজ্জ্যে তারে তমাত্তুন্ নিগিলেই দেনা কি উচিত্ ন-এলঅ?

২ করিন্হীয় 1:23

মঅ জিংকানিগানর্ নাঙে শমক্ হেইনে মুই গোজেনরে সাক্ষী রাগেইনে কঙর্, সাজাত্তুন্ তমারে রেহাই দিবাত্যে মুই করিন্থ শঅরত্ ফিরি ন-যাং।

২ করিন্হীয় 10:2

যিগুনে মনে গরন্ আমি সাধারন মান্‌জ্য ধোক্ক্যেন জিংকানি কাদের্, তারার্ বিরুদ্ধে যেত্তমান সাহস্ দেগানা মুই দরকার্ বিলিনে মনে গরং, মুই চাংগে যেন মুই এজানার্ পরেদি সেত্তমান্ সাহচ্‌ মত্তুন্ দেগা ন-পরে।

২ করিন্হীয় 10:6

যেক্কে তুমি পুরোপুরি বাধ্যতায় এবা সেক্কেয়ো যিগুনে অবাধ্য থেবাক্ তারারে আমি সাজা দিবাত্যে যুক্কোল্ অবং।

২ করিন্হীয় 12:21

মত্তুন্ দর্ লাগেত্তে, মুই যেক্কে আরঅ তমা ইধু যেম্ সেক্কে মঅ গোজেনে তমা মুজুঙোত্ মরে লাজত্ ফেলেব, আর যিগুনে আগে পাপ গোজ্জ্যন্ অদচ তারার্ অসিজিগানি, বেভিচের্ আর জঘন্য কামত্তুন্ মনানি ন-ফিরেন্, তারার্ বেক্কুনোত্যে মুই দুঘ্ পেম্।

২ করিন্হীয় 13:2

দ্বি-বারত্ মুই যেক্কে তমা ইধু এলুং সেক্কে যিগুনে আগে পাপ গোজ্জ্যন্ তারার্ আর অন্য বেক্কুনোরে মুই উজিয়ার্ গোজ্জ্যং। ইক্কিনে মুই আজির্ ন-থেইনেয়ো আরঅ তমারে উজিয়ার্ গুরিনে কঙর্, মুই যেক্কে আরঅ এইম্ সেক্কে কাররে রেহাই ন-দিম,

২ করিন্হীয় 2:1

সেনত্যে মুই মনে মনে ঠিগ্ গুরিলুং, আরঅ তমারে দুঘ্ দিবাত্যে তমা ইধু ন-যেম্,

গালাতীয় 5:15

মাত্তর্ যুনি তুমি একজন আরেকজন সমারে কোল্-কোজ্জ্যে গরঅ সালে উজিয়ার্! এবাবোত্যে গুরিলে তুমি দঅ একজন আরেকজনরে ভস্ত গুরি ফেলেবা।

গালাতীয় 5:26

আমি যেন মিজে মিজে দেমাগ্ ন-গুরিই আর একজন আরেক জনরে কাঙেলেত্যে আর ইংসে ন-গুরিই।

যাকোব 4:11

ভেইলগ্, তুমি একজন আরেকজনরে নিন্দে ন-গোজ্জ্য। যে কেঅ ভেইয়ো বিরুদ্ধে কধা কয় বা ভেইয়ো দুষ্ তগায় তে রীদি-সুদোম বিরুদ্ধে কধা কয় আর রীদি-সুদোমর্ দুষ্ তোগেইনে বেড়ায়। যুনি তুই রীদি-সুদোমর্ দুষ্ তোগেইনে বেড়াচ্ সালে দঅ তুই সিয়েন ন-পালর্ বরং সিয়েনর বিচের গরর্।

১ পিতর 2:1

ইয়েনত্যে অন্যগুনোরে ক্ষতি গুরিবার নানান্ বাবোত্যে আওজ্‌, নানান্ বাবোত্যে ছলনা, ভন্ডামি, ইংসে আর নানান্ বাবোত্যে বদ্‌নাঙর্ কধাবাত্তা তমা মন ভিদিরেত্তুন্ নিগিলেই দুয়ো।

২ পিতর 2:18

তারা বাজে আর দাঙর্ দাঙর্ কধা কন্ আহ্ মান্‌জ্যর পাপ-খাচ্চ্যদর্ কামনাবলা আওজ্‌চান জাগেই তুলিনে তারা এন্‌ মানুচ্চুনোরে ভুল পধেদি নেযান্ যিগুনে অন্যেয় ভিদিরে বজত্তি গুরিয়্যে মানুচ্চুনোত্তুন্ নিগিলি এবার পধত্ এলাক্।

যিহূদা 1:16

এবাবোত্যে মানুচ্চুনে আমিঝে বেজারর্ ভাব দেগান, নিজোর ভাগ্যগানরে দুষ্ দুয়োন আর মনর্ আওজ মজিম আঢাউদো গরন্। তারা নিজোরে নিইনে দেমাগ্ গরন আর লাভত্যে মানুচ্চুনোরে উচ্চোমি দৈন্।