২ করিন্হীয় 12:2 - Chakma Bible

² খ্রীষ্ট বিশ্বেজি এক্কো মান্‌জ্যরে মুই চিনোং। চৌদ্দ বজর্ আগে স্বর্গ সং তারে তুলি নেযা ওইয়্যে। সেক্কে তে তার্ কিয়্যেদি এলঅ কি ন-এলঅ সিয়েন মুই কোই ন-পারং, গোজেনে কোই পারে।

২ করিন্হীয় 12:2 ပူးပေါင်းရင်းမြစ်များ

১ রাজাবলী 18:12

মুই তরে ফেলেই গেলে লগেপ্রভুর আত্মাগান্‌ তরে অন্য কন্‌ জাগাত্‌ নেযেব যিয়েন্‌ মুই হ্‌বর ন-পাং। মুই যেইনে আহাবরে কনার্‌ পরেন্দি যুনি তে তরে তোগেইনে ন-পাই সালে তে মরে মারে ফেলেব। মাত্তর্‌ চিগনত্তুন্‌ ধুরি তঅ চাগর্‌ মুই লগেপ্রভুরে ভোক্তি গুরিনে দোরেনেই এজঙর্‌।

১ রাজাবলী 8:27

মাত্তর্‌ হামাক্কাই কি গোজেনে পিত্‌‌থিমীত্‌ বজত্তি গুরিবো? দেবাবোত্‌, এন্‌ কি, দেবাবোর্‌ বেক্‌ জাগানিত্‌ যেক্কে তঅ জাগায়ান্‌ নকুলেয়্যে অয় সেক্কে মর্‌ বানেয়্যে এ ঘরত্‌ কি জাগা অবঅ?

২ রাজাবলী 2:16

“চাহ্, আমি ইয়োত্‌ তর্‌ পঞ্চাশজন বোলী চাগর্‌ আগিই; আমি যেইনে তঅ গিরোজ্‌সোরে তোগেই চেই। লগেপ্রভুর আত্মাগানে অয়ত তারে তুলি নেযেইনে কনঅ মুড়ো-মুড়িত্‌ বা কনঅ কিজিঙোত্‌ লামে রাগেয়্যে।” ইলীশায় কলঅ, “না, নঅ-যেয়ো।”

গীতসংহিতা 148:4

ও স্বর্গগান্, তারে নাঙ্ গিন্; ও আগাজ উগুরে পানিগান, তারে নাঙ্ গিন্।

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

যিহিষ্কেল 11:24

সে পরেদি গোজেনর আত্মাগানে মরে তুলি নিলো আর তার দিয়্যে দর্শনর ভিদিরেদি আরঅ বাবিলোত্ বন্দীগুনো ইধু নেযেল। যে দর্শনান্ মুই দেখ্যং ইয়েনর পরেদি সিয়েন শেজ্ ওই গেলঅ।

যিহিষ্কেল 43:5

সেক্কে লগেপ্রভুর আত্মাগানে মরে তুলিনে ভিদিরে উদোনত্ নেযেল, আর লগেপ্রভুর মহিমালোই উবোসনা-ঘরান ভুরি গেলঅ।

লূকে লেখ্যে গম্ হবর্ 24:51

বর্ দেদে দেদে তে তারারে ফেলেই গেলঅ আর তারে স্বর্গত্ তুলি নেযা অলঅ।

যোহন 6:56

যে মর্ য়েরাগান্ আর লো-গান্ খায় তে মঅ ভিদিরে থায় আর মুইয়ো তা ভিদিরে থাং।

প্রেরিত্‌ 14:6

মাত্তর্ পৌল আর বার্ণবা সিয়েন কোই পারিনে লুকায়নিয়া রেজ্য ভিদিরে লুস্ত্রা আর দর্বী শঅরত্ আর তার্ কায়-কুরে জাগানিত্ ধেই ধেই বেড়া ধুরিলাক্।

প্রেরিত্‌ 22:17

যেরেদি মুই যিরূশালেমত্ ফিরি এইনে যেক্কে একদিন উবোসনা-ঘরত্ তবনা গরঙর্ সেক্কে মুই এক্কান্ দর্শন পেলুং।

রোমীয় 16:10

খ্রীষ্টর মানুচ্‌ ইজেবে তারে চাগি চাহ্ ওইয়্যে।

রোমীয় 16:3

প্রিষ্কিল্লা আর আকিলারে মর্ ভালেদি জানেয়ো। তারা খ্রীষ্ট যীশু কামত্ মঅ সমারে দুঘ্ গোজ্জ্যন্।

রোমীয় 16:7

তারা মঅ ধোক্ক্যেন যিহূদী আর মর্ সমারে তারায়ো জেলোত্ বন্দী এলাক্। প্রচারগ্‌কুনো ভিদিরে তারা ভারী সর্মানি মানুচ্। তারা মঅ আগেদি খ্রীষ্ট উগুরে বিশ্বেজ্ গোজ্জ্যন্।

রোমীয় 16:9

উর্বাণ, যিবে আমা লগে খ্রীষ্টত্যে কাম্ গরে, তারে আর মর্ পরাণর্ দাংগু স্তাখিসরে ভালেদি জানেয়ো। আপিল্লিস্‌রে ভালেদি জানেয়ো।

রোমীয় 8:1

যিগুনে খ্রীষ্ট যীশু সমারে মিজেয়োন্ গোজেনে তারারে আর সাজা দেদে ধোক্ক্যেন্ মনে ন-গুরিবো।

১ করিন্হীয় 1:30

যীশু খ্রীষ্ট সমারে যে তুমি এগত্তর্ গুরি আঘ সিয়েন গোজেনত্তুন্ ওইয়্যে। যীশু খ্রীষ্ট আমা ইধু গোজেনর্ দিয়্যে জ্ঞান; তেয়ই আমার নিদ্দুজি, পবিত্র আর উদ্ধোর্।

২ করিন্হীয় 11:11

কিত্যে মুই এ কধাগান্ কঙর্? তমারে কোচ্‌ ন-পাং বিলিনে না কি? গোজেনে কোই পারেদে যে, মুই তমারে কোচ্‌পাং।

২ করিন্হীয় 13:5

তুমি নিজোরে পোরোক্ষ্যে গুরি চঅ তুমি ঘেচ্চ্যেক্ গুরি খ্রীষ্টরে বিশ্বেজ্ গোজ্জ্য নাকি। তুমি নিজোরে তোলেই চঅ। তুমি কি ন-বুঝো, খ্রীষ্ট যীশু তমা রিবেঙত্ আঘে? খালিক্ তোলেই চানার্ পরেদি তুমি যুনি ভেজাল্যে বিলিনে ধরা ন-পরঅ।

২ করিন্হীয় 5:17

যুনি কেঅ খ্রীষ্ট সমারে মিজেই থায় সালে তে নুয়ো গুরিনে সৃট্টি অলঅ। তার্ পুরোণি বেক্কানি ভুলি যেইনে বেক্কানি নুয়ো ওই উত্ত্যে।

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

গালাতীয় 1:22

যিহূদিয়ার খ্রীষ্টীয় মন্ডলীগুনে মরে ন-চিনিদাক্।

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

ইফিষীয় 4:10

যিবে লাম্মেগোই তে বেক্কানি পূরোণ গুরিবাত্যে আরঅ আগাজত্তুন্অ বোউত্ উগুরে উঠ্যেগোই।

দ্বি’লম্বর বিররণ 10:14

আগাজ্‌ছান আর তা উগুরে বেক্কানি আর পিত্‌থিমীগান আহ্‌ তার্‌ ভিদিরে বেক্কানিই তমার গোজেন লগেপ্রভুর।

১ থিষলনীকীয় 4:17

সে পরেদি আমি যিগুনে জেদা আর বাগী থেবং, আমারেয়ো আগজত্ প্রভু লগে মিজেবাত্যে তারা সমারে মেঘ ভিদিরে তুলি নেযা অবঅ। আর এবাবোত্যেগুরি আমি উমরত্যে প্রভু সমারে থেবং।

ইব্রীয় 4:14

সেনত্যে এজঅ, আমি খুলোমেলা গুরি গোজেনর্ পুয়ো যীশু খ্রীষ্ট উগুরে আমা বিশ্বেজ্‌‌চান স্বীগের্ গুরি যেই, কিয়া তেয়ই আমার দাঙর্ ধর্মগুরু যিবে স্বর্গত যেইনে ইক্কিনে গোজেন মুজুঙোত্ আঘে।

ইব্রীয় 9:24

আজল পবিত্র জাগানর নকল ইজেবে মান্‌জ্য আঢে বানেয়্যে কনঅ পবিত্র জাগানত্ খ্রীষ্ট ন-সমায়, বরং সিয়েনর্ বদলে তে স্বর্গত্ সোমেয়্যে যেনে তে আমার্ ওইনে গোজেন মুজুঙোত্ ইক্কিনে আঝিল্ ওই পারে।

ফগদাং পেইয়্যে 1:10

প্রভুর দিনোত্ পবিত্র আত্মাগানে মরে পরিচালনা গোজ্জ্যে। এন্ সময়োত্ মঅ পিজেদি তূরীর রঅ ধোক্ক্যেন একজনর দাঙর্ রঅ শুনিলুং।

ফগদাং পেইয়্যে 12:5

মিলেবোর এক্কো পুয়ো অলঅ। সেই পুয়োবো লুয়ো লুদিক্কোই বেক্ জাদ্‌তুনোরে শাসন গুরিবো। সেই পুয়োবোরে গোজেনে আর তা সিংহাসন ইধু তুলি নেযা অলঅ,

ফগদাং পেইয়্যে 4:2

আর সেলক্কে মুই পবিত্র আত্মার চালে স্বর্গত্ এক্কান সিংহাসন দেগিলুং। মুই দেগিলুং, সেই সিংহাসনত্ একজন বৈ আঘে।