২ করিন্হীয় 12:15 - Chakma Bible

¹⁵ মুই অমকদ হুজি ওইনে তমাত্যে বেক্কানি খরচ্ গুরিম আর নিজোরেয়ো দি দিম্। যুনি মুই তমারে বেশ্ কোচ্‌পাং সালে কি তুমি মরে কম্ কোচ্‌পেবা?

২ করিন্হীয় 12:15 ပူးပေါင်းရင်းမြစ်များ

২ শমূয়েল 13:39

তাইদু যেবাত্তে রাজা দায়ূদোর খুব আওজ্‌ অলঅ, কিত্যে অম্নোনর মরাণার পৌইদ্যেনে রাজার্ মনান্ বুঝ্ পেইয়্যে।

২ শমূয়েল 18:33

এ কধাগান শুনিনে রাজা মনত্ দুঘ্ পেলঅ। তে গেদো উগুরে ঘরানত্‌ যেইনে কানা ধুরিলো। তে এ কধাগান কোই কোই গেলঅ, “হায়, মঅ পূঅবো অবশালোম, মঅ পূঅবো, মঅ পূঅবো অবশালোম! তঅ বদলে যুনি মুই মুরি পারিদুং! হায়, অবশালোম, মঅ পূঅবো, মঅ পূঅবো!”

রোমীয় 9:3

মঅ ভেইয়ুনো বদলে, অত্তাৎ যিগুনে মঅ জাদর্ মানুচ্‌ তারার্ বদলে যুনি সম্ভব অদঅ সালে মুই নিজেই খ্রীষ্ট কায়-কুরেত্তুন দূর্ ওই যেবার্ অভিশাব্ মানি লোদুং।

২ করিন্হীয় 1:14

মুই এ আজাগান্ গরং, তুমি যেবাবোত্যে গুরি কিজু আমারে বুঝি পাজ্জ্য, সেবাবোত্যে গুরি পুরোপুরি বুঝি পারিবা যে, প্রভু যীশুর্ এবার্ দিনোত্ তুমি যেবাবোত্যে গুরি আমার্ দেমাগ বিষয় অবা সেবাবোত্যে আমিয়ো তমাত্যেই বাড়্ গুরি পারিবোং।

২ করিন্হীয় 1:6

আমি যে দুঘ্ ভুগ্ গুরির্ সিয়েনি তমার সান্তনা আর উদ্ধোর নাঙেই গুরির্। আমি যে সান্তনা পেই সিয়েনি তমার্ সান্তনার্ নাঙে পেই। যেক্কে তুমি আমা ধোক্ক্যেন গুরি একই দুঘ্ ভোগ্ গুরিবে সেক্কে এ সান্তনাগান সেই দুঘ্‌‌কানি সমারে সোজ্জ্য গত্তে সাহায্য গুরিবো।

২ করিন্হীয় 11:11

কিত্যে মুই এ কধাগান্ কঙর্? তমারে কোচ্‌ ন-পাং বিলিনে না কি? গোজেনে কোই পারেদে যে, মুই তমারে কোচ্‌পাং।

২ করিন্হীয় 12:14

মুই ইক্কিনে এই তিন বার তমা ইধু যেবাত্যে যুক্কোল্ ওই আঘং। মুই তমার্ লবাদোস্যে ন-ওম্, কিয়া মুই তমার্ কনঅ কিজু পেবাত্যে ন-চাং, তমারে পেবাত্যে চাং। পুয়ো-ছাগুনে যে তারার্ মা-বাবত্যে টেঙা-পৌইজ্যে জোমেবাক্ সিয়েন নয়, বরং পুয়ো-ছাগুনোত্যে টেঙা-পৌইজ্যে থুবোনা মা-বাব্‌পুনোর্ উচিত।

২ করিন্হীয় 12:9

মাত্তর্ তে মরে কোইয়্যেদে, “মর্ দোয়্যেগান্ তর্ পক্ষে যদেষ্ট; কিয়া বল্‌পোজ্জ্যেগানর্ মাধ্যমে মর্ বলান্ পুরোপুরি গুরিনে ফগদাং অয়।” সেনত্যে মর্ বল্‌গোজ্জ্যেগান পৌইদ্যেনে মুই অমকদ হুজি ওইনে বাড়্ গুরিম, যেন খ্রীষ্টর্ খেমতাগান্ মঅ উগুরে থায়।

২ করিন্হীয় 2:3

যেক্কে মুই যেম্ সেক্কে যিগুনোত্তুন্ মর্ হুজি পেবার্ কধা সিগুনোত্তুন্ মুই যেন দুঘ্ ন-পাং, সেনত্যে মুই এ কধাগান্ লেখ্যং। তমা উগুরে মর্ এ বিশ্বেজ্‌‌‌চান আঘে যে, মুই যিয়েনত্ হুজি পাং তুমিয়ো সিয়েনত্ হুজি পঅ।

২ করিন্হীয় 4:12

সেনত্যে আমা ভিদিরে মরণানে কাম্ গরের্ মাত্তর্ তমা ভিদিরে জিংকানিগানে কাম্ গরের্।

২ করিন্হীয় 7:2

তমা মনত্ আমাত্যে জাগা গরঅ। আমি দঅ কারঅ উগুরে অন্যেয় ন-গুরিই, কারর্ ক্ষোতি ন-গুরিই আর কাররে ন-থোগেই।

২ করিন্হীয় 7:3

খালিক্ এ কধাগান্ মুই তমারে দুষি গুরিবাত্যে ন-কঙর্। মুই দঅ আগেদি কোইয়োং, তুমি আমা ইধু এদক্ কোচ্‌পেইয়্যে যে, আমি তমা সমারে মুরিবাত্যেয়ো রাজী, বাঁজিবাত্যেয়ো রাজী।

গালাতীয় 4:10

তুমি বিশেষ বিশেষ দিন, মাস, ঋতু আর বজর্ পালন গরর্!

ফিলিপীয় 2:17

যে বিশ্বেজর্ উৎসর্বলোই তুমি গোজেনর্ সেবা গরর্ সিয়েন উগুরে যুনি মঅ লোগান উৎসর্ব ইজেবে ঢালি দিয়্যে অয় তো মুই সুগী আর তমা লগে হুজী।

কলসীয় 1:24

মুই তমাত্যে যে দুঘ্ ভুগোঙর্ সিয়েনত্যে মুই হুজি। খ্রীষ্টর্ কিয়্যেগানর্, অত্তাৎ মন্ডলীত্যে তার্ যে দুঘোত্ ভুগোনা এজঅ বাগী আঘে সিয়েন মুই মঅ কিয়্যেগান্দোই পূরেই দুয়োং।

১ থিষলনীকীয় 2:8

তমা উগুরে গভীন মেয়্যে-মমতা থানায় তমারে বানা গোজেনর্ গম হবর্ দিবাত্যে নয়, তমাত্যে নিজো পরাণান্অ দিবাত্যে আমি রাজী এলং, কিয়া আমা ইধু তুমি ভারী পরাণর্।

২ তীমথিয় 2:10

সেনত্যে গোজেনে যিগুনোরে বেঈ লোইয়্যে সিগুনোত্যে মুই বেক্কানি সোজ্জ্য গরঙর্, যেন তারায়ো খ্রীষ্ট যীশুলোই পাপত্তুন্ উদ্ধোর পান্ আর উমরর্ মহিমা লাভ গরন।

ইব্রীয় 13:17

তমা নেতাগুনোর্ কধানি মানি চোল্ল্য আর তারার্ বাধ্য ওইয়ো, কিয়া যিগুনে গোজেন ইধু ইজেব দিবাক্ সেবাবোত্যে মানুচ্‌ ইজেবে দঅ তারা তমারে দেগাশুনো গরন্। তারার্ বাধ্য ওইয়ো যেনে তারা তারার্ কামানি হুজি গুরিনে গুরি পারন, দুঘ্ পেইনে নয়। যুনি দুঘ্ পেইনে গরা পরে সালে সিয়েনত্যে তমার কনঅ লাভ্ ন-অবঅ।