২ করিন্হীয় 12:14 - Chakma Bible

¹⁴ মুই ইক্কিনে এই তিন বার তমা ইধু যেবাত্যে যুক্কোল্ ওই আঘং। মুই তমার্ লবাদোস্যে ন-ওম্, কিয়া মুই তমার্ কনঅ কিজু পেবাত্যে ন-চাং, তমারে পেবাত্যে চাং। পুয়ো-ছাগুনে যে তারার্ মা-বাবত্যে টেঙা-পৌইজ্যে জোমেবাক্ সিয়েন নয়, বরং পুয়ো-ছাগুনোত্যে টেঙা-পৌইজ্যে থুবোনা মা-বাব্‌পুনোর্ উচিত।

২ করিন্হীয় 12:14 ပူးပေါင်းရင်းမြစ်များ

গম্ উপদেজ্ 11:30

গোজেন ভক্ত মানুচ্ অন্যগুনো ইদু জিংকানি গাজ ধোক্ক্যেন্; যে অন্যগুনোর মনানি জিদি লয় তে জ্ঞানি।

গম্ উপদেজ্ 13:22

গম্ মান্‌জ্যে তা নাদিন-পুদিনুনোত্তে অধিকার থোই যায়, মাত্তর্ পাপীগুনো ধনানি গোজেন ভক্তগুনোত্তে থুবো অয়।

গম্ উপদেজ্ 19:14

ঘর-সংসার আর ধন বাবত্তুন্ পাহ্ যায়, মাত্তর্ বুদ্ধিবলা মোগ্ পাহ্ যায় লগেপ্রভু ইত্তুন্।

যিহিষ্কেল 34:2

ও মান্‌‌‌‌‌‌‌জ্যর পুয়োবো, ইস্রায়েলর পালক্কুনো বিরুদ্ধে তুই ভাববাদী ইজেবে এ কধাগান কঅ, প্রভু লগেপ্রভু কোইয়্যেদে, অভিশাব্ পোড়োক্, ইস্রায়েলর সেই পালক্কুনোর, যিগুনে বানা নিজোর্ দেগাশুনো গরন্! ভেড়াপালর দেগাশুনো গরানা কি পালক্কুনোর্ উজিত্ নয়?

প্রেরিত্‌ 20:33

কারঅ সনা, রূবো বা কাবড়-চুগোর উগুরে মুই লুভ্ ন-গরং।

১ করিন্হীয় 10:24

কেঅ তার নিজোর্ মংগল চেষ্টা ন-গোরোক্ বরং পত্তিজনে অন্যর্ মংগল চেষ্টা গোরোক্।

১ করিন্হীয় 11:34

যুনি কারঅ পেট পুরে সালে তে ঘরত্তুন্ হেই এজোক্, যেন মন্ডলী ইজেবে এক জাগাত এগত্তর্ অনার্ ফলে সাজা ন-পেই। অন্য বেক্কানি পৌইদ্যেনে মুই যেক্কে এম্ সেক্কে উপদেচ্‌ দিম্।

১ করিন্হীয় 16:5

ম্যাসিডোনিয়া রেজ্যন্দি গুরি মুই তমা ইধু এম্, কিয়া মুই ম্যাসিডোনিয়া ভিদিরেদি যেম্।

১ করিন্হীয় 4:19

মাত্তর্ প্রভুর আওজ্ অলে মুই সবরে তমা ইধু এম্। যিগুনে দেমাগে ফুলি উত্ত্যন্ তারার কধাবাত্তানি শুনিবাত্যে ন-এম্, মাত্তর্ তারার্ খেমতাগান কত্তমান সিয়েন চেবাত্যে এম্।

১ করিন্হীয় 9:12

এ পৌইদ্যেনে তমা উগুরে যুনি অন্যগুনোর্ দাবি থায় সালে আমার্ কি সিয়েন আরঅ বেশ্ গুরি ন-থেবঅ? মাত্তর্ আমি সেই দাবিগান কামত্ ন-লাগেই বরং বেক্কানি সোজ্জ্য গুরির্, যেন খ্রীষ্ট পৌইদ্যেনে গম্ হবর্ প্রচার পধত্ আমি কনঅ কাঙেলেত্যে ন-ওই।

১ করিন্হীয় 9:18

সালে মঅ বক্‌‌শিজ্‌‌চান কি? সেই বক্‌‌শিজ্‌‌চান ইয়েন, মুই যেক্কে গম্ হবর্ প্রচার গরং সেক্কে সিয়েনর্ বদলে মর্ যিয়েন পাওনা আঘে সিয়েন ভোগ্ ন-গুরিনে মাগানা মুই সেই কামান্ গুরি পারং।

১ করিন্হীয় 9:19

যুনিয়ো মুই কারঅ চাগর্ নয় তো মুই নিজোরে বেক্কুনোর্ চাগর্ বানেয়োং, যেন ভালোক্ জনরে খ্রীষ্টত্যে জিদি পারং।

২ করিন্হীয় 1:15

এ কধাগান যে সত্য সিয়েন কোই পারিনে মুই আগেই তমা ইধু যেম্ বিলিনে থিগ্ গোজ্জ্যং, যেন্‌ তুমি দ্বিবার আশিদ্‌বাদ পেই পারঅ।

২ করিন্হীয় 11:9

তমা ইধু থেবার্ অক্তত্ যেক্কে মর্ অভাব ওইয়্যে সেক্কেয়ো মুই কারঅ লবাদোস্যে ন-অং, কিয়া যে ভেইয়ুনে ম্যাসিডোনিয়াত্তুন্ এচ্চ্যন্ সিগুনে মর্ অভাব্‌পান পূরোণ গোজ্জ্যন। কনঅ পৌইদ্যেনে মুই তমার্ কাঙেলেত্যে ন-অং আর ন-য়ো ওম্।

২ করিন্হীয় 12:13

অন্য মন্ডলীত্তুন্ তুমি কনঅ বাবদে চিগোন নয়; বানা এক্কান পৌইদ্যেনে তুমি চিগোন, আর সিয়েন অলঅ ইয়েন, মুই তমার্ লবাদোস্যে ন-অং। এ ভুলানত্যে মরে ক্ষেমা গরঅ।

গালাতীয় 4:19

মর্ পুয়ো-ছাগুন্, যেদক্ বিলোন সং তুমি খ্রীষ্ট ধোক্ক্যেন ন-অ সেদক্ বিলোন সং মুই আরঅ তমাত্যে পুয়ো ফুদোইদ্যে দুঘো ধোক্ক্যেন কষ্টত্ ভুগোঙর্।

ফিলিপীয় 4:1

মর্ ভেইয়ুন, তমারে মুই কোচ্‌পাং আর তমারে রিনি চেবাত্যে চাং। তুমিই মর্ হুজী, মর্ মকুট। তুমি প্রভুর লগে মিজেইনে থির্ থাগঅ।

ফিলিপীয় 4:17

কনঅ বক্‌শিজ্ যে মুই মাগঙর্ সিয়েন নয়, মাত্তর্ মুই এমন্‌ ফলর্ আজা গরঙর্ যিগুন তমা নাঙে জমা অনাত্ থেবঅ।

১ থিষলনীকীয় 2:11

তুমি কোই পারঅ, বাবে যেধোক্ক্যেন নিজো পুয়ো-ছাগুনোরে উচ্চোমি, সান্তনা আর কড়া গুরিনে উগুম দে, আমিয়ো তমারে পত্তিজনরে সিয়েনই দিদোং, যেন গোজেনর্ মানুচ্‌ ইজেবে তুমি গমেডালে চলঅ। গোজেনে তার্ নিজো রেজ্যগানর্ আর তার মহিমার ভাগী অবাত্যে তমারে ডাগের্।

১ থিষলনীকীয় 2:8

তমা উগুরে গভীন মেয়্যে-মমতা থানায় তমারে বানা গোজেনর্ গম হবর্ দিবাত্যে নয়, তমাত্যে নিজো পরাণান্অ দিবাত্যে আমি রাজী এলং, কিয়া আমা ইধু তুমি ভারী পরাণর্।