২ করিন্হীয় 11:6 - Chakma Bible

⁶ যুনিয়ো মুই গমেডালে কধা কোই ন-পারং তো মর্ যদেষ্ট জ্ঞান আঘে আর সিয়েন বেক্কানিন্দি তমা ইধু ফগদাং গোজ্জ্যং।

২ করিন্হীয় 11:6 ပူးပေါင်းရင်းမြစ်များ

১ করিন্হীয় 1:17

খ্রীষ্ট মরে বাপ্তিস্ম দিবাত্যে দি ন-পাধায় বরং গম্ হবর্ প্রচার গুরিবাত্যে দিপাধেয়্যে। সেই গম্ হবরান তে মরে জ্ঞানীগুনোর্ ভাষায় প্রচার গুরিবাত্যে দি ন-পাধায়, যেন খ্রীষ্টর্ ক্রুশোত্ মরণাগান্ খেমতা নেইয়্যে ওই ন-পড়ে।

১ করিন্হীয় 1:21

গোজেনে তার্ নিজোর্ জ্ঞানে থির্ গোজ্জ্যে বিলিনে জগদ্‌তানে তার্ নিজো জ্ঞান্দোই গোজেনরে হবর্ ন-পায়। ইয়েনত্তে গম্ হবরর্ মূর্খতালোই পাপত্তুন্ বিশ্বেজিগুনোরে উদ্ধোর্ গরানা গোজেনে গম্ বিলি মনে গুরিলো।

১ করিন্হীয় 12:8

কাররে কাররে সেই পবিত্র আত্মার্ মাধ্যমে জ্ঞানর্ কধা বা বুদ্ধির্ কধা কবাত্যে দিয়্যে অয়।

১ করিন্হীয় 2:13

আর সে দানানির্ কধা আমি কোই। সিয়েনি কবাত্যে আমি যেদক্কানি কধা বেবহার গুরিই সিয়েনি মান্‌জ্যর্ জ্ঞানত্তুন্ শিক্ষ্যে পেইনে ন-কোই, মাত্তর্ পবিত্র আত্মালোই শিক্ষ্যে পেইনে কোই। আত্মিক সত্য বুঝেবাত্তে আমি আত্মিক কধা বেবহার গুরিই।

২ করিন্হীয় 10:10

কনঅ কনঅ মান্‌জ্যে কন্, “তা চিধিয়ানি মনান্ ঝাগেরেই দে আর সিয়েনি খেমতাবলায়ো ঠিগ্, মাত্তর্ তে কায়কুরে থেলে দেগা যায়, তে বল্‌‌নেইয়্যে আর তার্ কধানি শুনেদে ধোক্ক্যেন্ এমন্ কিচ্চু নয়।”

২ করিন্হীয় 12:12

বোউত্ ধৈজ্জ্য ধুরিনে তমা ইধু নানান্ বাবোত্যে মহৎ আর আমক্ অবার্ কাম গুরিনে মুই নিজোরে এক্কো প্রচারক বিলিনে প্রমাণ গোজ্জ্যং।

২ করিন্হীয় 4:2

মান্‌জ্যে গুমুরোত্ যেদক্কানি লাজ্ গরেদে বাবোত্যে কাম্ গরন সিয়েনি আমি এক্কুবারে ন-গুরিই। আমি কনঅ কামত্ ছলনা ন-গুরিই, গোজেন কধানিত্ কনঅ ভুলোর্ ভেজাল্ ন-দিই। আমি বরং গোজেনর্ সত্যগান্ ফগদাং গুরিনে তা মুজুঙোত্ বেক্‌ মানুচ্চুনোর্ বিবেগ ইধু নিজোরে মানি লোইয়্যে বিলিনে তুলি ধুরিই।

২ করিন্হীয় 5:11

প্রভুরে দোরেই বিলিনে আমি নিজো পৌইদ্যেনে মান্‌জ্য মনত্ বিশ্বেজ্ জোর্মেবার চেষ্টা গুরিই। আমি যেবাবোত্যে, সিয়েন দঅ গোজেন ইধু খুলোমেলা আর মুই আজা গরং তমা বিবেগ ইধুয়ো সিয়েন খুলোমেলা।

২ করিন্হীয় 6:6

ইয়েনিবাদে আমার্ গম্ জিংকানিগানিলোই, আমার্ জ্ঞান, সোজ্জ্যগুণ আর দোয়্যেলোই, পবিত্র আত্মালোই, আমার দোল্ কোচ্‌পানালোই,

২ করিন্হীয় 7:2

তমা মনত্ আমাত্যে জাগা গরঅ। আমি দঅ কারঅ উগুরে অন্যেয় ন-গুরিই, কারর্ ক্ষোতি ন-গুরিই আর কাররে ন-থোগেই।

ইফিষীয় 3:4

তুমি সিয়েন পড়িলে বুঝি পারিবা, খ্রীষ্টর্ পৌইদ্যেনে সেই গুমুরো উদ্দেচ্চ্যগান মত্তুন্ বুঝিবার খেমতা আঘে।