২ করিন্হীয় 11:28 - Chakma Bible

²⁸ বারেদি এ বেপারানি বাদেয়ো বেক্ মন্ডলীগুনোত্যে পত্তি দিন মঅ উগুরে চিন্তের্ চাপ্ পরের্।

২ করিন্হীয় 11:28 ပူးပေါင်းရင်းမြစ်များ

প্রেরিত্‌ 15:36

কয়েক দিন বাদে পৌল বার্ণবারে কলঅ, “যেদক্কানি জাগাত্ আমি প্রভুর কধা ফগদাং গোজ্যেই, যেই, ইক্কিনে সেই বেক্‌ জাগানিত্ ফিরি যেইনে বিশ্বেজি ভেইয়ুনো সমারে দেগা গুরিই আর তারা কেধোক্ক্যেন্ আগন্ সিয়েন চেইয়োই।”

প্রেরিত্‌ 18:23

আন্তিয়খিয়াত্ কয়েক দিন কাদানার্ পরেদি তে সিধু লদ্ দিলো আর গালাতিয়া আর ফরুগিয়া রেজ্যর্ এক জাগাত্তুন্ অন্য জাগাত্ ঘুরি ঘুরি শিচ্চ্যগুনোরে বিশ্বেজ্ বাড়েইনে তারারে দরমর গুরিলো।

প্রেরিত্‌ 20:2

ম্যাসিডোনিয়া ভিদিরেদি যেবার্ অক্তত্ তে ভালোক্কানি কধা কোইনে মানুচ্চুনোরে উচ্চোমি তুলি দিলো। পরেদি তে গ্রীস, অত্তাৎ আখায়া রেজ্যত্ যেইনে সিধু তিন মাস সং থেলঅ। সে পরেদি তে জাহাজত্ গুরি সিরিয়া দেজত্ লদ্ দিবার্ আগে হবর্ পেলঅ যিহূদীগুনে তা বিরুদ্ধে কুজুরোমি গত্তন্। সেক্কে তে আরঅ ম্যাসিডোনিয়া ভিদিরেদি ফিরি যানা ঠিগ্ গুরিলো।

প্রেরিত্‌ 9:31

সেক্কে যিহূদিয়া, গালীল আর শমরিয়া রেজ্যর্ মন্ডলীগুনোত্ শান্তি এলঅ, আর সেই মন্ডলীগুন উঠ্যন্। সেনত্তে প্রভু উগুরে ভোক্তি আর পবিত্র আত্মার্ উচ্চোমিলোই তারা জনেদি বাড়দন্।

রোমীয় 1:14

সভ্য-অসভ্য, শিক্ষিত-অশিক্ষিত, বেক্কুনো ইধু মুই বাধ্য।

রোমীয় 11:13

অযিহূদীগুন, মুই তমারে কঙর্, অযিহূদীগুনো ইধু প্রচারক্ ইজেবে মুই মর্ কামানরে ভারী সর্মানর্ চোগেদি দেগঙর্।

রোমীয় 16:4

মঅ পরাণান্ রোক্ষ্যে গুরিবাত্তে যেইনে তারা নিজোরে মরণ মুয়োত ফেল্ল্যন্। বানা মুই নয়, মাত্তর্ বেক্‌ অযিহূদী মন্ডলীগুন্অ তারা ইধু কৃতজ্ঞ।

১ করিন্হীয় 7:17

সেনত্তে, প্রভু যিবেরে যে অবস্থায় থোইয়্যে আর গোজেনে যিবেরে যিয়েনত্তে ডাক্ক্যে, সেই মজিম তে চোলোক্। এ উগুমান মুই বেক্ মন্ডলীগুনোত্ দি থাং। কনঅ চুনু মাঢা কাবা মান্‌জ্যরে কি ডাগা ওইয়্যে? মাত্তর্ সে চুনু মাঢা কাবা চিহ্নোগান্ পুজি ন-ফেলোক্।

কলসীয় 2:1

মুই তমারে জানেবার চাং, তমাত্যে আর লায়দিকেয়া শঅরর্ মন্ডলীর মানুচ্চুনোত্যে, আর যিগুনে মরে ন-দেগন্ তারার্ বেক্কুনোত্যে মুই মনে পরাণে কাম্ গরঙর্।