২ করিন্হীয় 11:27 - Chakma Bible

²⁷ খ্রীষ্টর্ সেবা গুরিবাত্যে যেইনে মুই দুঘোত্অ জদবদে কাম গোজ্জ্যং। মুই ভালোক্ রেত্ জাগি রোইয়োং, পেট পরায় আর পানি তিরেজে দুঘ্ পেইয়োং, উবোস্ থেইয়োং, জারে আর কাবর-চুগরর্ অভাবে দুঘ্ পেইয়োং।

২ করিন্হীয় 11:27 ပူးပေါင်းရင်းမြစ်များ

যিরমিয় 38:9

“ও মর্ প্রভু মহারাজ, এ মানুচ্চুনে ভাববাদী যিরমিয় উগুরে যিয়েনি গোজ্যে সিয়েন অন্যেয়। তারা তারে কূয়োবোত্ ফেলেই দুয়োন; তে সিয়েনত্ পেট্ পরায় মুরি যেবঅ, কিত্তে শঅরত্ আর রুটি নেই।”

মথি লেখ্যে গম্ হবর্ 17:21

তবনা আর উবোস্ বাদে এবাবোত্যে ভুদোরে নিগিলে দি ন-পারে।

প্রেরিত্‌ 14:23

তারা পত্তি মন্ডলীত্ আজল্ নেতাগুনোরে কামত্ অদে অদে লাগেলাক্ আর যে প্রভু উগুরে তারা বিশ্বেজ্ গোজ্জ্যন্, তবনা গুরিনে আর উবোচ্‌ থেইনে সেই প্রভু আঢত্ মন্ডলী মানুচ্চুনোরে তুলি দিলাক্।

প্রেরিত্‌ 20:31

ইয়েনত্তে তুমি উজিয়ার্ থাগঅ। ইদোত্ রাগেবা, তিন বজর্ সং দিন-রেদ্ চোগো পানিলোই মুই তমারে পত্তিজনরে উজিয়ার্ গোজ্জ্যং, কনদিন্অ জুরো গুরি ন-থাগঅ।

১ করিন্হীয় 7:5

একজন আরেকজন সমারে কিয়্যেদি মিজেবাত্তে মানা ন-গোজ্জ্য; মাত্তর্ বানা তবনা গুরিবার্ সুযোগ্ পেবাত্তে একমত ওইনে কিজু সময়োত্তে ফারগ্ থেই পারঅ। সে পরেদি আরঅ একসমারে মিজেয়ো, যেন নিজোরে দমনর্ অভাবে শদানে তমারে পাপ ইন্দি টানি ন-পারে।

২ করিন্হীয় 11:23

তারা কি খ্রীষ্টর্ সেবাগুরিয়্যে? মুই আরঅ বেচ্‌ গুরি সেধোক্ক্যেন। মনত্ রাগেয়ো, মুই মাঢা-খারাব মান্‌জ্য ধোক্ক্যেন কধা কঙর্। খ্রীষ্টর্ সেবা গুরিবাত্যে যেইনে মুই তারাত্তুন্ বোউত্ বেশ্ কাম গোজ্জ্যং, আরঅ ভালোক্ বার জেল্ কাট্ট্যং, আরঅ ভালোক্ বার পিদে খেইয়োং, ভালোক্ বার মরণ মুয়োত্ পোজ্জ্যং।

২ করিন্হীয় 6:5

কদক্ আমারে পিদে ওইয়্যে, কদক্ জেলোত্ দিয়্যে ওইয়্যে, কদক্ দাংগা-হাংগামা আমা উগুরেদি যেয়্যে, কদক্ কাম গোজ্জ্যেই, কদক্ রেত্ আমি ঘুম্ ন-যেইনে কাদেয়্যেই আর কদক্‌‌বার্ ন-হেইনে থেইয়্যেই।

ফিলিপীয় 4:12

অভাব ভিদিরে আর ভারী বেচ্‌ থানার্ ভিদিরে মুই হুজী থেবাত্যে জানং। ভরন পেদে ওক্‌ কি খাল্যে পেদে ওক্‌, ভারী বেচ্‌ থানার্ ভিদিরে ওক্‌ বা অভাব ভিদিরে ওক্‌-কন্ অবস্থাত্ কেধোক্ক্যেন গুরি হুজি থা যায় মুই সিয়েন শিক্ক্যং।

১ থিষলনীকীয় 2:9

ভেইলগ্, আমার কামানি আর দুঘোর্ কধানি খামাক্কায় তমার্ ইদোত আঘে। তমা ইধু গোজেনর্ গম হবরান্ ফগদাং গুরিবার সময় আমি দিন-রেত্ কাম গোজ্জ্যেই, যেনে আমি তমার কারঅ উগুরে কাঙেলেত্যে ন-ওই।

২ থিষলনীকীয় 3:8

দাম ন-দিইনে কারঅ হানা ন-হেই। আমি দিন-রেত্ কাম আর কষ্ট গোজ্জ্যেই যেনে আমি তমার কারঅ কাঙেলেত্যে ন-ওই।

ইব্রীয় 11:37

মান্‌জ্যে তারারে পাত্তর্ মাজ্জ্যন্, আড়ালোই দ্বিকট্টা গুরি কাপ্প্যন্ আর ছুরিলোই খুন্ গোজ্জ্যন। তারা অত্যেচার আর ভান্ন্যেই বেবহার পেইয়োন, আর রাদত্ পড়িনে ভেড়া আর ছাগল চাম্ পিনিনে ঘুরি বেড়েদাক্।