২ করিন্হীয় 11:26 - Chakma Bible

²⁶ মুই বোউত্ দেশ্ ঘুজ্জ্যং। বান্, দাগেত্, নিজো জাদর্ মানুচ্‌ আর অযিহূদীগুনোত্যে মুই দজাত্ পোজ্জ্যং। সিয়েন বাদে শঅরত্, ধূল্যেচর-চাগালাত, সাগরত্ আর ভন্ড ভেইয়ুনো ইধুয়ো মুই দজাত্ পোজ্জ্যং।

২ করিন্হীয় 11:26 ပူးပေါင်းရင်းမြစ်များ

প্রেরিত্‌ 13:45

এদক্ মান্‌জ্যর্ ভীড়্ দেগিনে যিহূদীগুনে ইংসে গুরিলাক্ আর পৌলে যিয়েন কোইয়্যে তা বিরুদ্ধে নানান্ বাবোত্যে কধা কোইনে তারে বদ্‌নাঙ্ গরা ধুরিলাক্।

প্রেরিত্‌ 13:50

মাত্তর্ যিহূদীগুনে গোজেনর্ উবোসনা গুরিয়্যে ভদ্র মিলেগুনোরে আর শঅরর্ আজল্ আজল্ মানুচ্চুনোরে ভেজেই দিলাক্। এবাবোত্যেগুরি তারা পৌল আর বার্ণবা উগুরে অত্যেচার্ গোরেইনে সেই চাগালাত্তুন্ তারারে নিগিলেই দিলাক্।

প্রেরিত্‌ 14:19

পরেদি আন্তিয়খিয়া আর ইকনিয়ত্তুন্ কয়েক্কো যিহূদী এইনে পৌল আর বার্ণবা বিরুদ্ধে মানুচ্চুনোরে ভেজেই দিলাক্। সেক্কে মানুচ্চুনে পৌলরে পাত্তর্ মারিলাক্ আর তে মুরি যেইয়্যে মনে গুরিনে শঅরর্ বারেদি তারে টানি নেযেলাক্।

প্রেরিত্‌ 14:5

সেক্কে অযিহূদী আর যিহূদী এ দ্বি'দলে তারার্ নেতাগুনো সমারে মিলিনে পৌল আর বার্ণবারে অত্যেচার্ গুরিবার আর পাত্তর্ মারিবাত্যে কুজুরোমি গুরিলাক্।

প্রেরিত্‌ 15:40

সেক্কে আন্তিয়খিয়ার ভেইয়ুনে পৌল আর সীলরে প্রভুর্ দোইয়্যের্ আঢত্ তুলি দিলে পরেদি তারা লদ্ দিলাক্।

প্রেরিত্‌ 17:13

থিষলনীকীর্ যিহূদীগুনে যেক্কে শুনিলাক্ পৌলে বিরয়াত্ গোজেনর্ কধা ফগদাং গরের্ সেক্কে তারা সিধুয়ো গেলাক্ আর মানুচ্চুনোরে উচ্চোমি তুলি দিইনে যাগুলুগ্ বাজেই দিলাক্।

প্রেরিত্‌ 17:5

মাত্তর্ যিহূদীগুনে ইংসে গুরিনে বাজারত্তুন্ কয়েক্কো পাজি মানুচ্‌ যগার্ গুরি আনিনে ভীড় জমেলাক্ আর শঅর ভিদিরে যাগুলুগ্ বাজেই দিলাক্। সে পরেদি পৌল আর সীলরে তোগেইনে বারে মানুচ্চুনো ইধু তারারে আনিবাত্যে তারা যাসোন ঘরঅ উগুরে যেন ঝাবেই পড়িলাক্,

প্রেরিত্‌ 18:12

গাল্লিয়ো যেক্কে আখায়া রেজ্যর্ শাসনগুরিয়্যে এলঅ সেক্কে যিহূদীগুনে বেক্কুনে মিলি পৌলরে ধুরিনে বিচেরত্যে কোদোত্ আনিলাক্।

প্রেরিত্‌ 19:1

আপল্লো যেক্কে করিন্থত্ এলঅ সেক্কে পৌলে এশিয়া রেজ্যর্ সংমধ্যেন্দি ইফিষত্ লুমিলো। সিধু তে কয়েক্কো শিচ্চ্যরে দেগা পেইনে তারারে পুযোর্ গুরিলো “তুমি যেক্কে প্রভু যীশু উগুরে বিশ্বেজ্ গোজ্জ্য সেক্কে কি পবিত্র আত্মাগান্ পেইয়ো?” তারা তারে কলাক্, “পবিত্র আত্মাগান্ যে আঘে সে কধাগান্ আমি ন-শুনিই?”

প্রেরিত্‌ 19:23

সেলক্কে যীশুর্ পধ্‌তান পৌইদ্যেনে অমকদ যাগুলুগ্ আরাম্ভ অলঅ।

প্রেরিত্‌ 20:19

যিহূদীগুনোর নানান্ কুজুরোমির্ কারনে মত্তুন্ জদবদে পোরোক্ষ্যেত্ পরা পোজ্জ্যে, মাত্তর্ মুই খুব্ নম্র গুরিনে চোগো পানিলোই প্রভুর্ চাগর্ ওইনে তার্ সেবা গোজ্জ্যং।

প্রেরিত্‌ 23:10

সেই কোল্-কোজ্জ্যেগান্ এদক্ দাঙর্ অলঅ যে, আজল্ সেনাপতিবো দোরেলদে যে যুনি তারা পৌলরে কট্টা কট্টা গুরি ফেলান্। তে সৈন্যগুনোরে উগুম্ দিলো যেন তারা যেইনে মানুচ্চুনো আঢত্তুন্ পৌলরে ছাড়েই আনিনে কেম্পত্ নেযান্।

প্রেরিত্‌ 25:3

তারা ফীষ্টরে ভারী গুরি কোজোলি গুরিলাক্ যেন তে তারা উগুরে দোয়্যে গুরিনে পৌলরে যিরূশালেমত্ পাধায়। ইয়েনর্ কারণান্ ইয়েন, তারা পধত্ লুগি থেইনে পৌলরে খুন্ গুরিবার কুজুরোমি গোজ্জ্যন্।

প্রেরিত্‌ 27:42

সেক্কে সৈন্যগুনে বন্দীগুনোরে মারে ফেলেবাক্ বিলিনে ঠিগ্ গুরিলাক্, যেন তারাত্তুন্ কেঅ সাজুরিনেই ধেই যেই ন-পারন্।

রোমীয় 8:35

সেনত্তে এমন্‌ কি আঘে যিয়েনে খ্রীষ্টর্ কোচ্‌পানাত্তুন্ আমারে দূরোত্ সোরেই দিবো? যন্ত্রণা? মনত্ দুঘ্? অত্যেচার্? পেত্‌ পুরোনা? কাবড়-চুগোড়োর্ অভাব? দযা? মরণ?

১ করিন্হীয় 15:30

আর কিত্ত্যেই বা আমি আমিঝে দজাত্ পুরির্?

১ করিন্হীয় 15:32

ইফিষত্ ঝার্‌বো এ্যামানুনো সমারে মত্তুন্ যে লড়াই গরা পোজ্জ্যে, সিয়েন যুনি বানা জাগতিক্ উদেচ্চ্য নিইনে গুরি থাং, সালে সিয়েনত্ মর্ কি লাভ ওইয়্যে? মরাগুনোরে যুনি জেদা গুরিনে তুলো ন-ওই থায় সালে চলেত্তে কধা মজিম, “এজঅ, আমি হানা-দানা গুরিই, কিয়া কেল্ল্যে দঅ আমি মুরিবোং।” তুমি ভুল্ ন-গোজ্জ্য।

২ করিন্হীয় 11:32

দামেস্কত্ রাজা আরিতার বেঈ লোইয়্যে শাসন গুরিয়্যেবো মরে ধুরিবাত্যে দামেস্কীয়গুনোর্ শঅরান্ চুগি দিবার্ উগুম দিয়্যে।

গালাতীয় 2:4

কয়েক্কো ভন্ড ভেই ভিদিরে ভিদিরে সমানার্ কারনে কধাগান উঠ্যে। খ্রীষ্ট যীশু উগুরে বিশ্বেজি ইজেবে আমার্ যে স্বাধীনতা আঘে সেই স্বাধীনতাগানর্ দুষ্ ধুরিবাত্যে ইগুনে ভিদিরে ভিদিরে সোম্মোন্ যেন আমারে চাগর্ বানেই পারন্।