২ করিন্হীয় 11:20 - Chakma Bible

²⁰ বানা সিয়েন নয়, যুনি কেঅ তমারে চাগর্ বানায়, তমারে বেক্কুনোরে ভস্ত গরে, তমারে ফালত্ ফেলায়, তমার্ গিরোজ্ অয় বা তমারে চুগোড়্ মারে, তুমি সিয়েনিয়ো সোজ্জ্য গরঅ।

২ করিন্হীয় 11:20 ပူးပေါင်းရင်းမြစ်များ

যিশাইয় 50:6

যিগুনে মরে মাজ্যন্ মুই তারা ইদু মঅ পিঠ্‌তান পাদি দুয়োং আর যিগুনে মঅ দাড়িগানি উগুরেয়োন তারা ইদু মঅ গালান্ পাদি দুয়োং। যেক্কে মরে অগমান গরন্ আর মঅ উগুরে সেফ্ ফেলা ওইয়্যে সেক্কে মুই মঅ মুয়োন নাঢি ন-রাগাং।‌

আবিলেচ্ 3:30

যে তারে মাজ্যে তাইদু তে গালান্ পাদি দুয়োক্, নিজোরে অগমান পেবাত্তে দুয়োক্।

মার্ক 12:40

এক কিত্তেদি তারা মানুচ্চুনোরে দেগেবাত্তে লাম্বা লাম্বা তবনা গরন্, অন্য কিত্তেদি রানী মিলেগুনোর সোম্বোত্তিগানি গজক্ গরন্। এ মানুচ্চুনোর বোউত্ বেশ্ সাজা অবঅ।”

লূকে লেখ্যে গম্ হবর্ 6:29

যে তর্ এক গালত্ চুয়োড়্ মারে তারে অন্য গালানত্অ মারিবাত্তে দিস্। যে তর্ কাবরান নিবাত্যে চায় তারে সিলুম্মোয়ো নিবাত্যে দিস্।

১ করিন্হীয় 4:11

ইক্কিনিয়ো আমি পেট পড়ায় আর পানি তিরেজে দুঘ্ পেইর্। আমার্ কাবড়র অভাব আঘে, আমা লগে চিৎ নপুজ্যে বেবহার গরা অর্, আমার ঘর-বাড়ী নেই।

২ করিন্হীয় 1:24

গিরোজ ধোক্ক্যেন গুরি আমি যে তমার্ বিশ্বেজ্ উগুরে আঢ্ দির্ সিয়েন নয়, বরং তুমি যেন হুজী অ সেনত্যে তমা সমারে কাম্ গরঙর্; কিয়া বিশ্বেজে তুমি দরমর গুরি থিয়্যেই আঘঅ।

২ করিন্হীয় 10:5

আমি মান্‌জ্যর্ মিজে যুক্তিগানি বর্‌‌বাদ গুরিই আর গোজেনরে জানিবার পধত্ মানা ইজেবে যেদক্কানি চিন্তে দেমাগ্ গুরিনে ভস্ত গুরিই; আর মনর্ পত্তি চিন্তেরে বন্দী গুরিনে খ্রীষ্টর্ বাধ্য গুরিই।

২ করিন্হীয় 11:3

মাত্তর্ মর্ দর্ লাগেত্যে, সেই সাপ্পো তার্ পাজি বুদ্ধি খাদেইনে যেধোক্ক্যেন্ গুরি হবারে ভুলেয়্যে সেধোক্ক্যেন গুরি খ্রীষ্ট উগুরে খাটি আর মন ভোক্তিত্তুন্ কেঅ অয়ত তমারেয়ো ভুলেইনে নেযেব।

২ করিন্হীয় 12:16

যাওক্‌, মুই তমার্ লবাদোস্যে ন-অং, মাত্তর্ অয়ত কেঅ সিয়েনত্ কিজু কবাক্, মুই চালাক্ বিলিনে ছলনা গুরি তমারে ভুলেয়োং।

গালাতীয় 2:4

কয়েক্কো ভন্ড ভেই ভিদিরে ভিদিরে সমানার্ কারনে কধাগান উঠ্যে। খ্রীষ্ট যীশু উগুরে বিশ্বেজি ইজেবে আমার্ যে স্বাধীনতা আঘে সেই স্বাধীনতাগানর্ দুষ্ ধুরিবাত্যে ইগুনে ভিদিরে ভিদিরে সোম্মোন্ যেন আমারে চাগর্ বানেই পারন্।

গালাতীয় 4:25

হাগার আরব দেজর্ সিনাই মুড়োবোরে বুঝোয়। হাগার ইধুগোর্ যিরুশালেমর এক্কান ফোটু ধোক্ক্যেন্, কিয়া যিরূশালেমান তার্ পুয়ো-ছাগুনোরে নিইনে চাগরাণি ওইয়্যে।

গালাতীয় 4:3

সেই একই মজিম আমিয়ো যেক্কে চিগোন্ এলং সেক্কে জগদর্ নানান্ সুদোমর্ চাগর্ এলং।

গালাতীয় 4:9

মাত্তর্ ইক্কিনে তুমি গোজেনরে চিন্ন্য; সিয়েনত্তুন্ বরং এ কধাগান কলে ঠিগ্ অবঅ, গোজেনে তমারে চিন্ন্যে। সালে কেধোক্ক্যেন গুরিনে তুমি আরঅ জগদর্ সেই নানান্ বাবোত্যে খেমতা নেইয়্যে আর ন-ফলেদে সুদোম ইন্দি ফিরোর্?

গালাতীয় 5:1

খ্রীষ্ট আমারে স্বাধীন গোজ্জ্যে যেন আমি স্বাধীন থেই পারিই। সেনত্যে তুমি থির্ থাগঅ, যেন কেঅ আরঅ তমারে চাগর্ বানেই ন-পারে।

গালাতীয় 5:10

তমা পৌইদ্যেনে প্রভু উগুরে মর্ এ বিশ্বেজ্‌চান আঘে, তুমি আর অন্য কনঅ কধায় কান্ ন-পাদিবা। মাত্তর্ যে তমারে থির্ থেবাত্যে ন-দের্, তে যেই অদঅ সাৎ, তে তার পাওনা সাজা ভুগিবো।

গালাতীয় 6:12

যিগুনে বারেদি নিজোরে গম্ দেগেবাত্যে চান্ সিগুনে চুনু মাঢা কাবিবাত্যে তমারে বাধ্য গত্তে চেষ্টা গত্তন্। খ্রীষ্টর্ ক্রুশোত্যে যেন তারা উগুরে অত্যেচার ন-এজে সেনত্যে তারা এধোক্ক্যেন্ গত্তন্।

ফিলিপীয় 3:19

তারার্ ভাগ্যত্ আঘেদে ভস্ত অনা; পেট্টো অলঅ তারার্ গোজেন; যিয়েন লাজেবার্ বেপার সিয়েন্দোই তারা দেমাগ্ গরন্; আর বানা জাগতিগ পৌইদ্যেনে তারার্ মনানি পড়ি আঘে।

১ থিষলনীকীয় 2:5

তুমি কোই পারঅ আমি কনদিন্অ বিগিদি গুরিনে কধা ন-কোই, আর লুভ্‌পানরে নাঢি থোইনেয়ো যে ছলনা গুরিনে কনঅ কধা আমি ন-কোই, গোজেনে তার্ সাক্ষী।