২ করিন্হীয় 11:18 - Chakma Bible

¹⁸ মান্‌জ্যে যিয়েন নিইনে দেমাগ্ গরন্, ভালোক জনে যেক্কে সিয়েন্দোই দেমাগ্ গত্তন্ সেক্কে মুইয়ো ন-গুরিম কিত্ত্যে?

২ করিন্হীয় 11:18 ပူးပေါင်းရင်းမြစ်များ

১ করিন্হীয় 4:10

আমি খ্রীষ্টত্যে মূর্খ ওইয়্যেই আর তুমি খ্রীষ্ট সমারে মিজেইনে বুদ্ধিবলা ওইয়ো। আমি বল্‌পোজ্যে মাত্তর্ তুমি বোলী। তুমি বোউত্ সর্মান পেইয়ো আর আমি অসর্মান পেইয়্যেই।

২ করিন্হীয় 1:17

তুমি কি মনে গরঅ মুই কনঅ তামাশার্ মনভাব্‌পোই ইয়েনি ঠিগ্ গোজ্জ্যং? সাধারণ মানুচ্‌ যেবাবোত্যেগুরি একই সময়োত্ অয় আরঅ নয় কন্, মুই কি সেবাবোত্যেগুরি কনঅ কিজু ঠিগ্ গরং?

২ করিন্হীয় 11:12

যিগুনে তারার্ দেমাগ বেপার্‌লোই নিজোরে আমার সং সং বিলিনে দেগেবাত্যে চান্ তারা যেন সে জু-বো ন-পান্ সেনত্যে মুই যিয়েন গরঙর্ সিয়েন গরানাত্ থেম্।

২ করিন্হীয় 12:1

মত্তুন্ আরঅ এক্কেনা দেমাগ্ দেগা পরের্। যুনিয়ো সিয়েনত্ কনঅ লাভ নেই তো প্রভু যেদক্কানি দর্শন মরে দেগেয়্যে আর যিয়েনি মইধু ফগদাং গোজ্জ্যে সে পৌইদ্যেনে মুই ইক্কিনে কোম্।

২ করিন্হীয় 12:11

মুই বেদমা ওইয়োং ঠিগ্, মাত্তর্ তুমিই মরে সিয়েন অবাত্যে বাধ্য গোজ্জ্য, কিয়া তমার্ উচিত্ এলঅ মরে নাঙ্ গিনেনা। যুনিয়ো মুই কিচ্চু নয় তো তমার্ সেই বিশেষ প্রচারগ্‌কুনোত্তুন্ কনঅ বাবদে চিগোন নয়।

২ করিন্হীয় 12:9

মাত্তর্ তে মরে কোইয়্যেদে, “মর্ দোয়্যেগান্ তর্ পক্ষে যদেষ্ট; কিয়া বল্‌পোজ্জ্যেগানর্ মাধ্যমে মর্ বলান্ পুরোপুরি গুরিনে ফগদাং অয়।” সেনত্যে মর্ বল্‌গোজ্জ্যেগান পৌইদ্যেনে মুই অমকদ হুজি ওইনে বাড়্ গুরিম, যেন খ্রীষ্টর্ খেমতাগান্ মঅ উগুরে থায়।

২ করিন্হীয় 5:16

সেনত্যে ইক্কেত্তুন্ ধুরি মান্‌জ্যরে আমি আর্ তার বারেদি অবস্থাগান্ দেগিনে বিচের্ ন-গুরিই। খালিক্ খ্রীষ্টরে আমি আগেদি সেবাবোত্যেগুরি বিচের্ গোজ্জ্যেই, মাত্তর্ ইক্কিনে আর সিয়েন ন-গুরিই।

১ পিতর 1:24

পবিত্র বোইবোত্ লেগা আঘে, বেক্ মানুচ্চুন ঘাস ধোক্ক্যেন, আর ঘাস ফুলো ধোক্ক্যেন তারার্ বেক দোলান্; ঘাস শুগেই যায়, আর ফুল্অ ঝরি যায়,