২ করিন্হীয় 11:14 - Chakma Bible

¹⁴ ইয়েনত্ আমক্ অবার্ কিচ্চু নেই, কিয়া শদানেয়ো নিজোরে পহ্‌রত্ জদবদে স্বর্গদূত্ বিলিনে দেগেবার্ আজায় নিজোরে বুদুলি ফেলায়।

২ করিন্হীয় 11:14 ပူးပေါင်းရင်းမြစ်များ

২ করিন্হীয় 11:3

মাত্তর্ মর্ দর্ লাগেত্যে, সেই সাপ্পো তার্ পাজি বুদ্ধি খাদেইনে যেধোক্ক্যেন্ গুরি হবারে ভুলেয়্যে সেধোক্ক্যেন গুরি খ্রীষ্ট উগুরে খাটি আর মন ভোক্তিত্তুন্ কেঅ অয়ত তমারেয়ো ভুলেইনে নেযেব।

২ করিন্হীয় 2:11

যেন শদানে আমা উগুরে কনঅ সুযোগ-সুবিধে ন-পায়। তার্ ফন্দির্ কধা দঅ আমার্ অজানা নয়।

গালাতীয় 1:8

মাত্তর্ যে গম হবরান্ আমি তমা ইধু প্রচার গোজ্জ্যেই সিয়েনত্তুন্ যুদো কনঅ গম্ হবর্ যুনি তমা ইধু প্রচার গরা অয়, সিয়েন আমি নিজে গুরিই বা কনঅ স্বর্গদূতে গরে, মাত্তর্ তা উগুরে অভিশাব্ পোড়োক্।

ইফিষীয় 6:12

আমার্ এ যুদ্ধোগান দঅ কনঅ মান্‌জ্যর বিরুদ্ধে নয়, বরং সিয়েন আন্ধার রেজ্যর্ বেক শাসনগুরিয়্যে আর খেমতার্ অধিকারীগুনোর বিরুদ্ধে, আন্ধার জগদর্ খেমতাবলা আত্মাগুনোর্ বিরুদ্ধে, আর আগাজর্ বেক ভান্ন্যেই আত্মাগুনোর বিরুদ্ধে।

কলসীয় 1:13

কিয়া তে আন্ধার রেজ্যত্তুন্ আমারে উদ্ধোর্ গুরিনে তার কোচ্‌পেইয়্যে পুয়োবোর্ রেজ্যত্ আন্ন্যে।

ফগদাং পেইয়্যে 12:9

সেক্কে সেই দাঙর্ দানপ্পোরে আর তা সমারে তা দুত্‌তুনোরে পিত্‌থিমীত ফেলেই দিয়্যে অলঅ। এই দানপ্পো অলঅ সেই পুরোনা সাব্‌পো যিবেরে দিয়াবল বা শদান্ কুয়ো অয়। তে পিথ্‌তিমীর্ বেক্‌ মানুচ্চুনোরে ভুল্ পধেদি নেযায়।