২ করিন্হীয় 11:13 - Chakma Bible

¹³ আসলে সেবাবোত্যে মানুচ্চুনে দঅ ভন্ড প্রচারক আর দগাবাজ্। নিজোরে খ্রীষ্টর্ প্রচারক বিলিনে দেগেবার আজায় তারা নিজোরে বুদুলি ফেলান্।

২ করিন্হীয় 11:13 ပူးပေါင်းရင်းမြစ်များ

যিরমিয় 23:16

বেগত্তুন খেমতাবলা লগেপ্রভু কোইয়্যেদে, “ভাববাদীগুনে যে কধা কদন সিয়েনি তুমি ন-শুন্য; তারা তমা মনত্ মিজে আশা জাগেয়োন। তারা লগেপ্রভুর মুয়োত্তুন শুনিনে কধা ন-কন বরং নিজোর মনেমনজক্কা দর্শনর কধা কন।

যিরমিয় 27:14

সেই ভাববাদীগুনোর কধা ন-শুনিবা যিগুনে তমারে কন, ‘তুমি কনদিন্‌অ বাবিলো রাজার চাগর ন-অবা’; তারা তমা ইধু মিজে আগাম্ কধা কন।

মথি লেখ্যে গম্ হবর্ 25:24

মাত্তর্ যে চাগর্‌‌‌‌বো এক আজার্ দীনার্ লোইয়্যে তে এইনে কলঅ, চাহ্, মুই হবর্ পেদুং তুই অমকদ আঘাত্যে মানুচ্। তুই যিয়েনত্ বীজি ন-ফেলাস্ সিয়েনত্তুন্ কাবচ্ আর যিয়েনত্ ন-ছিদোচ্ সিয়েনত্তুন্ কুড়োচ্।

প্রেরিত্‌ 15:1

যিহূদীয়া রেজ্যত্তুন্ কয়েক্কো মানুচ্‌ সিরিয়া দেজর্ আন্তিয়খিয়াত্ এলাক্ আর বিশ্বেজি ভেইয়ুনোরে ইয়েন কোইনে শিক্ষ্যে দিয়্যে ধুরিলাক্, “মোশির রীতি-সুদোম মজিম্ তমার চুনুগুলো মাঢাবো কাবা ন-অলে তুমি কনঅ বাবদে পাপত্তুন্ উদ্ধোর্ পেই ন-পারঅ।”

প্রেরিত্‌ 15:24

“আমি শুনিলোং, আমা ভিদিরেত্তুন্ কয়েকজনে যেইনে ভালোক্কানি কধা কোইনে তমা মনানি যাগুলুগ্ গুরিনে দুঘ্ দুয়োন, মাত্তর্ আমি তারারে এবাবোত্যে কাম্ গুরিবাত্তে ন-কোই।

প্রেরিত্‌ 20:30

এমন্‌ কি, তমা নিজো ভিদিরেত্তুন্ মানুচ্চুনে উদিনে গোজেনর্ সত্যগানরে মিজে বানেবার্ চেষ্টা গুরিবাক্ যেন বিশ্বেজিগুনোরে নিজো দলত্ টানি পারন্।

রোমীয় 16:18

কিয়া এবাবোত্যে মানুচ্চুনে আমা প্রভু খ্রীষ্টরে সেবা ন-গুরিনে বরং নিজো পেদর্ সেবা গত্তন্। মিধে মিধে আর বিগিদি কধা কোইনে তারা মাদিঘিলে মানুচ্চুনোরে ঠগাদন্।

২ করিন্হীয় 11:15

সালে যিগুনে শদানর্ সেবা গরন্ তারা যুনি নিজোরে বুদুলি ফেলেইনে দেগান্, তারা ন্যায়র্ সেবা গত্তন্ সালে সিয়েনত্ আমক্ অবার্ কি আঘে? তারার্ কামর্ যিয়েন পাওনা জেরেদি তারা সিয়েনই পেবাক্।

২ করিন্হীয় 2:17

নিজোর্ লাভত্যে যিগুনে গোজেনর্ কধালোই বেবসা গরন্ আমি সেবাবোত্যে মানুচ্চুনো ধোক্ক্যেন নয়; বরং খ্রীষ্ট সমারে মিজেইনে গোজেন মুজুঙোত্ গোজেনর্ পাদেয়্যে মানুচ্ ইজেবে আমি খাটি রিবেঙত্তুন্ কধা কোই।

২ করিন্হীয় 4:2

মান্‌জ্যে গুমুরোত্ যেদক্কানি লাজ্ গরেদে বাবোত্যে কাম্ গরন সিয়েনি আমি এক্কুবারে ন-গুরিই। আমি কনঅ কামত্ ছলনা ন-গুরিই, গোজেন কধানিত্ কনঅ ভুলোর্ ভেজাল্ ন-দিই। আমি বরং গোজেনর্ সত্যগান্ ফগদাং গুরিনে তা মুজুঙোত্ বেক্‌ মানুচ্চুনোর্ বিবেগ ইধু নিজোরে মানি লোইয়্যে বিলিনে তুলি ধুরিই।

গালাতীয় 1:7

আসলে সিয়েন দঅ কনঅ গম হবর্ নয়। তো কিজু মানুচ্‌ আঘন যিগুনে তমারে থির্ থেবাত্তে ন-দেদন্, আর খ্রীষ্ট পৌইদ্যেনে গম হবর্ বুদুলিবাত্যে চাদন্।

গালাতীয় 2:4

কয়েক্কো ভন্ড ভেই ভিদিরে ভিদিরে সমানার্ কারনে কধাগান উঠ্যে। খ্রীষ্ট যীশু উগুরে বিশ্বেজি ইজেবে আমার্ যে স্বাধীনতা আঘে সেই স্বাধীনতাগানর্ দুষ্ ধুরিবাত্যে ইগুনে ভিদিরে ভিদিরে সোম্মোন্ যেন আমারে চাগর্ বানেই পারন্।

গালাতীয় 4:17

সেই অন্য মানুচ্চুনে তমাত্যে আয়োজি ওইয়োন, মাত্তর্ সিয়েন কনঅ গম্ উদ্দেচ্চ্যত্যে নয়। তারা মঅ ইন্দিত্তুন্ তমারে ফিরেবাত্যে চান্, যেন তুমি তারা উগুরে আয়োজি অ।

গালাতীয় 6:12

যিগুনে বারেদি নিজোরে গম্ দেগেবাত্যে চান্ সিগুনে চুনু মাঢা কাবিবাত্যে তমারে বাধ্য গত্তে চেষ্টা গত্তন্। খ্রীষ্টর্ ক্রুশোত্যে যেন তারা উগুরে অত্যেচার ন-এজে সেনত্যে তারা এধোক্ক্যেন্ গত্তন্।

ইফিষীয় 4:14

মান্‌জ্যে পাজি বুদ্ধি খাদেইনে অন্যগুনোরে ভুল্ পধেদি নেযেবাত্যে যে ভুল্ শিক্ষ্যেনি দুয়োন, সেই ভুল্ শিক্ষ্যেনি ভিদিরে আমি বৈয়্যেরে দুলি উঠ্যে তুবোল ধোক্ক্যেন ইন্দি উন্দি ন-দুলিবোং।

ফিলিপীয় 3:18

মুই তমারে বার্ বার্ কোইয়োং আর ইক্কিনে চোগো পানিলোই আরঅ কঙত্তে, এমন ভালোকজন আঘন্ যিগুনে খ্রীষ্টর্ ক্রুশোর শত্রু ধোক্ক্যেন আঢাউদো গত্তন।

ফিলিপীয় 3:2

সেই কুগুরুনোত্তুন্, অত্তাৎ যিগুনে ভান্ন্যেই কাম্ গরন্ আর কিয়্যে উগুরে কাবা-কুদো গরানা উগুরে জোর্ দুয়োন তারাত্তুন্ উজিয়ার্!

কলসীয় 2:4

মুই তমারে এ কধাগান্ কঙর্ যেনে কেঅ মন-ভুলেইয়্যে যুক্তি-তর্কলোই তমারে ভুল্ পধেদি নেযেই ন-পারন।

কলসীয় 2:8

তুমি উজিয়ার্ অ, যেন কেঅ মান্‌জ্যর পাম্‌দিয়্যে ছলনাবলা দর্শনর্ শিক্ষ্যেলোই তমারে বন্দী ইজেবে টানি নেযেই ন-পারে। খ্রীষ্ট লগে সেই শিক্ষ্যের্ কনঅ মিল্ নেই; মান্‌জ্যর্ বানেইয়্যে সুদোম আর জগদর্ নানান্ রীতিনীতি উগুরে সিয়েনি নির্ভর গরে।

১ যোহন 2:18

পুয়ো-ছা লগ্, ইবেয়ই শেজ্ সময়। তুমি দঅ শুন্ন্য যে, খ্রীষ্ট-শত্রুবো এজের্, মাত্তর্ তার আরঅ ভালোক্কুন্ শত্রু এ ভিদিরে এই যেইয়োন। সেনত্যে আমি বুঝি পারির্, ইবেয়ই শেষ্ সময়।

১ যোহন 4:1

কোচ্‌পানার্ পুয়ো-ছা লগ্, তুমি বেক্‌ আত্মাগুনোরে বিশ্বেজ্ ন-গোজ্জ্য, বরং চাগি চঅ সিগুনে গোজেনত্তুন্ এচ্চ্যন কিনা, কিয়া জগদত্ বোউত্ ভন্ড ভাববাদী নিগিল্লোন।

যিহূদা 1:4

ইয়েনর্ দরকার আঘে, কিয়া যে মানুচ্চুনোর্ সাজা পৌইদ্যেনে আগেদি বোইবোত্ লেগা ওইয়্যে তারা তমা ভিদিরে চুবেচুবে সোমেয়োন্দি। গোজেন উগুরে এ মানুচ্চুনোর ভোক্তি নেই; আমার গোজেনর্ দোয়্যেগানরে তারা ভান্ন্যেই এক্কান তালি দেনা মনে গরন আর যিবে আমার এক্কো গুরি গিরোজ্ আর প্রভু সেই যীশু খ্রীষ্টরে তারা অস্বীগের্ গরন্।

ফগদাং পেইয়্যে 19:20

সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।

ফগদাং পেইয়্যে 2:2

মুই তর্ কাম, গাম ঝরানা আর ধৈজ্জ্যর্ কধানি জানং। মুই কোই পারং তুই ভান্ন্যেই মানুচ্চুনোরে সোজ্জ্য গুরি ন-পারচ, আর যিগুনে দূত্ ন-ওইনেয়ো নিজোরে দূত্ বিলিনে দাবি গরন্ তারারে যগা চেইয়োচ্ আর তারা যে মিজে মাঢিয়্যে সিয়েনর্ প্রমানঅ পেইয়োচ্।

ফগদাং পেইয়্যে 2:20

তো তঅ বিরুদ্ধে মর্ এ কধাগান কবার্ আঘেদে, তুই ইষেবল নাঙে সেই মিলেবোর্ অন্যেয় সোজ্জ্য গরর্। এই ইষেবলে নিজোরে ভাববাদী কয়। তা শিক্ষ্যেলোই তে মর্ চাগরুনোরে ভুলোয় যেন তারা বেগেয়্যে গরন্ আর মূত্তি ইধু উৎসর্ব গোজ্জ্যে হানা হান্।

ফগদাং পেইয়্যে 2:9

তর্ দুঘ্ আর রাদ কালর্ কধা মুই কোই পারং, মাত্তর্ তো তুই থাগোইয়্যে। নিজোরে যিহূদী কলেয়ো যিগুনে যিহূদী নয় বরং শদানর্ দলর মানুচ্‌, তারা তঅ বিরুদ্ধে যিয়েনি কন্ সিয়েনি মুই হবর্ পাং।