২ করিন্হীয় 11:11 - Chakma Bible

¹¹ কিত্যে মুই এ কধাগান্ কঙর্? তমারে কোচ্‌ ন-পাং বিলিনে না কি? গোজেনে কোই পারেদে যে, মুই তমারে কোচ্‌পাং।

২ করিন্হীয় 11:11 ပူးပေါင်းရင်းမြစ်များ

গীতসংহিতা 44:21

সালে গোজেনে কি সিয়েনি হবর্ ন-পায়? তে দঅ আমার মনর্ গুমুরোগানি বেক্কানি হবর্ পায়।

যোহন 21:17

পরেদি তে তিনবার্ শিমোন-পিতররে কলঅ, “যোহনর্ পুয়ো শিমোন, ঘেচ্চ্যেক্‌গুরি কি মুই তর্ পরাণর্?” পিতরে এবার্ মনত্ দুঘ্ পেলঅ, কিয়া যীশু এই তিনবার্ তারে পুযোর্ গুরিলো, “মুই কি ঘেচ্চ্যেক্‌গুরি তর্ পরাণর্?” ইয়েনত্যে পিতর যীশুরে কলঅ, “প্রভু, তুই বেক্কানি হবর্ পাজ্; তুই দঅ হবর্ পাজ্, তুই মর্ ভারী পরাণর্।” যীশু তারে কলঅ, “মঅ ভেড়াগুনোরে চরা।

প্রেরিত্‌ 15:8

গোজেনে বেক্কুনোর্ মনানি কোই পারে। তে আমারে যেবাবোত্যেগুরি পবিত্র আত্মাগান দান গোজ্যে, অযিহূদীগুনোরেয়ো সেবাবোত্যেগুরি পবিত্র আত্মাগান দান গুরিনে সাক্ষী দিয়্যেদে যে, তারায়ো পাপত্তুন্ উদ্ধোর্ পেইয়োন।

রোমীয় 1:9

গোজেন পুয়ো পৌইদ্যেনে গম্ হবর্ প্রচার গুরিনে মর্ বেক্ মনান্দোই মুই গোজেনরে সেবা গরঙর্। মুই যেদক্ বার্ তবনা গরং সেদক্ বার্ যে তমা কধানি ইদোত্ তুলোং, তেয়ই সিয়েনর্ সাক্ষী।

২ করিন্হীয় 11:10

মইধু খ্রীষ্টর্ যে সত্যগান্ আঘে সে ধগে মুই কংগে, আখায়া রেজ্যর্ কনঅ জাগাত মর্ এ দেমাগ্ গরানাগান্ কেঅ বন্ধ গুরি ন-পারিবাক্।

২ করিন্হীয় 11:31

আমা প্রভু যীশু খ্রীষ্টর্ গোজেন আর বাপ্, যিবে উমরত্যে বাঈনী পেবার্, তে কোই পারে মুই মিজে কধা ন-কঙর্।

২ করিন্হীয় 12:15

মুই অমকদ হুজি ওইনে তমাত্যে বেক্কানি খরচ্ গুরিম আর নিজোরেয়ো দি দিম্। যুনি মুই তমারে বেশ্ কোচ্‌পাং সালে কি তুমি মরে কম্ কোচ্‌পেবা?

২ করিন্হীয় 2:17

নিজোর্ লাভত্যে যিগুনে গোজেনর্ কধালোই বেবসা গরন্ আমি সেবাবোত্যে মানুচ্চুনো ধোক্ক্যেন নয়; বরং খ্রীষ্ট সমারে মিজেইনে গোজেন মুজুঙোত্ গোজেনর্ পাদেয়্যে মানুচ্ ইজেবে আমি খাটি রিবেঙত্তুন্ কধা কোই।

২ করিন্হীয় 7:3

খালিক্ এ কধাগান্ মুই তমারে দুষি গুরিবাত্যে ন-কঙর্। মুই দঅ আগেদি কোইয়োং, তুমি আমা ইধু এদক্ কোচ্‌পেইয়্যে যে, আমি তমা সমারে মুরিবাত্যেয়ো রাজী, বাঁজিবাত্যেয়ো রাজী।

ইব্রীয় 4:13

সৃট্টির কিচ্চু গোজেন ইধু লুগেইয়্যে নেই। যিবে ইধু আমার ইজেব দিয়্যে পরিবো তা চোগো মুজুঙোত্ বেক্কানি মেল্যে আর ফগদাং পেইয়্যে।

যিহোশূয় 22:22

বেক্কুনোর্‌ দাঙর্‌ গোজেন লগেপ্রভু! বেক্কুনোর্‌ দাঙর্‌ গোজেন লগেপ্রভু! তে দঅ‌ হবর্‌ পায় আর ইস্রায়েলীয়গুনেয়ো হবর্‌ পাদোক্‌। ইয়েন যুনি লগেপ্রভুর বিরুদ্ধে কনঅ‌ উল্লোমী বা অবাধ্য অনার্‌ কাম্‌ ওই থায় সালে তুমি এচ্চ্যে আমারে রেহাই ন-দিবা।

ফগদাং পেইয়্যে 2:23

তার্ পুয়ো-ছাগুনোরেয়ো মুই মারে ফেলেম। সেক্কে বেক্‌ মন্ডলীগুনে কোই পারিবাক্ যে, মুই মান্‌জ্যর্ মন ভিদিরেগান আর মনান্ তোগেই চাং। মুই কাম মজিম তমারে পত্তিজনরে ফল দিম।