২ করিন্হীয় 11:10 - Chakma Bible

¹⁰ মইধু খ্রীষ্টর্ যে সত্যগান্ আঘে সে ধগে মুই কংগে, আখায়া রেজ্যর্ কনঅ জাগাত মর্ এ দেমাগ্ গরানাগান্ কেঅ বন্ধ গুরি ন-পারিবাক্।

২ করিন্হীয় 11:10 ပူးပေါင်းရင်းမြစ်များ

প্রেরিত্‌ 18:12

গাল্লিয়ো যেক্কে আখায়া রেজ্যর্ শাসনগুরিয়্যে এলঅ সেক্কে যিহূদীগুনে বেক্কুনে মিলি পৌলরে ধুরিনে বিচেরত্যে কোদোত্ আনিলাক্।

প্রেরিত্‌ 18:27

যেরেদি আপল্লো যেক্কে আখায়াত্ যেবাত্তে চেলঅ সেক্কে ইফিষ বিশ্বেজি ভেইয়ুনে তারে উচ্চোমি তুলি দিলাক্। আখায়ার শিচ্চ্যগুনে যেন আপল্লোরে মানি লন্ ইয়েনত্তে ইফিষীয় ভেইয়ুনে আখায়াত্ চিধি লিগিলাক্। গোজেনর্ দোয়্যেই আখায়াত্ যিগুনে বিশ্বেজি ওইয়োন আপল্লো সিধু লুমিনে তারারে বল্ দিলো।

রোমীয় 1:9

গোজেন পুয়ো পৌইদ্যেনে গম্ হবর্ প্রচার গুরিনে মর্ বেক্ মনান্দোই মুই গোজেনরে সেবা গরঙর্। মুই যেদক্ বার্ তবনা গরং সেদক্ বার্ যে তমা কধানি ইদোত্ তুলোং, তেয়ই সিয়েনর্ সাক্ষী।

রোমীয় 16:5

তারা ঘরত্ যিগুনে মন্ডলী ইজেবে এক সমারে এগত্তর্ অন্, তারারেয়ো ভালেদি জানেয়ো। এশিয়া রেজ্যত্ পত্তম্ যিবে খ্রীষ্টরে মানি লোইয়্যে মর্ সেই পরাণর্ দাংগু ইপেনিতরে ভালেদি জানেয়ো।

রোমীয় 9:1

খ্রীষ্ট সমারে মিজেইনে মুই কঙত্তে, মনত্ দুঘে বুগ্ ভাঙের্ আর চিদোত্ পুদের্, আর এ কধাগান সত্য, মিজে নয়। মঅ বিবেগ্‌কান্অ পবিত্র আত্মা সমারে মিজেইনে সেই একই সাক্ষ্য দের্।

১ করিন্হীয় 16:15

ভেইলগ্, তুমি দঅ কোই পারঅ, স্তিফানর্ পরিবার মানুচ্চুনে আখায়া রেজ্যর্ পত্তম বিশ্বেজি। গোজেন মানুচ্চুনোরে সেবা গুরিবাত্যে তারা নিজোরে উৎসর্ব গোজ্জ্যন্।

২ করিন্হীয় 1:1

মুই পৌল গোজেনর্ আওজে খ্রীষ্ট যীশুর এক্কো প্রচারক্ ওইয়োং। মুই আর আমা বিশ্বেজি ভেই তীমথিয় করিন্থ শঅরর্ গোজেন মন্ডলী আর আখায়া রেজ্যর্ গোজেনর্ বেক্‌ মানুচ্চুনো ইধু এ চিধিগান্ লেগঙর্।

২ করিন্হীয় 1:23

মঅ জিংকানিগানর্ নাঙে শমক্ হেইনে মুই গোজেনরে সাক্ষী রাগেইনে কঙর্, সাজাত্তুন্ তমারে রেহাই দিবাত্যে মুই করিন্থ শঅরত্ ফিরি ন-যাং।

২ করিন্হীয় 10:15

সিয়েনবাদে অন্যগুনোর্ কামানিলোইয়ো আমি দেমাগ্ ন-গুরির্-যুনি গুরিদোং সালে সিয়েন দুযির্ বারেদি যেদঅ। আমি এ আজাগান্ গুরির্ যে, তমার্ বিশ্বেজ্ বাড়ানার্ লগে লগে আমি তমা ভিদিরে আরঅ বোউত্ কাম্ গুরি পারিবোং।

২ করিন্হীয় 11:12

যিগুনে তারার্ দেমাগ বেপার্‌লোই নিজোরে আমার সং সং বিলিনে দেগেবাত্যে চান্ তারা যেন সে জু-বো ন-পান্ সেনত্যে মুই যিয়েন গরঙর্ সিয়েন গরানাত্ থেম্।

২ করিন্হীয় 11:31

আমা প্রভু যীশু খ্রীষ্টর্ গোজেন আর বাপ্, যিবে উমরত্যে বাঈনী পেবার্, তে কোই পারে মুই মিজে কধা ন-কঙর্।

২ করিন্হীয় 12:19

তমার্ কি মনে অয়, এ চিধিগানর্ মাধ্যমে আমি তমা ইধু নিজোর্ পক্ষে কধা কোর্? খ্রীষ্ট সমারে মিজেইনে আমি গোজেন মুজুঙোত্ কধা কোর্। কোচ্‌পেইয়্যে ভেইয়ুন, তমারে উগুরেদি তুলিবাত্যে আমি ইয়েনি কোর্।

২ করিন্হীয় 9:2

কিয়া এ কামানত্ তমার আয়োজর্ কধা মত্তুন্ জানা আঘে। মুই তমারে নিইনে ম্যাসিডোনিয়া মানুচ্চুনো ইধু ইয়েন কোইনে দেমাগ্ গরংগে, গেলদে বঝরত্তুন্ ধুরি আখায়ার্ মানুচ্চুনে, অত্তাৎ তুমি এ দানুনোত্যে যুক্কোল্ ওই আঘ। তমার্ এ আওজ্‌চান তারার্ বেচ্‌ ভাগ্ মান্‌জ্যরে জাগেই তুল্ল্যে।

গালাতীয় 1:20

গোজেনে সাক্ষী, মুই তমা ইধু যিয়েন লেগঙর্ সিয়েনর্ কিচ্চু মিজে নয়।

গালাতীয় 2:20

মরে খ্রীষ্ট সমারে ক্রুশোত্ দিয়্যে ওইয়্যে। সেনত্যে মুই আর্ জেদা নয়, খ্রীষ্টই মঅ ভিদিরে জেদা আঘে। ইক্কিনে এই কিয়্যেগান্দোই মুই যে জিংকানি কাদাঙর্ সিয়েন গোজেন পুয়োবো উগুরে বিশ্বেজর্ মাধ্যমে কাদাঙর্। তে মরে কোচ্‌‌‌‌পেইনে মত্যে নিজোরে দান গোজ্জ্যে।

১ থিষলনীকীয় 2:10

তুমি যিগুনে বিশ্বেজ্ গোজ্জ্য, তমা লগে আমার বেবহার যে পবিত্র, গম্ আর থুদো নেইয়্যে এলঅ, সিয়েনর সাক্ষী তুমিয়ো আঘঅ আর গোজেনেয়ো আঘে।

১ থিষলনীকীয় 2:5

তুমি কোই পারঅ আমি কনদিন্অ বিগিদি গুরিনে কধা ন-কোই, আর লুভ্‌পানরে নাঢি থোইনেয়ো যে ছলনা গুরিনে কনঅ কধা আমি ন-কোই, গোজেনে তার্ সাক্ষী।

১ তীমথিয় 2:7

আর এ সাক্ষ্যগান দিবাত্যে গোজেনে মরে প্রচারক, দূত আর অযিহূদীগুনো ইধু বিশ্বেজ্ আর সত্যর্ মাষ্টর ইজেবে বেঈ লোইয়্যে। মুই সত্য কধাগান্ কঙর্, মিজে ন-কঙর্।