২ করিন্হীয় 10:5 - Chakma Bible

⁵ আমি মান্‌জ্যর্ মিজে যুক্তিগানি বর্‌‌বাদ গুরিই আর গোজেনরে জানিবার পধত্ মানা ইজেবে যেদক্কানি চিন্তে দেমাগ্ গুরিনে ভস্ত গুরিই; আর মনর্ পত্তি চিন্তেরে বন্দী গুরিনে খ্রীষ্টর্ বাধ্য গুরিই।

২ করিন্হীয় 10:5 ပူးပေါင်းရင်းမြစ်များ

পত্থম 8:21

লগেপ্রভু সে উৎসর্বর বাজ্‌ পেইনে হুজী অলঅ আর মনে মনে কলঅ, “মান্‌জ্যর কারনে আর কনদিন্‌ মুই মাদিগানরে অভিশাব্ ন-দিম, কিত্তে চিগোনত্তুন্ ধুরি দঅ-মান্‌জ্যর মনানি ভান্ন্যেয়ন্দি। এবেরা যেবাবোত্যে মুই বেক্‌ জেদা পরান্‌বলাগুনোরে‌‌ শেজ্ গোজ্যং সেবাবোত্যেগুরি আর কনদিনঅ ন-গুরিম।

২ রাজাবলী 19:22

তুই কারে অসর্মান্‌ গোজ্যস? কা বিরুদ্ধে অগমান কধা কোইয়োচ্‌? তুই কা বিরুদ্ধে রঅ ছাজ্যস্‌ আর বার্‌ গুরিনে চোখ্‌ তুলি চেইয়োচ্‌? ইস্রায়েলর সে সুদ্ধো-সাংগ মানুচ্চো বিরুদ্ধে তুই ইয়েনি গোজ্যস্‌।

২ রাজাবলী 19:28

তুই মঅ বিরুদ্ধে রাগে ফুলি উঠ্যচ্‌ বিলি আর তঅ দেমাগ কধানি মঅ কানত্‌ এচ্ছে বিলি মুই তঅ নাগত্‌ মঅ কেবাবো লাগেম্‌ আর তঅ মুয়োনত্‌ মর্‌ লাগামান্‌ লাগেম্‌; আর যে পথ্‌তানন্দি তুই এচ্ছোস্‌ সে পথ্‌তানন্দি ফিরি যেবাত্তে মুই তরে বাধ্য গুরিম্‌।

ইয়োব 42:6

সেনত্তে মুই যিয়েনি কোইয়োং সিয়েনি ইক্কিনে ফিরেই নেযাঙর্, আর ধূল্যে আর ছেইয়ো ভিদিরে বোইনে আবিলেচ্ গরঙর্।”

গীতসংহিতা 10:4

পাজি মানুচ্চো বার্‌‌বো গরানার্ কারনে লগেপ্রভুরে অগ্রাজ্য গরে; তা কুজুরোমির্ পিজেদি এ মনভাবপান্ এলঅ- গোজেন বিলিনে কনজন নেই।

গীতসংহিতা 139:2

মুই যিয়েনি গরং সিয়েনি বেক্কানি দঅ তুই হবর্ পাজ্; তুই দূরোত্তুন্ মঅ মন কধানি বুঝোচ্।

গীতসংহিতা 18:27

তুই দুখিগুনোরে রোক্ষ্যে গুরি থাচ্ আর বার্‌বোগুনোরে তলে লামাচ্।

গীতসংহিতা 18:44

মঅ কধানি শুনিলে তারা মঅ অধিনতা স্বীগের্ গরন্; উল্লোমি মনভাব্‌পোই বিদেশিগুনে মর্ বাধ্য অন্।

যাত্রা 5:2

মাত্তর্‌ ফরৌণে কলঅ, “কন্না আরঅ এই লগেপ্রভু, মুই যে তা উগুম্‌ মানিনে ইস্রায়েলীয়গুনোরে যেবাত্তে দিম? এই লগেপ্রভুরেয়ো মুই ন-চিনোং আর ইস্রায়েলীয়গুনোরেয়ো মুই যেবাত্তে ন-দিম।”

গম্ উপদেজ্ 15:26

লগেপ্রভু বেক্ কুজুরোমিগানি ঘিনায়, মাত্তর্ ভালেদির কধাবাত্তানি তা চোগেদি দোল্।

গম্ উপদেজ্ 24:9

বাজে-বিবেক্ মান্‌জ্যর কুজুরোমিগানি অলঅ পাপ; মান্‌জ্যে ঠাট্টা-ঈচ্ গুরিয়্যেবোরে ঘিনেন্।

যিশাইয় 2:17

মান্‌জ্যর্ বাড়্ গরানাগানরে তলে লামেই দিয়্যে অবঅ আর অহংকারানরে ভস্ত গরা অবঅ। সেদিন্যে বানা লগেপ্রভুরে সর্মান গরা অবঅ,

যিশাইয় 55:7

পাজি মানুচ্চো তা পথ্‌তান ছাড়ি দুয়োক্ আর ভান্ন্যেই মানুচ্চো তার বেক চিদে চজ্জাগানি বাদ দুয়োক্। তে লগেপ্রভু ইন্দি ফিরোক্, সেক্কে তে তা উগুরে মেয়্যে গুরিবো; আমা গোজেন ইন্দি ফিরোক্, কিত্তে তে বেক্কানি খেমা গুরিবো।

যিশাইয় 59:7

তারার্ টেঙানি পাপ ইন্দি দাবা দাবা যায়; তারা নিদ্দুযি মান্‌জ্যর লো ঝোরেবাত্তে যাদিমাদি যান্। তারার চিদে চজ্জানি বেক্কানি বজং আর তারার পথ্‌‍‌‌‌‌তানিত্ ভস্ত আর সর্বনাশ থায়।

যিশাইয় 60:14

তরে যিগুনে অত্যেচার গুরিদাক্ তারা পুয়োগুনে মাঢা নিগিরিনে তঅ মুজুঙোত্ এবাক্; যিগুনে তরে ঈচ্ গুরিদাক তারা বেক্কুনে তরে জু জু জানেবাক্ আর তরে লগেপ্রভুর শঅর্, ইস্রায়েলর সেই সুদ্ধো-সাংগ মানুচ্চোর সিয়োন বিলি ডাগিবাক্।

যিরমিয় 23:29

মঅ কধানি কি আগুনো ধোক্ক্যেন নয়? যে আদুরোবোলোই পাত্তর্‌বোরে কট্টা কট্টা গুরি মঅ কধানি কি সে আদুরোবো ধোক্ক্যেন নয়?‌

যিরমিয় 4:14

ও যিরূশালেম, তঅ মনানত্তুন্ ভান্ন্যেয়ানি ধোই ফেলা যেনে তুই উদ্ধোর্ পাজ্। আর কয়দিন তুই ভান্ন্যেই চিন্তে মনত্ জমা রাগেবে?

যিহিষ্কেল 17:24

ইয়েন্দোই মাদর্ বেক গাজ্‌‌‌চুনে হবর্ পেবাক যে, মুই লগেপ্রভু অজল্ গাজরে তলে গরং আর তলে গাজরে অজল্ গরং। মুয়ই য়্যেল্ গাজরে শুগুনো গরং আর শুগুনো গাজরে জেদা গরং। “মুয়ই লগেপ্রভু এ কধাগান কোইয়োং আর মুই সিয়েন গুরিম।”

দানিয়েল 4:37

ইক্কিনে মুই নবূখদ্‌নিৎসর সেই স্বর্গ রাজারে নাঙ্ গিনোং, সর্মান গরং আর বাঈনী গরং, কিত্যে তে যিয়েনি গরে সিয়েনি ঠিগ্, আর তার বেক্ পথ্‌‌‌‌‌তানি ন্যায়ে ভর্‌‌‌‌‌পুনং। যিগুনে বাড়্‌বো গুরিনে চলন তারারে তে তলেদি ফেলেই পারে।

মথি লেখ্যে গম্ হবর্ 15:19

মনত্তুন্ ভান্ন্যেই চিন্তে, খুন, নানান্ বাবোত্যে বেভিচের্, চুর্, মিজে মাদানা আর ইংসে-নিন্দে নিগিলি এজে।

লূকে লেখ্যে গম্ হবর্ 1:51

তে আঢ্ বাড়েইনে দাঙর্ খেমতার্ কাম্ গোজ্যে; যিগুনোর্ মনানি বার্বোলোই ভরা তারারে তে চেরোকিত্তে দূর্ গুরি দিয়্যে।

রোমীয় 1:21

মান্‌জ্যে তা পৌইদ্যেনে জানিবার্ পরেদিয়ো গোজেন ইজেবে তারে বাঈনীয়ো ন-গরন, আর ভালেদিয়ো ন-জানান্। তারার্ চিন্তেগানি বাজে ওই যেইয়্যে আর তারার্ বুদ্ধি-নেইয়্যে মনানি আন্ধারে ভুরি যেইয়্যে।

রোমীয় 1:5

তার্ মাধ্যমে তা নাঙানত্তে আমি দোয়্যে আর প্রচারক-পদ পেইয়্যেই, যেন বেক্‌ জাদঅ ভিদিরেত্তুন্ মান্‌জ্যে বিশ্বেজ্ গুরিনে গোজেনর্ বাধ্য ওই পারন্।

রোমীয় 16:26

মাত্তর্ ইক্কিনে গম্ হবরানর্ মাধ্যমে সিয়েন ফগদাং ওইয়্যে আর সেবাবোত্যেগুরি মুই প্রচার গরঙর্। উমর গোজেনর্ উগুম মজিম ভাববাদীগুনোর্ লেঘার্ মাধ্যমে বেক্ জাদর্ মানুচ্চুনো ইধু সিয়েন জানা ওইয়্যে, যেন তারা খ্রীষ্ট উগুরে বিশ্বেজ্ গুরিনে গোজেনর্ বাধ্য ওই পারন্।

রোমীয় 7:23

তো মুই দেগঙত্তে, এক্কান যুদো সুদোম মঅ কিয়্যে ভিদিরে কাম্ গরের্। যিয়েন গম্ মঅ মনানে সিয়েন গম্ বিলিনে মানি লয়, মাত্তর্ এই যুদো সুদোমান্ মঅ মন বিরুদ্ধে যুদ্ধো গরের্ আর মরে বন্দী গুরি রাগেয়্যে। মঅ ভিদিরে যে পাপ্পান্ আঘে এ সুদোমান্ তার্।

১ করিন্হীয় 1:19

পবিত্র বোইবোত্ লেগা আঘে, “মুই জ্ঞানীগুনোর্ জ্ঞানান্ বর্‌‌বাদ গুরিম, বুদ্ধিমানুনোর্ বুদ্ধিগানি বিফল গুরিম।”

১ করিন্হীয় 3:19

কিয়া গোজেনর্ চোগেদি এ জগদর্ জ্ঞানান্ বানা মূর্খতা। পবিত্র বোইবোত্ লেগা আঘে, “গোজেনে জ্ঞানীগুনোরে তারার্ ছল-চালাগিগানিত্ ধরে।”

২ করিন্হীয় 11:20

বানা সিয়েন নয়, যুনি কেঅ তমারে চাগর্ বানায়, তমারে বেক্কুনোরে ভস্ত গরে, তমারে ফালত্ ফেলায়, তমার্ গিরোজ্ অয় বা তমারে চুগোড়্ মারে, তুমি সিয়েনিয়ো সোজ্জ্য গরঅ।

২ করিন্হীয় 9:13

তুমি যে বিশ্বেজি, তমার্ এই দান্ গরানাগানে সিয়েন প্রমাণ গুরিবো, আর সিয়েন দেগিনে তারা গোজেনরে বাঈনী গুরিবাক্, কিয়া তুমি খ্রীষ্ট পৌইদ্যেনে গম্ হবরান্ বিশ্বেজ্ গুরিনে তার্ বাধ্য ওইয়ো আর তুমি খুলো আঢে তারারে আর অন্য বেক্কুনোরে দান গোজ্জ্য।

দ্বি’লম্বর বিররণ 15:9

উজিয়ার, তমার মনত্‌ এই ভান্ন্যেই চিদেগান আমল ন দুয়ো, সাত বজরত্‌, অত্তাৎ কজ্জ মাপ্‌ গরেদে বজরবো প্রায় লুম্মেগি। এই চিদেগান গুরিনে তমার সেই নাঢা ভেইবো উগুরে উল্লোমি মনভাব্‌পোই তারে সুুদো আঢে বিদেয় ন গোজ্য। যুনি সিয়েন্‌ গরঅ সালে সিয়েন্দোই তে তমা বিরুদ্ধে লগেপ্রভুর ইদু কোজোলী গুরিনে বিচের চেবঅ আর তুমি অন্যেয়ত্তে দুষি অবা।

ফিলিপীয় 4:7

সিয়েনর কারনে, গোজেনর্ দিয়্যে যে শান্তির কধা মানুচ্ চিন্তে গুরিনেয়ো বুঝি ন-পারন, খ্রীষ্ট যীশুর্ মাধ্যমে সেই শান্তি তমা রিবেঙানিরে আর মনানিরে রোক্ষ্যে গুরিবো।

২ থিষলনীকীয় 2:4

গোজেন বিলিনে যিয়েনি আঘে সিয়েনি বেক্কানির্ বিরুদ্ধে আর উবোসনা গরেদে ধোক্ক্যেন বেক্কানির্ বিরুদ্ধে থিয়্যেইনে তে নিজোরে দাঙর্ গুরি দেগেব; এমন্‌ কি, তে গোজেনর্ উবোসনা-ঘরত্ বৈইনে নিজোরে গোজেন বিলিনে দাবী গুরিবো।

২ থিষলনীকীয় 2:8

প্রভু যীশু তার্ মুয়োর্ নিজেচ্‌‌সোই তারে ভস্ত গুরিবো আর তার্ মহিমালোই ভরা তার্ খেমতাগান শেজ্ গুরি দিবো।

ইব্রীয় 4:12

গোজেনর্ কধানি খেমতাবলা আর কামগরে আর দ্বি' কিত্ত্যেদি ধার্ আঘে এমন্‌ ছুরিত্তুন্-অ বেশ্ ধারেয়্যে। এ কধানি মান্‌জ্যর রিবেঙ-আত্মা আর আহ্‌র্-মগজ মূঢ়োত্ সং যায় আর মান্‌জ্যর রিবেঙর্ বেক্‌ আওজ্‌‌চানি আর চিদে চজ্জানি পোরোক্ষ্যে গুরি চায়।

ইব্রীয় 5:9

এবাবোত্যে গুরি যেক্কে তে পূর্ণতাগান পেলঅ সেক্কে তার্ বাধ্যতাগান বেক্কুনোত্যে তে উমরর্ উদ্ধোরর্ পথ অলঅ।

১ পিতর 1:2

বাবা গোজেনে তার্ পরিকল্পনা মজিম তমারে বেঈ লোইয়্যে, আর তার্ নাঙে পবিত্র আত্মা তমারে যুদো গুরি থোইয়্যে। ইয়েনর্ উদ্দেশ্য অলঅ, যেনে তুমি যীশু খ্রীষ্টর বাধ্য অ আর তার লো-গান ছিদেনার্ মাধ্যমে তমারে সিজি গরা অয়। গোজেনে তমারে বেশ্ গুরি দোয়্যে আর শান্তি দান গোরোক্।

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।