২ করিন্হীয় 10:3 - Chakma Bible

³ যুনিয়ো আমি লো-য়েরালোই মানুচ্ তো আমি যে যুদ্ধো গুরির্ সিয়েন লো-য়েরার্ যুদ্ধো নয়।

২ করিন্হীয় 10:3 ပူးပေါင်းရင်းမြစ်များ

রোমীয় 7:5

আমি যেক্কে পাপ খাচ্চ্যদর্ অধীনোত্ এলং সেক্কে আইন-কানুনানি আমা ভিদিরে পাপর্ কামনা-বাসনা জাগেই তুলিদো আর সেই কামনা-বাসনাগান্ আমা কিয়্যেগান ভিদিরে কাম্ গত্ত; সেনত্তে আমা জিংকানিগানি মরণত্যে ফলবান অদঅ।

রোমীয় 8:13

যুনি তুমি পাপ-খাচ্চ্যদ্ মজিম চলঅ সালে তুমি উমরত্তে মুরিবা। মাত্তর্ যুনি পবিত্র আত্মালোই কিয়্যের্ বেক্‌ ভান্ন্যেই কামানি ভস্ত গুরি ফেলঅ সালে উমরত্তে জেদা থেবা,

রোমীয় 8:4

তে সিয়েন গুরিলো যেন পাপ-খাচ্চ্যদ অধীনোত্ ন-চলিনে পবিত্র আত্মার্ অধীনোত্ চলিবাত্যে আমা ভিদিরে রীদি-সুদোমর্ দাবী-দাওয়া পূরোণ্ অয়।

২ করিন্হীয় 1:17

তুমি কি মনে গরঅ মুই কনঅ তামাশার্ মনভাব্‌পোই ইয়েনি ঠিগ্ গোজ্জ্যং? সাধারণ মানুচ্‌ যেবাবোত্যেগুরি একই সময়োত্ অয় আরঅ নয় কন্, মুই কি সেবাবোত্যেগুরি কনঅ কিজু ঠিগ্ গরং?

২ করিন্হীয় 10:4

সাধা-সিধে মান্‌জ্যে যেদক্কানি আত্যের্‌লোই যুদ্ধো গরন্ আমি সিয়েনিলোই যুদ্ধো ন-গুরির্, মাত্তর্ গোজেনর্ খেমতালোই আমার্ দরমর দেবাল ঘিজ্যে আত্যেরানি ভাঙি ফেলেই পারে।

গালাতীয় 2:20

মরে খ্রীষ্ট সমারে ক্রুশোত্ দিয়্যে ওইয়্যে। সেনত্যে মুই আর্ জেদা নয়, খ্রীষ্টই মঅ ভিদিরে জেদা আঘে। ইক্কিনে এই কিয়্যেগান্দোই মুই যে জিংকানি কাদাঙর্ সিয়েন গোজেন পুয়োবো উগুরে বিশ্বেজর্ মাধ্যমে কাদাঙর্। তে মরে কোচ্‌‌‌‌পেইনে মত্যে নিজোরে দান গোজ্জ্যে।

১ তীমথিয় 1:18

কোচ্‌পেইয়্যে পুয়ো তীমথিয়, তঅ পৌইদ্যেনে অন্যগুনে ভাববাদী ইজেবে যে কধানি কোইয়োন সেই কধা মজিম মুই তরে এ উগুমান দুয়োঙর্। সেই কধানি ইদোত্ রাগেইনে তুই খ্রীষ্টর পক্ষে মনেপরাণে যুদ্ধো গুরি যাহ্,

২ তীমথিয় 4:7

খ্রীষ্টর্ পক্ষে মুই মনে-পরাণে যুদ্ধ গোজ্জ্যং, মত্যে ঠিগ্ গোজ্জ্যে পধ্‌তানর্ থুম্ সং ধাবা দুয়োং আর খ্রীষ্টীয় ধর্ম-বিশ্বেজ্‌চানরে ধুরি রাগেয়োং।

ইব্রীয় 12:1

সালে দেগা যাত্তে, গোজেন উগুরে বিশ্বেজর্ সাক্ষী ইজেবে বোউত্ মানুচ্‌ আমা চেরোকিত্যেদি ঝাগ্ গুরি আঘন্। ইয়েনত্যে এজঅ, আমি পত্তি ঝাগুলুগ্ জিনিস আর যে পাপ্পানিয়ে সহজে আমারে বেড়েকোরে ধুরিনে সিয়েনিরে দূরোত্ ঠেলি দিইনে মুজুঙেদি জিদেজিত্যে ধাবাদেনাত্ ধৈয্য ধুরিনে ধাবা দিই।