২ করিন্হীয় 10:15 - Chakma Bible

¹⁵ সিয়েনবাদে অন্যগুনোর্ কামানিলোইয়ো আমি দেমাগ্ ন-গুরির্-যুনি গুরিদোং সালে সিয়েন দুযির্ বারেদি যেদঅ। আমি এ আজাগান্ গুরির্ যে, তমার্ বিশ্বেজ্ বাড়ানার্ লগে লগে আমি তমা ভিদিরে আরঅ বোউত্ কাম্ গুরি পারিবোং।

২ করিন্হীয় 10:15 ပူးပေါင်းရင်းမြစ်များ

প্রেরিত্‌ 5:13

যুনিয়ো মানুচ্চুনে তারারে অমকদ সর্মান গুরিদাক্ তো আর কনজনে তারা সমারে মিজেবাত্তে সাহচ্‌ ন-গুরিলাক্।

রোমীয় 15:20

খ্রীষ্ট নাঙান্ যিয়েনত কনদিন্অ কুয়ো ন-অয় সিয়েনত্ গম্ হবর্ ফগদাং গরানা মঅ জিবনর্ আজা, যেন অন্য মান্‌জ্যর্ বানেয়্যে জাগাত্ মত্তুন্ বানা ন-পড়ে।

২ করিন্হীয় 10:13

মাত্তর্ যেত্তমান্ দেমাগ্ গরানা উচিত্ সিয়েনর্ বারেদি আমি দেমাগ্ ন-গুরিবোং, বরং গোজেনে আমা কামর্ যে দুজিগান্ ঠিগ্ গুরি দিয়্যে সিয়েন ভিদিরে থেইনে দেমাগ্ গুরিবোং; আর সেই দুযিগান ভিদিরে তুমিয়ো আঘ।

২ থিষলনীকীয় 1:3

ভেইলগ্, তমাত্যে নিত্য গোজেনরে ভালেদি জানানা উচিত। তমা বিশ্বেজ্‌চান অমকদ বাড়ের্ আর তমার একজন উগুরে অন্যর্ কোচ্‌পানাগান পেলাং বেঈ পরের্ বিলিনে আমা পক্ষে সেই ভালেদি জানানাগান উচিত।