২ করিন্হীয় 10:13 - Chakma Bible

¹³ মাত্তর্ যেত্তমান্ দেমাগ্ গরানা উচিত্ সিয়েনর্ বারেদি আমি দেমাগ্ ন-গুরিবোং, বরং গোজেনে আমা কামর্ যে দুজিগান্ ঠিগ্ গুরি দিয়্যে সিয়েন ভিদিরে থেইনে দেমাগ্ গুরিবোং; আর সেই দুযিগান ভিদিরে তুমিয়ো আঘ।

২ করিন্হীয় 10:13 ပူးပေါင်းရင်းမြစ်များ

গীতসংহিতা 19:4

তো তারার্ ডাগনিগান গোদা পিত্‌‌‌থিমীত্ ছিদি পোজ্যে; তারার্ কধানি ছিদি পোজ্যে পিত্‌‌থিমীর থুমোর্ দুযি সং। আগাজত্ বেলানত্তে তে এক্কান্ তাম্বুল্ ঠাঙেয়্যে;

গম্ উপদেজ্ 25:14

যে মানুচ্চো দান গুরিবার পৌইদ্যেনে দাঙর্ দাঙর্ কধা কয় অদচ্ সিয়েন ন-গরে, তে এমন্ হুয়ো আর বোইয়্যের ধোক্ক্যেন যিয়েন সমারে কনঅ ঝড় ন-এজে।

যিশাইয় 28:17

মুই ন্যায়বিচেরানরে মাবর্ দুড়ি আর সততাগানরে ওলনদুড়ি গুরিম্; শিলোঝরানে তমারে আশ্রয় জাগা ধোক্ক্যেন্ মিজেগানরে ভস্ত গুরি দিবো, আর বান পানিগানে তমার পোল্যে থেবার্ জাগায়ান ভাজেই নেযেব।

মথি লেখ্যে গম্ হবর্ 25:15

সেই চাগরুনোর্ খেমতা অনুসারে তে এক্কোরে পাচ্ আজার্, এক্কোরে দ্বি আজার্ আর এক্কোরে এক আজার্ দীনার্ দিলো। সে পরেদি তে বিদেজত্ গেলঅ।

রোমীয় 10:18

মাত্তর্ মুই কং, ইস্রায়েলীয়গুনে কি সেই কধানি ন-শুনোন্? খামাক্কায় শুন্ন্যন্। পবিত্র বোইবো কয়, তারার্ ডাগানাগান্ গোদা দুনিয়েগানত্ ছিদি পোজ্জ্যে, ছিদি পোজ্জ্যে তারার্ কধানি জগদর্ থুমো দুজি সং

রোমীয় 12:3

মুই গোজেনত্তুন্ যে বিশেষ দোয়্যে পেইয়োং সিয়েনর্ মাধ্যমে মুই তমা বেক্কুনোরে কঙর্, নিজোরে যেত্তমান্ দাঙর্ মনে গরানা উচিত্ সিয়েনত্তুন্ বেশ্ দাঙর্ তুমি নিজোরে মনে ন-গোজ্য, বরং যেত্তমান্ যগাজ্যে সেত্তমান্ মনে গোজ্য। গোজেনে যিবেরে যেত্তমান্ বিশ্বেজর্ খেমতা দিয়্যে তাত্তুন্ বেশ্ কনজনে যেন নিজোরে মনে ন-গরন্।

রোমীয় 12:6

গোজেনর্ দোয়্যে মজিম্ আমি যুদো যুদো দান পেইয়্যেই। সেই দানান্ যুনি ভাববাদী ইজেবে গোজেনর্ কধা কবার্ খেমতা অয় সালে বিশ্বেজ্ অনুসারে তে গোজেনর্ কধা হোক্।

রোমীয় 15:20

খ্রীষ্ট নাঙান্ যিয়েনত কনদিন্অ কুয়ো ন-অয় সিয়েনত্ গম্ হবর্ ফগদাং গরানা মঅ জিবনর্ আজা, যেন অন্য মান্‌জ্যর্ বানেয়্যে জাগাত্ মত্তুন্ বানা ন-পড়ে।

১ করিন্হীয় 12:11

এ বেক্‌ কামানি সেই একই পবিত্র আত্মাগানে গুরি থায়। তে যেবাবোত্যেগুরি আওজ্ গরে সেবাবোত্যেগুরি এই বেক্ দানানি পত্তিজনরে যুদো যুদো গুরি দে।

ইফিষীয় 4:7

মাত্তর্ খ্রীষ্ট যেধোক্ক্যেন গুরি ঠিগ গুরি থোইয়্যে সেই ইজেব মজিম আমি পত্তি জনে যদবদে দোয়্যে পেইয়্যেই।

১ পিতর 4:10

গোজেনর্ নানান্ বাবোত্যে দোয়্যে পেইনে যে মানুচ্চো বিশ্বেজ্ গুরিনে সিয়েন কামত্ লাগেয়্যে, সেবাবোত্যে মানুচ্ ইজেবে তুমি গোজেনত্তুন্ যেধোক্ক্যেন দান পেইয়ো সিয়েন একজন আরেকজনর্ সেবা গুরিবাত্যে বেবহার গরঅ।