২ করিন্হীয় 1:17 - Chakma Bible

¹⁷ তুমি কি মনে গরঅ মুই কনঅ তামাশার্ মনভাব্‌পোই ইয়েনি ঠিগ্ গোজ্জ্যং? সাধারণ মানুচ্‌ যেবাবোত্যেগুরি একই সময়োত্ অয় আরঅ নয় কন্, মুই কি সেবাবোত্যেগুরি কনঅ কিজু ঠিগ্ গরং?

২ করিন্হীয় 1:17 ပူးပေါင်းရင်းမြစ်များ

যিরমিয় 23:32

ঘেচ্চেকগুরি মুই সেই ভাববাদীগুনো বিরুদ্ধে যিগুনে মিজে স্ববনর্ কধা কন। তারা সিয়েনি কন্ আর তারার বাড়্‌বো গোজ্যে মিজে কধালোই মঅ মানুচ্চুনোরে ভান্ন্যেই পধেদি নেযান। মাত্তর্ মুই তারারে ন-পাদাং বা উগুমঅ ন-দুয়োং। তারা এ মানুচ্চুনোরে এ শোস্যবিজিয়ো উপকার গুরি ন-পারন। মুই লগেপ্রভু এ কধাগান কঙর্।”

সফনিয় 3:4

তার ভাববাদীগুনে অবাধ্য আর বেঈমান। তার ধর্মগুরুগুনে সিজিগানরে অসিজি গরন্ আর রীদি-সুদোম বিরুদ্ধে পাপ গরন্।

মথি লেখ্যে গম্ হবর্ 1:19

মরিয়ম নেক্কো যোষেফে গম্ মানুচ্ এলঅ, মাত্তর্ তে মান্‌জ্য মুজুঙোত্ মরিয়মরে লাজত্ ফেলেবাত্তে ন-চেলঅ; ইয়েনত্তে তে ভিদিরে ভিদিরে তারে ন-লবঅ বিলি ঠিগ্ গুরিলো।

মথি লেখ্যে গম্ হবর্ 5:37

তমা কধাত্ অয় যেন অয় আর নয় যেন নয় অয়; ইয়েনর বেশ্ যিয়েন, সিয়েন শদান ইত্তুন্ এজে।

যোহন 8:15

মান্‌জ্যে যেবাবোত্যেগুরি বিচের্ গরন্ তুমি সেবাবোত্যেগুরি বিচের্ গুরি থাগঅ, মাত্তর্ মুই কারঅ বিচের্ ন-গরং।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

২ করিন্হীয় 11:18

মান্‌জ্যে যিয়েন নিইনে দেমাগ্ গরন্, ভালোক জনে যেক্কে সিয়েন্দোই দেমাগ্ গত্তন্ সেক্কে মুইয়ো ন-গুরিম কিত্ত্যে?

গালাতীয় 1:16

মুই যেন অযিহূদীগুনো ইধু খ্রীষ্ট পৌইদ্যেনে গম হবর্ প্রচার গরং, ইয়েনত্যে গোজেনে যেক্কে তার্ আওজ্ মজিম তা পুয়োবোরে মইধু ফগদাং গুরিলো সেক্কে মুই কনঅ মান্‌জ্য লগে সল্লা ন-গরং।

গালাতীয় 2:2

গোজেনর্ আওজ্‌চান ফগদাং অনার্ পরেদি মুই সিধু গেলুং। যে গম হবরান্ মুই অযিহূদীগুনো ইধু প্রচার গুরি থাং সিয়েন কলুং। মন্ডলীর গণ্যমান্য মানুচ্চুনো ইধু সিয়েনি বেক্কানি ভিদিরে ভিদিরে কলুং, কিয়া মর্ দর্ লাগেত্তে, অয়ত মুই অনত্তক্ কাম গরঙর্ বা গোজ্জ্যং।

১ থিষলনীকীয় 2:18

সেনত্যে আমি, বিশেষ গুরিনে মুই পৌল ভালোক্ বার্ তমা ইধু এবাত্যে চেইয়োং, মাত্তর্ শদানে আমারে মানা গোজ্জ্যে।

যাকোব 5:12

মর্ ভেইয়ুন্, মুই বিশেজ্ গুরিনে এ কধাগান কং, তুমি স্বর্গ, পিত্‌থিমী বা অন্য কনঅ জিনিজো নাঙে শমক্ ন-হেয়ো। সিয়েনত্তুন্ বরং তমার “অয়,” “অয়” ওক্ আর “নয়,” “নয়”ওক্, যেন তুমি বিচেরর্ দায়ত্ ন-পড়।

বিচের গুরিয়্যেগুন 9:4

তারা বাল্‌বরীতর মন্দিরত্তুন্‌ তারে সত্তুর কট্টা রূবো দিলো। অবীমেলকে সিগুন্দোই কুদুক্কুন বাজে ন-দোরেইয়্যে মানুচ্‌ ভাড়া গুরিলো। ইগুনে তার সমাজ্যে অলাক্‌।