২ বংশধর 10:4 - Chakma Bible

⁴ “তঅ বাবে আমা উগুরে এক্কান্‌ গুয়োর্‌ জুঙোল্‌ চাবি দিয়্যে, মাত্তর্‌ ইক্কিনে তুই আমা উগুরে চাপি দিয়্যে সে আগাত্যে কামানি কোমেইনে গুয়োর্‌ জুঙোলান্‌ পাদল্‌ গুরি দে; সালে আমি তরে সেবা গুরিবোং।”

২ বংশধর 10:4 ပူးပေါင်းရင်းမြစ်များ

১ রাজাবলী 12:4

“তঅ বাপ্পো আমা উগুরে এক্কান ঘুয়োর্‌ জুঙোল্‌ চাবি দিয়্যে, মাত্তর্‌ ইক্কিনে তুই আমা উগুরে চাপ্যে সে জদবদে কামানি কোমেইনে ঘুয়োর্‌ জুঙোলান্‌ পাদল্‌ গুরি দে; সেক্কে আমি তরে সেবা গুরিবোং।”

১ যোহন 5:3

গোজেনর্ উগুমানি পালানা অলঅ গোজেনরে কোচ্‌পানা।

মথি লেখ্যে গম্ হবর্ 23:4

তারা গুয়োর্ গুয়োর্ বুধি বানিনে মান্‌জ্য কানা উগুরে চাপি দুয়োন্, মাত্তর্ সিগুন সোরেবাত্তে নিজে এক্কো আঙুল্অ লাড়েবাত্তে ন-চান্।

যিশাইয় 47:6

মঅ মানুচ্চুনো উগুরে মঅ রাগ্‌‌কান জুলি উঠ্যে আর মঅ সোম্বোত্তিগানরে মুই অসিজি অবাত্তে দুয়োং। তারারে মুই তঅ আঢত্ তুলি দুয়োং আর তুই তারা উগুরে কনঅ মেয়্যে ন-দেগাচ্। এমন্ কি, বুড়ো মানুচ্চুনো উগুরেয়ো তুই গুয়োর্ বুদি চাপি দুয়োচ্।

১ রাজাবলী 9:22

মাত্তর্‌ তে কনঅ ইস্রায়েলীয়রে চাগর্‌ ন-বানায়; তারা এলাক্কে তা যুদ্ধোগুরিয়্যে, তা কামগুরিয়্যে, তা তলেন্দি শাজন্‌গুরিয়্যে, তা সেনাপতি আর তা রথচালেয়্যে আর ঘোড়াচালেইয়্যেগুনোর সেনাপতি।

১ রাজাবলী 5:15

শলোমন অধীনোত্‌ এলাক্‌ সত্তুর্‌ আজার কামভার পেইয়্যে মানুচ্‌ আর মুড়োমুড়িত্‌ পাত্তর্‌ কাবিবাত্তে এলাক্‌ আশি আজার মানুচ্‌।

১ রাজাবলী 4:25

শলোমনর্ জীংকানিত্‌ যিহূদা আর ইস্রায়েল, অত্তাৎ দানত্তুন্‌ বের্‌-শেবা সং বেক্কুনোর নিজোর নিজোর আংগুর গাছ আর ডোমোর গাজ্‌ এলাক্‌ আর তারা দোলেডালে বজত্তি গুরিদাক্।

১ রাজাবলী 4:20

যিহূদা আর ইস্রায়েলর মানচ্চুন অলাক্কে সাগর পার ধূল্যেচর ধোক্কেন্‌ গুণি ন-পুড়েইয়্যে।

যাত্রা 2:23

ইয়েনর্ বোউত্‌ দিন পরেদি মিসর রাজাবো মুরি গেলঅ। ইন্দি ইস্রায়েলীগুনে তারার্‌ গোলামী খাদদে খাদদে অরান্ ওইনে কানা দোজ্যন্‌। ইয়েনত্তুন্‌ উদ্ধোর্‌ পেবাত্তে তারার্‌ এই কানা-কুদিগানি গোজেন ইধু যেইনে লুমিলো।

১ রাজাবলী 5:13

রাজা শলোমনে পুরো ইস্রায়েলত্তুন্‌ ত্রিশ আজার মান্‌জ্যরে কাম গত্তে বাধ্য গুরিলো।

২ বংশধর 10:3

মানুচ্চুনে যারবিয়ামরে ডাগিনে পাধেই দেনার্‌ পরেন্দি তে আর ইস্রায়েলীয়গুনে বেক্কুনে রহবিয়াম ইদু যেইনে কলাক্‌,

২ বংশধর 10:5

জোবত্‌ রহবিয়ামে কলঅ, “তুমি তিন দিনোর্ দিন্নোত্ আরঅ এজঅ।” সেক্কে মানুচ্চুনে গেলাক্কোই।