১ তীমথিয় 5:21 - Chakma Bible

²¹ গোজেন আর খ্রীষ্ট যীশু আর বেঈ লোইয়্যে স্বর্গদূত্‌‍‍‍ত‌‍‍ুনো মুজুঙোত্ মুই তরে এ উগুমান দুয়োঙর্-কারঅ পক্ষ ন-লোইনে ইয়েনি বেক্কানি গুরিবে আর একচোক্ক্যে ওইনে কনঅ কাম ন-গুরিচ্।

১ তীমথিয় 5:21 ပူးပေါင်းရင်းမြစ်များ

গীতসংহিতা 107:43

যে জ্ঞানী তে ইয়েনি পৌইদ্যেনে মনযোগ দোক্ আর লগেপ্রভুর অমকদ কোচ্‌পানার পৌইদ্যেনে গমেডালে খিয়েল্ গোরোদোক্।

গীতসংহিতা 119:34

মরে বুঝোনা খেমতাগান দে, যেনে মুই তর্ উগুম মজিম চলি পারং আর মন দিইনে সিয়েনি পালেই পারং।

গম্ উপদেজ্ 18:5

দুষি মান্‌জ্যর তপ্পে লনা ঠিগ্ নয়, সেক্কে নিদ্দুযিবো উগুরে অবিচের্ গরা অয়।

লেবীয় 14:42

সে পরেদি যিয়েনত্তুন্‌ পাত্তর্‌ খুলি নেযা ওইয়্যে সিয়েনত্‌ নুয়ো পাত্তর্‌ বোজেনেই নুয়ো মাদি দিইনে লিবি দিয়া পুরিবো।

লেবীয় 19:15

অন্যেয় গুরি বিচের্‌ গরানা ন-চলিবো। বিচেরত্‌ চিগোন-দাঙর্‌ কারঅ‌ পক্ষ নেযানা ন-চলিবো; তুমি বেক্কুনো উগুরে দোল্‌বিচের্‌ গুরিবা।

মালাখি 2:9

তুমি মঅ পধেদি ন-চলঅ বরং রীদি-সুদোম পৌইদ্যেনে মানুচ্চুনো সমারে তুমি এক মোক্ক্যে ওইয়ো। সেনত্তে বেক্ মানুচ্চুনো মুজুঙোত্ মুই তমারে ঈচ্ গরে পারা আর অসর্মান অই পারা গুরিম।”

মথি লেখ্যে গম্ হবর্ 16:27

মান্‌জ্য পুয়োবো তা স্বর্গদূত্তুনোরে সমারে নিইনে তা বাবর্ মহিমালোই এজের্। সেক্কে তে পত্তি মান্‌জ্যরে তারার্ কাম মজিম্ ফল দিবো।

মথি লেখ্যে গম্ হবর্ 25:41

পরেদি তে তার্ বাঙেদি মানুচ্চুনোরে কবঅ, ও অভিশাব্ পেইয়্যে মানুচ্চুন্, মত্তুন্ তুমি দূর্ অ। শদান্ আর তা দূত্‌তুনোত্তে যে উমর কালর্ আগুন যুক্কোল্ গরা ওইয়্যে সিয়েন ভিদিরে যঅ।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

লূকে লেখ্যে গম্ হবর্ 20:21

সেনত্তে তারা তারে কলাক্, “মাষ্টরবাবু, আমি হবর্ পেই, তুই যিয়েনি কচ্ আর শিক্ষ্যে দুয়োচ্ সিয়েনি ঠিগ্। তুই বেক্কুনোরে সং চোগেদি দেগচ্ আর সত্য গুরিনে গোজেনর্ পধ পৌইদ্যেনে শিক্ষ্যে দি থাচ্।

লূকে লেখ্যে গম্ হবর্ 9:26

যুনি কেঅ মরে নিইনে আর মঅ কধালোই লাজান্, সালে মান্‌জ্য পুয়োবো যেক্কে নিজোর্ মহিমালোই, বাপর্ আর পবিত্র স্বর্গদূত্তুনোর্ মহিমালোই এবঅ সেক্কে তেয়ো সেই মানুচ্চো পৌইদ্যেনে লাজেব।

২ করিন্হীয় 5:16

সেনত্যে ইক্কেত্তুন্ ধুরি মান্‌জ্যরে আমি আর্ তার বারেদি অবস্থাগান্ দেগিনে বিচের্ ন-গুরিই। খালিক্ খ্রীষ্টরে আমি আগেদি সেবাবোত্যেগুরি বিচের্ গোজ্জ্যেই, মাত্তর্ ইক্কিনে আর সিয়েন ন-গুরিই।

দ্বি’লম্বর বিররণ 1:7

ইক্কিনে তুমি তাম্বুলানি তুলি নেযেইনে ইমোরীয়গুনোর মুড়োমুড়ি চাগালাত্‌ আর তার্‌ কায়-কুরে জাগায়ানির্‌ মানুচ্চুনো ইদু যঅ‌। তারা অরাবাতত্‌, উজু মুড়ো চাগালাত্‌, তলে মুড়োমুড়ি চাগালাত্‌, নেগেভ আর সাগরর্‌ পারত্‌ বজত্তি গরন। এই জাগায়ানি অলদে কনানীয়গুনোর্‌ দেজ্‌ছানি সুদ্দো লেবানন ওইনে বড়্‌গাঙ্‌ ইউফ্রেটিস সং বেক্‌ জাগাগান।

দ্বি’লম্বর বিররণ 33:9

নিজোর বাপ-মারে দাঙর্ গুরি ন-দেগানা, নিজোর ভেইয়োরে স্বীগের্ ন-গরানা, নিজোর পূঅ-ঝিগুনোরে অস্বীগের্ গরানা, তে তর্‌ কধানি চুগি দিয়্যে আর তর্‌ বেবস্থাগান্‌ রোক্ষে গোজ্যে।

১ থিষলনীকীয় 5:27

মুই প্রভুর্ নাঙে তমারে এই উগুমান দোঙর্, এ চিধিগান যেন বেক্‌ ভেইয়ুনো ইধু পড়িনে শুনো অয়।

১ তীমথিয় 6:13

গোজেন, যিবে বেক্কুনোরে জিংকানি দান গরে আর খ্রীষ্ট যীশু, যিবে পন্তীয় পীলাত মুজুঙোত্ সত্যর্ পৌইদ্যেনে সাক্ষ্য দিয়্যে, সেই গোজেন আর খ্রীষ্ট যীশুর্ মুজুঙোত্ মুই তরে এ উগুমান দুয়োঙর্-

২ তীমথিয় 2:14

এই বেক্‌ কধানি মানুচ্চুনোরে ইদোত্ গুরি দেনাত্ থাগ। গোজেন মুজুঙোত্ তারারে উজিয়ার গুরি দে যেন তারা বাজে কধালোই তর্কাতর্কি ন-গরন। ইয়েনর কনঅ দাম নেই, বরং যিগুনে সিয়েনি শুনোন্ তারারে সিয়েনে সর্বনাশ গরে।

২ তীমথিয় 4:1

খ্রীষ্টর্ ফিরি এজানা আর তা রেজ্য পৌইদ্যেনে মনত্ রাগেইনে গোজেন মুজুঙোত্ আর যিবে জেদা আর মরাগুনোর্ বিচের্ গুরিবো সেই খ্রীষ্ট যীশুর্ মুজুঙোত্ মুই তরে এ উগুমান দুয়োঙর্-

যাকোব 3:17

মাত্তর্ যে জ্ঞানান্ স্বর্গত্তুন্ এজে সিয়েন পত্তমে খাটি, সে পরেদি শান্তিলোই ভরা; সিয়েনত্ থায় সোজ্জ্যগুণ্ আর নম্রতা; সিয়েন দোয়্যে আর গম কামত্ ভরা, থির্ আর ভন্ডামী-নেইয়্যে।

২ পিতর 2:4

স্বর্গদূত্‌তুনে যেক্কে পাপ গোজ্জ্যন সেক্কে গোজেনে তারারে ইরি নঅ-দে বরং নরগর্ আন্ধার গাঢত্ ফেলে দিইনে বিচারত্যে থোই দিয়্যে।

যিহূদা 1:6

ইয়েনবাদে যে স্বর্গদূত্‌তুনে নিজোর্ অধিকারান রোক্ষ্যে ন-গুরিনে নিজোর্ জাগায়ানি ফেলেই যেইয়োন তারার কধানি ইদোত্ তুলো। সেই দাঙর্ দিন্নোর্ বিচেরর্ আজায় গোজেনে তারারে উমরত্যে আন্ধারত্ বানি থোয়্যে।

ফগদাং পেইয়্যে 14:10

সালে তাত্তুন্ গোজেনর্ রাগর্ মদ হা পড়িবো। এই মদ সমারে পানি ন-মিজেইনে গোজেনর্ রাগর্ গলজত্ ঢালি দিয়্যে ওইয়্যে। পবিত্র স্বর্গদুত্‌তুনোর্ আর ভেড়া-ছবোর্ মুজুঙোত্ আগুন আর গন্ধক্‌কোই সেই মানুচ্চোরে যস্ত্রণা দিয়্যে অবঅ।