১ তীমথিয় 5:11 - Chakma Bible

¹¹ গাবুজ্জ্যে রানি মিলেগুনোর্ নাঙানি রানিমিলে লিষ্টিত্ ন-লেখ্য, কিয়া যেক্কে তারার্ বো যেবার মন থেলে খ্রীষ্ট উগুরে তারার্ ভোক্তি কুমি এজে সেক্কে তারা নেগ্ লবাত্যে চান্।

১ তীমথিয় 5:11 ပူးပေါင်းရင်းမြစ်များ

যিশাইয় 3:16

লগেপ্রভু আরঅ কলঅ, “সিয়োনর মিলেগুন্ বাড়্‌বো। তারা মাঢাবো উজু গুরি আঢি বেড়ান্ আর চোগেদি ইজিরে দুয়োন্; টেঙ নূপুরোর্ রুম্‌ঝুম রঅবো তুলিনে তারা পাদল্ টেঙানিলোই কায়দা গুরিনে আঢন্।

হোশেয় 13:6

মুই তঅ মানুচ্চুনোরে হাবানার্ পরেদি তারার্ ঈল্ অলঅ; ঈল্ ওইনে তারা বাড়্‌‌‌‌‌বো অলাক্, আর সে পরেদি তারা মরে ভুলি গেলাক্।

দ্বি’লম্বর বিররণ 32:15

মাত্তর্‌ পক্তা ওই যিশুরূণে লাদি মারিলো। ও যিশুরূণ, তুই অমকদ হেইনে গুয়োর্ আর পক্তা ওইয়োচ্‌। সে পরেন্দি তে তার সৃট্টিগুরিয়্যে গোজেনরে ফেলেই গেলঅ, আর চিগোন গুরি দেগিলো তার জিরেবার-মুড়োবোরে।

১ তীমথিয় 4:3

ইগুনে মান্‌জ্যরে মোক্ ন-লবার উগুম দুুয়োন আর কনঅ কনঅ হানা খাদে মানা গরন্। মাত্তর্ বিশ্বেজিগুনে, যিগুনে গোজেনর্ সত্যগানরে জান্ন্যন্, তারা যেন ভালেদি জানেইনে খান সেনত্যে দঅ গোজেনে এই বেক্ হানাগানি সৃট্টি গোজ্যে।

১ তীমথিয় 5:12

ইয়েন্দোই তারা তারার্ আগ এগেমান্ ভাঙন্ বিলিনে নিজো উগুরে সাজা ডাগি আনন্।

১ তীমথিয় 5:14

সেনত্যে মুই এ উপদেজ্‌‍চান দুয়োঙর্, গাবুজ্জ্যে রানি মিলেগুনে নেগ্ লোদোক্, পুয়ো-ছাগুনোর্ মা ওদোক্, নিজোর্ নিজোর্ সংসারর্ দেগাশুনো গোত্তোক্ আর নিন্দে গুরিবাত্যে শত্রুগুনোরে কনঅ জু গুরি ন-দেদোক্।

১ তীমথিয় 5:9

রানি মিলেগুনোর্ নাঙর্ লিষ্টিত্ কনঅ রানি মিলের্ নাঙ্ লিগিবার আগেদি চাহ্ পরিবদে যে, তা বয়জ্‌চান ষায়েট বজরর্ কম নয় আর তে নেগ উগুরে বিশ্বেজি এলঅ।

যাকোব 5:5

এই পিত্‌থিমীত্ তুমি ভারী আরামে দিন কাদেয়ো আর বে-ইজেবি গুরি চলর্। মুরিবার দিন্নোত্যে তুমি নিজোরে বানা তাজা গোজ্জ্য।

২ পিতর 2:18

তারা বাজে আর দাঙর্ দাঙর্ কধা কন্ আহ্ মান্‌জ্যর পাপ-খাচ্চ্যদর্ কামনাবলা আওজ্‌চান জাগেই তুলিনে তারা এন্‌ মানুচ্চুনোরে ভুল পধেদি নেযান্ যিগুনে অন্যেয় ভিদিরে বজত্তি গুরিয়্যে মানুচ্চুনোত্তুন্ নিগিলি এবার পধত্ এলাক্।

ফগদাং পেইয়্যে 18:3

কিয়া তে তার্ বেভিচারর্ দর্‌গরেপারা মদ্‌তান বেক জাদ্‌তুনোরে হেবাত্যে দিয়্যে। পিত্‌থিমীর রাজাগুনে তা সমারে বেভিচের গোজ্জ্যন, আর পিত্‌থিমীর বেবসায়ীগুনে তার্ লাগাম-নেইয়্যে কামনালোই থাগোইয়্যে ওইয়োন।”

ফগদাং পেইয়্যে 18:7

তে নিজো পৌইদ্যেনে যেদক্ বেশ্ দেমাগ্ গোজ্জ্যে, যেদক্ বেশ্ উবোল্‌পাল্ গুরি বজত্তি গোজ্জ্যে, ঠিগ্ সেত্তমান যন্ত্রণা আর দুঘ্ তারে দে; কিয়া তা মনভিদিরে সেবাবোত্যেগুরি, ‘মুই দঅ রাণী ওইনে বৈ আঘং, মুই রানি মিলে নয়; কনঅ বাবদে মুই দুঘ্ ভুগি ন-পারিম।’

ফগদাং পেইয়্যে 18:9

পিত্‌থিমীর্ যিদুক্কুন্ রাজা তা সমারে বেভিচের্ গোজ্জ্যন আর উবোল্‌পাল্ গুরি তা সমারে বজত্তি গোজ্জ্যন তারা তারে পুড়ি ফেলেবার্ সময়োত্ ধূমো দেগিনে কানিবাক্ আর তাত্যে দুঘ্ পেবাক্।