১ তীমথিয় 5:1 - Chakma Bible

¹ যিগুনে বুড়ো, তারারে দুষ্ দেগেবাত্যে গবাচবা ন-গোজ্য; বাব ধোক্ক্যেন মনে গুরিনে তারারে বুঝো। গাবুজ্জ্যেগুনোরে ভেইয়ো ধোক্ক্যেন মনে গুরিনে বুঝো।

১ তীমথিয় 5:1 ပူးပေါင်းရင်းမြစ်များ

লেবীয় 19:32

যিগুনে বুড়ো তারা কায়কুরে এলে উদিনে থিয়্যেবা আর তারারে সর্মান গরা পুরিবো। তুমি তমার গোজেনরে ভোক্তি গুরিনে দোরেবা। মুই লগেপ্রভু।

মথি লেখ্যে গম্ হবর্ 23:8

কেঅ তমারে মুরুব্বী বিলি ডাগোক্ সিয়েন্ ন-চেয়ো, কিয়া তমার্ মুরুব্বী কধে বানা একজন আঘে, আর তুমি বেক্কুনে ভেই ভেই।

প্রেরিত্‌ 14:23

তারা পত্তি মন্ডলীত্ আজল্ নেতাগুনোরে কামত্ অদে অদে লাগেলাক্ আর যে প্রভু উগুরে তারা বিশ্বেজ্ গোজ্জ্যন্, তবনা গুরিনে আর উবোচ্‌ থেইনে সেই প্রভু আঢত্ মন্ডলী মানুচ্চুনোরে তুলি দিলাক্।

প্রেরিত্‌ 15:4

যেক্কে পৌল আর বার্ণবা যিরূশালেমত্ এলাক্ সেক্কে মন্ডলীর মানুচ্চুনে, নেতাগুনে আর প্রচারক্কুনে আওজ্ গুরিনে তারারে মানি ললাক্। তারারে দিইনে গোজেনে যিয়েনি গোজ্জ্যে সিয়েনি বেক্কানি তারা বেক্কুনোরে কলাক্।

প্রেরিত্‌ 15:6

সেক্কে প্রচারক্কুনে আর মন্ডলীর নেতাগুনে এ পৌইদ্যেনে চিন্তে গুরিবাত্তে এক জাগাত্ এগত্তর্ অলাক্।

প্রেরিত্‌ 20:17

পৌলে মিলীতত্তুন্ ইফিষত্ মানুচ্‌ পাধেইনে সিধুগো মন্ডলীর নেতাগুনোরে ডাগিলো।

রোমীয় 13:7

যার্ যিয়েন পাওনা তারে সিয়েন দে। যে খাজানা তুলে তারে খাজানা দে; যে সরকারি কর্ তুলে তারে সরকারি কর্ দে; যারে শ্রদ্ধা গরানা উচিত্ তারে শ্রদ্ধা গরঅ; যারে সর্মান গরানা উচিত্ তারে সর্মান গরঅ।

গালাতীয় 6:1

ভেইলগ্, তমাত্তুন্ যুনি কেঅ অঢাদত্ কনঅ পাপত্ পড়ে, সালে তুমি যিগুনে পবিত্র আত্মার্ অধীনোত্ আঢাউদো গরর্ তুমি তারে তুলি আন্ন্য। মাত্তর্ ভারী নরম মনভাব্‌পোই তুমি এ কামান্ গোজ্জ্য আর নিজো পৌইদ্যেনে উজিয়ার্ থেয়ো, যেন তুমিয়ো পাপত্ ন-পড়।

দ্বি’লম্বর বিররণ 33:9

নিজোর বাপ-মারে দাঙর্ গুরি ন-দেগানা, নিজোর ভেইয়োরে স্বীগের্ ন-গরানা, নিজোর পূঅ-ঝিগুনোরে অস্বীগের্ গরানা, তে তর্‌ কধানি চুগি দিয়্যে আর তর্‌ বেবস্থাগান্‌ রোক্ষে গোজ্যে।

১ তীমথিয় 5:17

মন্ডলীর যে আজল্ নেতাগুনে গমেডালে মন্ডলীর পরিচালনা গরন্, বিশেষ গুরি যিগুনে গোজেনর্ কধা প্রচার আর শিক্ষ্যে দান গুরিবাত্যে কাম গরন্, তারার্ পাওনা দ্বিগুন অনা উচিত।

১ তীমথিয় 5:2

বয়জে দাঙর্ মিলেগুনোরে মা ধোক্ক্যেন গুরি বুঝো আর গাবুজ্জ্যে মিলেগুনোরে বোনো ধোক্ক্যেন মনে গুরিনে গম্ মনভাব্‌পোই বুঝো।

তীত 2:2

যিগুনে বুড়ো, তারারে কবে যেন তারা বেক্কানি পৌইদ্যেনে নিজোরে দোঙেই রাগান; তারা যেন সর্মান পেবার যগাজ্জ্যে অন্; তারার্ যেন গম বিচেরবুদ্ধি, সত্য বিশ্বেজ্, কোচ্‌পানা আর ধৈজ্জ্যগুণ থায়।

তীত 2:6

সেবাবোত্যে গুরি গাবুর্ মরদ্‌তুনোরে উপদেচ্‌ দুয়ো যেন তারা নিজোরে দোঙেই রাগান।

যাকোব 3:17

মাত্তর্ যে জ্ঞানান্ স্বর্গত্তুন্ এজে সিয়েন পত্তমে খাটি, সে পরেদি শান্তিলোই ভরা; সিয়েনত্ থায় সোজ্জ্যগুণ্ আর নম্রতা; সিয়েন দোয়্যে আর গম কামত্ ভরা, থির্ আর ভন্ডামী-নেইয়্যে।

যাকোব 5:14

তে নাঙ্ গিনেদে গীদ্ গোক্। কেঅ কি অসুগ্? তে মন্ডলীর আজল্ নেতাগুনোরে দাগোক্। তারা প্রভুর নাঙে তা মাঢাবোত্ তেল্ দিইনে তাত্যেই তবনা গোত্তোক্।

১ পিতর 5:1

মুই খ্রীষ্টর্ দুঘ্ ভুগোনার সাক্ষী আর খ্রীষ্টর্ যে মহিমা ফগদাং অবঅ সিয়েনর্ ভাগী। সেনত্যে তমা ভিদিরে যিগুনে মন্ডলীর আজল্ নেতা তারারে মুই আর এক্কো আজল্ নেতা ইজেবে এ উপদেচ্‌‌চান দোঙর্-

২ যোহন 1:1

গোজেনে যিবেরে বেঈ লোইয়্যে সেই মিলেবো আর তা পুয়ো-ছাগুনো ইধু সেই বুড়ো নেতাবো মুই এ চিধিগান লেগঙর্। গোজেনর্ সত্যগানত্যে মুই তমারে বেক্কুনোরে কোচ্‌পাং। বানা যে মুই তমারে কোচ্‌পাং সিয়েন নয়, মাত্তর্ যিগুনে গোজেনর্ সত্যগান হবর্ পেইয়োন সিগুনে বেক্কুনে তমারে কোচ্‌পান।

৩ যোহন 1:1

গোজেনর্ সত্যর্ কারনে মুই যিবেরে কোচ্‌পাং মর্ সেই পরাণর্ সমাজ্জ্যে গাইয় ইধু সেই বুড়ো নেতাবো মুই এ চিধিগান লেগঙর্।

ফগদাং পেইয়্যে 4:4

সেই সিংহাসনানর চেরোকিত্যেদি আরঅ চব্বিচ্চান সিংহাসন এলঅ, আর সেই সিংহাসনানিত্ চব্বিচ্‌জন নেতা বৈ এলাক্। তারার পোজাগ্‌কানি এলঅ ধুব্ আর তারার মাঢাত্ সনার মুকুট এলঅ।