১ তীমথিয় 4:6 - Chakma Bible

⁶ যুনি তুই এ বেপারানি ভেইয়ুনোরে বুঝেই দুয়োচ্ সালে খ্রীষ্টীয় ধর্ম-বিশ্বেজর্ যে সত্যগান আর ভুল-নেইয়্যে শিক্ষ্যেগান তুই মানি চলর্, সিয়েন্দোই কাবিল্ ওইনে খ্রীষ্ট যীশুর এক্কো যগাজ্জ্যে সেবাগুরিয়্যে অবে।

১ তীমথিয় 4:6 ပူးပေါင်းရင်းမြစ်များ

গীতসংহিতা 19:7

লগেপ্রভুর উগুমোত্ কনঅ ভেজাল্ নেই, সিয়েনে মান্‌‌জ্যরে জাগেই তুলে। লগেপ্রভুর কধানি বিশ্বেজ্ গুরিবার, সিয়েনিয়ে সিদেসিদি মানুচ্চুনোরে জ্ঞান দে।

গম্ উপদেজ্ 4:2

মুই তমারে গম্ শিক্ষ্যে দুয়োঙর্, সেনত্তে মঅ উগুমোর অবাধ্য ন-ওয়ো।

যিরমিয় 15:16

তঅ কধানি ফগদাং অলে পরেদি মুই সিয়েনি মনত্ গুজি ললুং; সে কধানি এলদে হুজির্ আর মঅ মনর্ সুগ, কিত্তে ও বেগত্তুন্ খেমতাবলা গোজেন লগেপ্রভু, মুই দঅ তরই।

মথি লেখ্যে গম্ হবর্ 13:52

সেক্কে যীশু তারারে কলঅ, “স্বর্গ-রেজ্যেগান পৌইদ্যেনে যিদুক্কুন ধর্ম মাষ্টরে শিক্ষ্যে পেইয়োন তারা বেক্কুন এমন্ এক্কো গিরোজ ধোক্ক্যেন্ যিবে তা ভান্ডালত্তুন্ নুয়ো আর পূরোণ জিনিস নিগিলায়।”

লূকে লেখ্যে গম্ হবর্ 1:3

সেই বেক্ বিষয়ানি পৌইদ্যেনে পৌইল্যাত্তুন্ ধুরি গমেডালে হবরা-হবর্ লোইনে তত্তে সিয়েন এক্কান্ এক্কান্ গুরি লেগানা মুইয়ো গম্ বিলি মনে গুরিলুং।

প্রেরিত্‌ 1:15

সেক্কে পিতরে একদিন খ্রীষ্ট উগুরে বিশ্বেজি প্রায় একশ কুড়িজন মান্‌‌জ্য মুজুঙোত্ থিয়্যেইনে কলঅ,

প্রেরিত্‌ 20:31

ইয়েনত্তে তুমি উজিয়ার্ থাগঅ। ইদোত্ রাগেবা, তিন বজর্ সং দিন-রেদ্ চোগো পানিলোই মুই তমারে পত্তিজনরে উজিয়ার্ গোজ্জ্যং, কনদিন্অ জুরো গুরি ন-থাগঅ।

প্রেরিত্‌ 20:35

মুই যিয়েনি গোজ্জ্যং সিয়েনি বেক্কানি তমারে দেগেয়োং, এবাবোত্যেগুরি জদবদে কাম্ গুরিনে বল্‌পোজ্যেগুনোরে সাহায্য গরানা উচিত্ আর প্রভু যীশুর্ এ কধাগান আমাত্তুন্ ইদোত্ রাগানা উচিত, পানাত্তুন্ দেনাত্ আরঅ বেশ্ আশিদ্‌বাদ আঘে।

রোমীয় 15:15

তো কয়েক্কো পৌইদ্যেনে তমারে ইদোত্ তুলি দিবাত্তে মুই সাহচ্‌ গুরিনে তমা ইধু এ কধাগানি লিগিলুং, কিয়া গোজেনে মরে অযিহূদীগুনো ইধু খ্রীষ্ট যীশুর্ সেবাগুরিয়্যে অবার্ বর্ দিয়্যে। পবিত্র আত্মালোই যিদুক্কুন্ অযিহূদীরে যুদো গুরি থুয়ো ওইয়্যে, তারা যেন গোজেনর্ মানি লোইয়্যে উৎসর্ব ওই পারন্ সেনত্তে তার্ দিয়্যে গম্ হবর্ ফগদাং গুরিনে মুই ধর্মগুরুর্ কাম্ গরঙর্।

১ করিন্হীয় 4:17

আর ইয়েনত্তে মুই তীমথিয়রে তমা ইধু পাধেয়োং। বিশ্বেজি ইজেবে তে মর্ কোচ্‌পেইয়্যে আর বিশ্বেজি পুয়ো। যীশু সমারে এগত্তর্ ওইনে মর্ শিক্ষ্যে আর কামানি কিবাবোত্যে, তে সিয়েন তমারে ইদোত্ তুলি দিবো। পত্তি জাগাত্ পত্তি মন্ডলীত্ মুই সেই পৌইদ্যেনে এক্কুই শিক্ষ্যে দি থাং।

২ করিন্হীয় 11:23

তারা কি খ্রীষ্টর্ সেবাগুরিয়্যে? মুই আরঅ বেচ্‌ গুরি সেধোক্ক্যেন। মনত্ রাগেয়ো, মুই মাঢা-খারাব মান্‌জ্য ধোক্ক্যেন কধা কঙর্। খ্রীষ্টর্ সেবা গুরিবাত্যে যেইনে মুই তারাত্তুন্ বোউত্ বেশ্ কাম গোজ্জ্যং, আরঅ ভালোক্ বার জেল্ কাট্ট্যং, আরঅ ভালোক্ বার পিদে খেইয়োং, ভালোক্ বার মরণ মুয়োত্ পোজ্জ্যং।

২ করিন্হীয় 3:6

এক্কান নুয়ো বেবস্থার্ কধা জানিবাত্যে তেয়ই আমারে যোগাজ্জ্যে গুরি তুল্ল্যে। এ বেবস্থাগান্ অক্ষরে অক্ষরে আইন-কানুন্ পালানার্ বেপার নয়, মাত্তর্ পবিত্র আত্মার পরিচালনায় মনর্ বাধ্যতার্ বেপার; কিয়া আইন-কানুনে মরণ আনে, মাত্তর্ পবিত্র আত্মাগানে জিংকানি দান গরে।

২ করিন্হীয় 6:4

তাত্তুন্ বরং বেক্কানি পৌইদ্যেনে গোজেনর্ সেবাগুরিয়্যে বিলিনে আমি নিজোরে প্রমাণ গুরিই। অত্যেচার্, দযা আর দুঘোত্ বোউত্ ধৈজ্জ্য ধুরিনে আমি এ প্রমাণান্ দির্।

ইফিষীয় 6:21

মুই কেধোক্ক্যেন আঘং আর মর্ দিনুন্ কেধোক্ক্যেন গুরি কাদাঙর্ সিয়েন কোচ্‌পেইয়্যে ভেই আর প্রভুর বিশ্বেজি সেবাগুরিয়্যে তুখিকত্তুন্ জানি পারিবা।

ফিলিপীয় 2:20

মঅ লগে এমন্‌ আর কেঅ নেই, যে তীমথিয় ধোক্ক্যেন গুরিনে ঘেচ্চ্যেকগুরি তমাত্যে চিন্তে গরে।

ফিলিপীয় 2:22

মাত্তর্ তুমি কোই পারঅ, তীমথিয় তার্ যোগ্যতাগান প্রমাণ গোজ্জ্যে, কিয়া যেধোক্ক্যেন গুরিনে পুয়োবো বাব সমারে কাম্ গরে সেধোক্ক্যেন গুরিনে তে মঅ সমারে যীশু খ্রীষ্ট পৌইদ্যেনে গম হবর্ প্রচারর্ কামত্ দুঘ্ গোজ্জ্যে ।

ফিলিপীয় 3:16

যিয়েন ওক্‌, আমি যেবাবোত্যে অবস্থানত্ লুম্মেয়ি সেই মজিম চলানা উচিত।

কলসীয় 2:19

তারা দরমর গুরি মাঢাবোরে, অত্তাৎ যীশু খ্রীষ্টরে ধুরি ন-থান্, অদচ সেই মাঢাবোর্ চাল্লোই গোদা কিয়্যেগান আড়্-এড়ালোই মিজেইনে আর থির্ থেইনে গোজেনর্ আয়োজ মজিম দাঙর্ অ।

কলসীয় 3:16

গোজেনর্ কধানিরে তুমি রিবেঙত্ গমেডালে বজত্তি গুরিবাত্যে দুয়ো। গোজেনর্ দিয়্যে জ্ঞানে একজন আরেকজনরে শিক্ষ্যে আর সল্লা দুয়ো আহ্ রিবেঙদি কৃতজ্ঞতার্ লগে গোজেন নাঙে গীতসংহিতার গীদ্ আর আত্মিক আহ্ বাঈনী গুরিবার গীদ্ গঅ।

কলসীয় 4:7

আমা কোচ্‌পেইয়্যে ভেই আর বিশ্বেজি সেবাগুরিয়্যে আহ্ প্রভুর কামত্ আমার সমাজ্যে তুখিকে মর্ বেক্‌ হবরানি তমারে দিবো।

১ তীমথিয় 1:10

যিগুনে সিনেলী গরন, যিগুনে সমকামী, যিগুনে চাগর বেবসা গরন্, যিগুনে মিজে কধা কন্ আর মিজে সাক্ষি দুয়োন, আর যিগুনে সত্য শিক্ষ্যের বিরুদ্ধে অন্য কনঅ কাম্ গরন।

১ তীমথিয় 4:16

তর্ নিজো পৌইদ্যেনে আর তর্ শিক্ষ্যে পৌইদ্যেনে উজিয়ার্ থাক্। ইয়েনি গরানাত্ থাক্, কিয়া সেক্কে তুই নিজোরে রোক্ষ্যে গুরি পারিবে আর যিগুনে তঅ কধা শুনিবাক্ তারারেয়ো রোক্ষ্যে গুরি পারিবে।

১ তীমথিয় 6:3

কেঅ যুনি অন্য বাবোত্যে শিক্ষ্যে দে আর সত্য উপদেচ্‌, অত্তাৎ আমা প্রভু যীশু খ্রীষ্টর্ শিক্ষ্যে আর গোজেন-ভোক্তির্ শিক্ষ্যে মানি ন-লয় সালে তে দেমাগী।

২ তীমথিয় 1:6

ইয়েনত্যে মুই তরে আরঅ এ কধাগান কবাত্যে চাং-তঅ উগুরে মঅ আঢ্‌তান দিইনে গোজেনে তরে যে বিশেষ দান দিয়্যে সিয়েন আরঅ জাগেই তুল্।

২ তীমথিয় 3:10

তুই মর্ শিক্ষ্যে, চালচলন্, উদ্দেচ্চ্য, বিশ্বেজ্, সোজ্জ্যগুণ, কোচ্‌পানা আর ধৈজ্জ্য পৌইদ্যেনে গমেডালে খিয়েল্ গোজ্জ্যস্।

২ তীমথিয় 4:3

এন্‌ অক্ত এবঅ যেক্কে সত্য শিক্ষ্যেনি মান্‌জ্যর সোজ্জ্য ন-অবঅ, বরং নিজো আওজ্‌চান পূরোণ গুরিবাত্যে তারা ভালোক্কুন্ মাষ্টর্ তুবেবাক্ যিগুনে তারারে হুজি গরেদে ধোক্ক্যেন শিক্ষ্যে দিবাক্।

তীত 2:1

তুই এন্‌ গুরিনে শিক্ষ্যে দিবে যেনে তঅ কধানি সমারে সত্য শিক্ষ্যের্ মিল্ থায়।

১ পিতর 2:2

এই ইক্কিনে জোর্মেয়্যেদে চিগোন্ গুরো ধোক্ক্যেন তমার্ আধ্যাত্মিকভাবে বাড়িবাত্যে খাটি দুধ পেবাত্যে তুমি ভারী আওজি অ, যেন সিয়েন্দোই বাড়দে বাড়দে তুমি পুরোপুরি উদ্ধোরর্ ইন্দি উজেই যেই পারঅ।

২ যোহন 1:9

যিগুনে খ্রীষ্টর্ দিয়্যে শিক্ষ্যে ন-পালান্ আর সেই শিক্ষ্যেলোই থিদেবর্ ন-থান তারা মনভিদিরে গোজেনে নেই। মাত্তর্ যে সেই শিক্ষ্যেলোই থির্ গুরি থায় তা মনভিদিরে বাবে আর পুয়োবো দ্বিয়োজনে আঘন্।

যিহূদা 1:5

তুমি খালিক্ এ বেপারানি গমেডালে কোই পারঅ; তো মুই তমারে এ কধাগান ইদোত্ তুলি দিবাত্যে চাং, মিসর দেজত্তুন্ ইস্রায়েলীয়গুনোরে উদ্ধোর্ গুরি আনিবার পরেদি যিগুনে বিশ্বেজ্ ন-গরন প্রভু তারারে ভস্ত গোজ্জ্যে।