১ তীমথিয় 4:16 - Chakma Bible

¹⁶ তর্ নিজো পৌইদ্যেনে আর তর্ শিক্ষ্যে পৌইদ্যেনে উজিয়ার্ থাক্। ইয়েনি গরানাত্ থাক্, কিয়া সেক্কে তুই নিজোরে রোক্ষ্যে গুরি পারিবে আর যিগুনে তঅ কধা শুনিবাক্ তারারেয়ো রোক্ষ্যে গুরি পারিবে।

১ তীমথিয় 4:16 ပူးပေါင်းရင်းမြစ်များ

১ বংশধর 28:10

ইক্কিনে মনযোগী অ, কিয়া তবনা গুরিবাত্তে এক্কান্‌ ঘর্‌ বানেবাত্তে লগেপ্রভু তরে বেঈ লোইয়্যে। তুই বোলী অ আর কাম্‌ গর্‌।”

২ বংশধর 19:6

তে বিচেরগ্‌কুনোরে কলঅ, “তুমি উজিয়ার্‌ ওইনে বেক্‌ কামানি গুরিবা, কিত্তে তুমি কনঅ মান্‌জ্যত্তে নয় বরং লগেপ্রভুত্তে বিচের্‌ গুরিবা। বিচেরর্‌ রায় দিবার্‌ অক্তত্‌ তে তমা লগে থেবঅ।

যাত্রা 23:13

মুই তমারে যেদক্কানি উগুম্‌ দিলুং সিয়েনি বেক্কানি হামাক্কায়্‌ পালেবা। কনঅ‌ দেবেদার নাঙ্‌ মুয়োত্‌ ন-আনিবা, সিয়েনি যেনে তমা মুয়োত্তুন্‌ শুনো ন-যায়।

যিশাইয় 55:11

ঠিগ্ সেধোক্ক্যেন গুরি মঅ মুয়োত্তুন্ নিগিলি এচ্চ্যে কধানি নিষ্ফল ওইনে মইদু ফিরি ন-এবঅ, বরং সিয়েনি মঅ আওজ্ মজিম্ কাম গুরিবো আর যে আজায় মুই পাদেয়োং সিয়েন সফল অবঅ।

যিরমিয় 23:22

মাত্তর্ তারা যুনি মঅ মুজুঙোত্ থিয়্যেদাক, সালে মঅ মানুচ্চুনো ইধু তারা মঅ কধানি ফগদাং গুরিদাক্ আর ভান্ন্যেই পথ আর ভান্ন্যেই কামত্তুন্ তারারে ফিরেদাক্।”

মার্ক 13:9

তুমি উজিয়ার্ থেয়ো। মানুচ্চুনে তমারে বিচের-সভাত্ মানুচ্চুনো আঢত্ ধুরি দিবাক্ আর সমাজ-ঘরত্ পিদিবাক্। মত্তেই দেজর্ শাসনগুরিয়্যেগুন আর রাজাগুনো মুজুঙোত্ তমাত্তুন্ থিয়্যে পুড়িবো। তারা মুজুঙোত্ মঅ পৌইদ্যেনে তমাত্তুন্ সাক্ষী দিয়্যে পুড়িবো।

লূকে লেখ্যে গম্ হবর্ 21:34

“তুমি উজিয়ার্ থেয়ো যেন তমা মনানি ওলোমোত্ত্য, মাত্তলে ধুরিনে আর সংসারর্ চিদেলোই লুঙি ন-পড়। সিয়েন ন-অলে ফাল্ যেবাবোত্যেগুরি অদাদত্ বানা যায় সেবাবোত্যেগুরি অদাদত্ সে দিন্নো তমা উগুরে, এমন কি, পিত্‌থিমীর বেক্ মানুচ্চুনো উগুরে এইনে পুড়িবো।

প্রেরিত্‌ 26:22

মাত্তর্ গোজেনে এচ্চ্যে সং মরে এজাল্ দি এজের্ আর সেনত্তে মুই ইয়েনত্ থিয়্যেইনে চিগোন্-দাঙর্ বেক্কুনো ইধু সাক্ষ্য দোঙর্। ভাববাদীগুনে আর মোশি যিয়েনি ঘুদিবার কধা কোই যেইয়োন্ সিয়েনির বারেদি মুই কিচ্চু ন-কঙর্।

রোমীয় 11:14

ইয়েন্দোই যেন মুই মঅ নিজো জাদর্ মানুচ্চুনোরে আওজ্ জাগেইনে তারাত্তুন্ কয়েক্কো মান্‌জ্যরে উদ্ধোর্ গুরি পারং।

রোমীয় 16:17

ভেইলগ্, তুমি যে শিক্ষ্যে পেইয়ো সিয়েনির বিরুদ্ধে শিক্ষ্যে দিইনে যিগুনে দলাদলি আর মানা গরন্, সিগুনো উগুরে খিয়েল্ রাগেবাত্তে মুই তমারে বিশেষ্ গুরিনে কোজোলি গরঙর্। তুমি তারাত্তুন্ দূরোত্ থেইয়ো,

রোমীয় 2:7

যিগুনে ধৈজ্জ্য ধুরিনে গম্ কাম্ গরন্ গোজেনত্তুন্ বাঈনী, সর্মান আর ভস্ত ন-ওইয়্যে জিংকানি পেবাত্তে চান, গোজেনে তারারে উমর জিংকানি দিবো।

১ করিন্হীয় 1:21

গোজেনে তার্ নিজোর্ জ্ঞানে থির্ গোজ্জ্যে বিলিনে জগদ্‌তানে তার্ নিজো জ্ঞান্দোই গোজেনরে হবর্ ন-পায়। ইয়েনত্তে গম্ হবরর্ মূর্খতালোই পাপত্তুন্ বিশ্বেজিগুনোরে উদ্ধোর্ গরানা গোজেনে গম্ বিলি মনে গুরিলো।

১ করিন্হীয় 9:22

যিগুনোর্ বিশ্বেজ্ কম্ তারা ইধু মুই সেবাবোত্যে মান্‌জ্য ধোক্ক্যেন ওইয়োং, যেন খ্রীষ্টত্যে তারারে পুরোপুরি গুরিনে জিদি পারং। আজল্ কধা, মুই বেক্কুনো ইধু বেক্কানি ওইয়োং যেন যে কনঅ বাবদে কিজু মন্‌জ্যরে উদ্ধোর্ গুরি পারং।

১ করিন্হীয় 9:27

মুই বরং কিয়্যেগানরে দুঘ্ দিইনে নিজো অধিনোত্ রাগেয়োং, যেন অন্যগুনো ইধু গম্ হবর্ প্রচার গরানার্ পরেদি মুই নিজে বক্‌শিজ্‌ পেবার অযোগ্য ওই ন-পরং।

ইফিষীয় 4:14

মান্‌জ্যে পাজি বুদ্ধি খাদেইনে অন্যগুনোরে ভুল্ পধেদি নেযেবাত্যে যে ভুল্ শিক্ষ্যেনি দুয়োন, সেই ভুল্ শিক্ষ্যেনি ভিদিরে আমি বৈয়্যেরে দুলি উঠ্যে তুবোল ধোক্ক্যেন ইন্দি উন্দি ন-দুলিবোং।

কলসীয় 4:17

আর্খিপ্পরে এ কধাগান কঅ, “প্রভুর সেবা গুরিবাত্যে তরে যে কামান্ দিয়্যে ওইয়্যে সিয়েন থুম্ গরানা ইন্দি বিশেষ গুরি মনযোগ দুয়ো।”

১ থিষলনীকীয় 2:16

তারা আমারে মানা গরন্ যেন অযিহূদীগুনোরে পাপত্তুন্ উদ্ধোরত্যে তারা ইধু আমি কনঅ কধা কোই ন-পারিই। এবাবোত্যেগুরি এই যিহূদীগুনে নিত্য পাপ উগুরে পাপ গোজ্জ্যন, আর গোজেনর্ রাগ্‌কান পুরোপুরি গুরিনে তারা উগুরে এইনে লুম্মেগি।

১ তীমথিয় 1:3

মুই ম্যাসিডোনিয়াত্ যেবার সময়োত্ তরে যিয়েনি কোইয়োং ইক্কিনিয়ো সিয়েনি কঙর্-তুই ইফিষ শঅরত্ থাগ্, যেনে কয়েক্কো মান্‌জ্যরে নিদ্দেচ্‌ দি পারচ যেন তারা আর ভুল্ শিক্ষ্যে ন-দুয়োন।

১ তীমথিয় 4:15

এ বেপারানিলোই মনযোগি অ; নিজোরে পুরোপুরি গুরিনে সিয়েন ভিদিরে ডুবেই রাগা, যেন বেক্কুনে দেগন্ যে, তুই উজেই যর্।

১ তীমথিয় 4:6

যুনি তুই এ বেপারানি ভেইয়ুনোরে বুঝেই দুয়োচ্ সালে খ্রীষ্টীয় ধর্ম-বিশ্বেজর্ যে সত্যগান আর ভুল-নেইয়্যে শিক্ষ্যেগান তুই মানি চলর্, সিয়েন্দোই কাবিল্ ওইনে খ্রীষ্ট যীশুর এক্কো যগাজ্জ্যে সেবাগুরিয়্যে অবে।

২ তীমথিয় 2:10

সেনত্যে গোজেনে যিগুনোরে বেঈ লোইয়্যে সিগুনোত্যে মুই বেক্কানি সোজ্জ্য গরঙর্, যেন তারায়ো খ্রীষ্ট যীশুলোই পাপত্তুন্ উদ্ধোর পান্ আর উমরর্ মহিমা লাভ গরন।

২ তীমথিয় 3:14

মাত্তর্ তুই যিয়েনি শিক্ক্যচ্ আর ঘেচ্চ্যেক গুরি বিশ্বেজ্ গোজ্জ্যস্ সিয়েনিলোই থির্ থাগ্, কিয়া কাত্তুন্ তুই সিয়েনি শিক্ক্যচ্ সিয়েন দঅ তুই কোই পারচ্।

২ তীমথিয় 4:2

গোজেনর্ কধানি ফগদাং গরঅ; সময়োত্ ওক্‌ বা অসময়ত্ ওক্‌, আমিযে ফগদাঙত্যে যুক্কোল্ থাগঅ; ভারী ধৈজ্জ্য ধুরি শিক্ষ্যে দিইনে মানুচ্চুনোরে দুষ্ দেগেই দে, তারারে উজিয়ার্ গরঅ আর উপদেচ্‌ দুয়ো।

তীত 1:9

গোজেনর্ বিশ্বেজবলা কধানি, যিয়েনি মুই শিক্ষ্যে দুয়োং, তাত্তুন্ সিয়েনি দরমর গুরি ধুরি থা পরিবো, যেন সত্য শিক্ষ্যে পৌইদ্যেনে তে প্রচার গুরি পারে আর যিগুনে বিরুদ্ধে যান্ তারারে ভুলানি দেগেই দি পারে।

তীত 2:15

সেনত্যে পুরো অধিকার নিইনে তুই এ পৌইদ্যেনে শিক্ষ্যে দে, উপদেচ্‌ দে আর দুষ্ দেগেই দে। কেঅ যেন তরে ঈচ্ ন-গরন্।

তীত 2:7

বেক্কানিত্ তুই তারা ইধু গম কামর্ এক্কান আদর্শ অ। তঅ শিক্ষ্যে ভিদিরে যেন গম উদ্দেচ্চ্য থায়, সিয়েনত্ যেন পাদল্ মনভাব ন-থায়।

ফিলীমন 1:19

মুই পৌল নিজো আঢে লেগঙর্, মুই সেই কজ্জগুন শুজি দিম্। খালিক্ এ কধাগান মর্ কবার দরকার নেই, খ্রীষ্ট উগুরে বিশ্বেজ্ পৌইদ্যেনে তুই নিজেই মইধু কজ্জ তলাত্ আঘচ্।

ইব্রীয় 12:15

চঅ, কেঅ যেন গোজেনর্ দোয়্যেত্তুন্ বাদ্ ন-পড়ন্। চঅ, বিষ্‌বলা তিদে গাজ শিঙোর ধোক্ক্যেন্ গেজেই উদিনে কেঅ যেন দুঘ্ বাড়েইনে ভালোক্ জনরে অসিজি ন-গরন্।

ইব্রীয় 13:9

নানান্ বাবোত্যে নূয়ো নূয়ো শিক্ষ্যেলোই যেন তমারে ভুল্ পধেদি ন-নেযান্। আমা মনানি উৎসর্বর হানা উগুরে ন-থেইনে যেন গোজেন দোয়্যে উগুরে থির্ ওইনে বজে। যিগুনে সেই হানাগান উগুরে নির্ভর্ গুরিনে চলিদাক্, সেই হানাগানত্তুন্ তারার্ কনঅ লাভ্ ন-অয়।

যাকোব 5:20

মাত্তর্ এ কধাগান ইদোত্ রাগেয়ো-যুনি কেঅ এক্কো পাপীরে ভুল্ পধত্তুন্ ফিরেই আনে সালে তে তারে মরণত্তুন্ বাজেল আর বোউত্ পাপ নাঢি রাগায়।