১ তীমথিয় 3:13 - Chakma Bible

¹³ যে পরিচারগে গমেডালে কাম্ গরে তে সর্মান লাভ গরে আর খ্রীষ্ট যীশু উগুরে বিশ্বেজর্ কারনে তা মনানত্ সাহজ্ অয়।

১ তীমথিয় 3:13 ပူးပေါင်းရင်းမြစ်များ

মথি লেখ্যে গম্ হবর্ 20:28

ইদোত্ রাগেয়ো, মান্‌জ্যপুয়োবো সেবা পেবাত্তে ন-এজে বরং সেবা গুরিবাত্তে এচ্চ্যে আর ভালোক্কুন্ মান্‌জ্যর্ উদ্ধোরর্ দাম্ ইজেবে তারা পরাণানির্ বদলে নিজো পরাণান্ দিবাত্তে এচ্চ্যে।”

মথি লেখ্যে গম্ হবর্ 25:21

সেক্কে তা গিরোজ্‌‌সো তারে কলঅ, দোল্ কাম গোজ্যস্, তুই গম্ আর বিশ্বেজি চাগর্। তুই কম্ টেঙালোই বিশ্বেজি বিলিনে মুই তরে ভালোক্কানি কামর্ ভার্ দিম্। আয়, মঅ হুজির্ ভাগীদার্ অ।

লূকে লেখ্যে গম্ হবর্ 19:17

তে তারে কলঅ, দোল্ কাম গোজ্যস্। তুই এক্কো গম্ চাগর্। তুই সামান্য পৌইদ্যেনে বিশ্বেজি ওইয়োচ্ বিলিনে মুই তরে দশ্‌‌‌‌চান শঅরর্ ভার্ দিলুং।

প্রেরিত্‌ 21:35

পৌলে সিড়ি সং লুমোনার্ পরেদি মানুচ্চুনো আঢত্তুন্ বাঁজিবাত্তে সৈন্যগুনে তারে বুয়োই নেযা পড়িলো।

প্রেরিত্‌ 6:15

যিগুনে সেই দাঙর্ তেম্মাঙত্ বৈঈ এলাক্ তারা বেক্কুনে সেক্কে স্তিফান ইন্দি রিনি চেলাক্, তা মুয়োন এক্কো স্বর্গদূতো মুয়ো ধোক্ক্যেন্ ওই যেইয়্যে।

প্রেরিত্‌ 6:5

দলর বেক্কুনোর এ কধাগান গম্ লাগিলো। বিশ্বেজে আর পবিত্র আত্মালোই ভরা স্তিফানরে তারা বেঈ ললাক্। ইয়েন বাদে তারা ফিলিপ, প্রখর, নীকানর, তীমোন, পার্মিনা আর আন্তিয়খিয়া শঅরর্ নিকলায়রেয়ো বেঈ ললাক্। এই নিকলায়ে অযিহূদী ওইনেয়ো যিহূদী ধর্ম পালেদ।

প্রেরিত্‌ 6:8

স্তিফান গোজেনর দোয়্যে আর খেমতালোই পরিপূরোণ ওইনে মানুচ্চুনো ভিদিরে ভালোক্কানি আমক্ আমক্ কাম্ গরা ধল্ল।

১ করিন্হীয় 16:15

ভেইলগ্, তুমি দঅ কোই পারঅ, স্তিফানর্ পরিবার মানুচ্চুনে আখায়া রেজ্যর্ পত্তম বিশ্বেজি। গোজেন মানুচ্চুনোরে সেবা গুরিবাত্যে তারা নিজোরে উৎসর্ব গোজ্জ্যন্।

ফিলিপীয় 1:14

ইয়েনবাদে, মর্ এ বন্দী অবস্থায় থানার্ কারনে বেশির্ ভাগ্ ভেইয়ুনে প্রভু উগুরে আরঅ বেশ্ গুরিনে নির্ভর্ গুরিবাত্তে শিক্ক্যন্ আর সেনত্যে তারা ন-দোরেইনে গোজেনর্ কধা প্রচার গত্তে আরঅ সাহচী ওইয়োন।

১ থিষলনীকীয় 2:2

তুমি এ কধাগান্অ কোই পারঅ, ইয়েন্অ আগে ফিলিপী শঅরত্ আমি অত্যেচার ভুগ্ গোজ্জ্যেই আর অসর্মান্অ ওইয়্যেই। মাত্তর্ এ মানাগানি থেলেয়ো আমা গোজেনত্তুন্ সাহচ্‌ পেইনে তা গম হবরর্ কধানি আমি খুলোমেলা গুরি তমা ইধু কোইয়্যেই।

১ তীমথিয় 3:14

মুই আজা গরং যাদিমাদি তমা ইধু যেই পারিম। মাত্তর্ যুনি কনঅ কারনে মর্ যাদে দেরী অয় সেনত্যে মুই তইধু ইয়েনি লেগঙর্, যেন তুই কোই পারচ্ গোজেন পরিবার মানুচ্চুনোর চালচলন্ কেধোক্ক্যেন অনা উচিত। এই পরিবার্‌বো অলঅ জেদা গোজেনর্ মন্ডলী, যিবে ভিত্তি আর থুনি ধোক্ক্যেন গোজেনর্ সত্যগানরে ধুরি রাগায়।

২ তীমথিয় 2:1

মঅ পুয়োবো, খ্রীষ্ট যীশুর্ দোয়্যেই তুই বোলী অ।

ইব্রীয় 6:10

গোজেনে দোল্ বিচেরক্; সেনত্যে তমা কামানি আর তা মানুচ্চুনোরে সেবা-যত্তন্ গুরিনে তুমি তারে যে কোচ্‌পানা দেগেয়ো আর দেগর্, সিয়েন তে ভুলি ন-যেবঅ।