১ থিষলনীকীয় 5:23 - Chakma Bible

²³ শান্তিদিয়্যে গোজেনে নিজেই তমারে পুরোপুরি গুরিনে পবিত্র গোরোক্, আর আমার প্রভু যীশু খ্রীষ্ট এবার্ সময়োত্ তমার পুরো কিয়্যেগান-আত্মাগান-মনান নিদ্দুজি রাগেয়ো।

১ থিষলনীকীয় 5:23 ပူးပေါင်းရင်းမြစ်များ

যিহিষ্কেল 37:28

মঅ ঘরান্ যেক্কে উমরত্তে তারা ভিদিরে অবঅ সেক্কে জাদ্‌‌‌‌তুনে বেক্কানি হবর্ পেবাক্, মুই লগেপ্রভু ইস্রায়েলরে মর্ নাঙে যুদো গোজ্যং।’”

লেবীয় 20:26

মুই লগেপ্রভু পবিত্র বিলি তমাত্তুনো পবিত্র ওয়া পুরিবো; আর মুয়ই তমারে মর্‌ নিজোর্‌ মানুচ্‌ অবাত্তে অন্য বেক্‌ জাদত্তুন্‌ ফারগ্ গুরি নেযেয়োং।

লেবীয় 20:8

মর্‌ সুদোমানি তমাত্তুন্‌ ধুরি রাগা পুরিবো আর সে ধোক্ক্যেন চলা পুরিবো। মুই লগেপ্রভু, মুয়ই তমারে মর্‌ নাঙে যুদো গুরি নেযেয়োং।

লূকে লেখ্যে গম্ হবর্ 1:46

সেক্কে মরিয়মে কলঅ, “মঅ পরাণানে প্রভুর্ বাঈনী গরের্;

যোহন 17:19

তারাত্যে তর্ নাঙে মুই নিজোরে যুদো গোজ্যং যেন সত্যলোই তারারেয়ো ফারগ্ গরা অয়।

প্রেরিত্‌ 20:32

গোজেন ইধু আর তার্ কধানি আঢত্ ইক্কিনে মুই তমারে তুলি দোঙর্। গোজেনর্ কধানি তার্ দোয়্যের্ পৌইদ্যেনে কয়, আর তমারে দাঙর্ গুরিবার্ খেমতা সেই কধানির্ আঘে। ইয়েনি বাদে গোজেনে তার্ নিজো মানুচ্চুনোত্তে যিয়েনি থোইয়্যে সেই কধানিয়ে তমারে সিয়েনিয়ো দি পারিবো।

রোমীয় 15:13

যিবে আজা দান গরে সেই গোজেনে তমা বিশ্বেজর্ মাধ্যমে অমকদ হুজিয়ে আর সুগে-শান্দিয়্যে তমারে ভর্‌পুনোং গোরোক্। সালে পবিত্র আত্মার্ খেমতালোই তমা মনানিত্ আজা পুড়েব।

রোমীয় 15:33

শান্তিদিয়্যে গোজেনে তমা বেক্কুনো সমারে সমারে থোক্। আমেন।

রোমীয় 15:5

খ্রীষ্ট যীশু সমারে চলিবার্ পধত্ ধৈজ্জ্য আর উচ্চোমি দিয়্যে গোজেনে তমারে বেক্কুনোর্ মনানি এক গোরোক্।

রোমীয় 16:20

শান্তিদিয়্যে গোজেনে যাদিমাদি শদানরে তমা টেঙ তলেদি ফেলেনে নিগুজ্ গুরিবো। আমা প্রভু যীশুর্ দোয়্যে তমা উগুরে থোগ্।

১ করিন্হীয় 1:30

যীশু খ্রীষ্ট সমারে যে তুমি এগত্তর্ গুরি আঘ সিয়েন গোজেনত্তুন্ ওইয়্যে। যীশু খ্রীষ্ট আমা ইধু গোজেনর্ দিয়্যে জ্ঞান; তেয়ই আমার নিদ্দুজি, পবিত্র আর উদ্ধোর্।

১ করিন্হীয় 14:33

গোজেনে বিশৃঙ্খলার গোজেন নয়, তে শান্তির্ গোজেন। গোজেন মানুচ্চুনোর্ বেক্ মন্ডলীগুনোত্ যেবাবোত্যে ওই থায়,

২ করিন্হীয় 5:19

ইয়েনর্ অত্তগান অলঅ, গোজেনে মান্‌জ্যর্ পাপ্পানি ন-ধুরিনে খ্রীষ্টর্ মাধ্যমে নিজো সমারে মান্‌জ্যরে মিলেই দিয়্যে, আর সেই মিজেনার্ হবরান্ জানেবার ভারান্ তে আমা উগুরে দিয়্যে।

ফিলিপীয় 1:10

সালে যিয়েন ঘেচ্চ্যেক গুরিনে বেক্কানিত্তুন্ গম সিয়েন তুমি বুঝিনে বেঈ লোই পারিবা। ইয়েন্দোই তুমি যীশু খ্রীষ্টর্ মাধ্যমে গম্ জিংকানির্ ফলে ভর্‌পুনোং ওইনে খ্রীষ্টর্ এবার দিন্নো সং খাটি আর থুদো নেইয়্যে থেই পারিবা; আর ইয়েন্দোই গোজেনর্ বাঈনী আর নাঙ্ গিনেনা অবঅ।

ফিলিপীয় 1:6

মর্ এ বিশ্বেজ্‌‌চান আঘে, তমা অন্তরত্ যিবে গম্ কাম গুরিবাত্যে আরাম্ভ গোজ্জ্যে তে খ্রীষ্ট যীশুর্ এবার্ দিন্নো সং সিয়েন চালেইনে থুম্ গুরিবো।

ফিলিপীয় 4:9

তুমি মঅ ইধু যিয়েনি শিগ্‌কো আর গম্ বিলিনে মানি লোইয়ো আর মইধু যিয়েনি দেক্ক্য আহ্ মঅ মুয়োত্তুন্ যিয়েনি শুন্ন্য, সিয়েনিলোই নিজোরে কামত্ রাগঅ। সেক্কে শান্তিদিয়্যে গোজেনে তমা সমারে সমারে থেবঅ।

কলসীয় 1:22

মাত্তর্ খ্রীষ্টর মরণর মাধ্যমে তা কিয়্যেগান্দোই গোজেনে নিজো লগে ইক্কিনে তমারে এগত্তর্ গোজ্জ্যে, যেন তে তমারে পবিত্র, থুদো নেইয়্যে আর নিদ্দুজি অবস্থায় নিজো মুজুঙোত্ আঝির্ গুরি পারে।

১ থিষলনীকীয় 2:19

আমা প্রভু যীশু যেক্কে এবঅ সেক্কে তা মুজুঙোত্ তুমি কি আমার আজা, হুজী আর বাঈনী গুরিবার্ জিদেনার্ মালাছড়া ন-অবা?

১ থিষলনীকীয় 3:11

আমা বাব্‌পো আর গোজেনে নিজে আহ্ আমা প্রভু যীশু যেন তমা ইধু যেবার পথ্‌তান ঠিগ্ গুরি দে।‌

১ থিষলনীকীয় 3:13

সালে তে তমার মনানি থির্ গুরিবো, যাতে আমার প্রভু যীশু যেক্কে তার্ নিজোর বেক্‌ মানুচ্চুনোরে সমারে লোইনে এবঅ সেক্কে আমা বাব্‌পো আর গোজেন মুজুঙোত্ তুমি থুদো নেইয়্যে আর পবিত্র অ।

১ থিষলনীকীয় 4:3

গোজেনর্ আওজ্‌চান ইয়েন-তুমি পবিত্র অ, অত্তাৎ নানান্ বাবোত্যে সিনেলীত্তুন্ দূরোত্ থাগঅ,

১ থিষলনীকীয় 5:22

আর নানান্ বাবোত্যে ভান্ন্যেয়ত্তুন্ দূরোত্ থেয়ো।

২ থিষলনীকীয় 3:16

শান্তিদিয়্যে প্রভু নিজে নিত্য তমারে শান্তি দান গোরোক্। প্রভু তমার বেক্কুনো সমারে থোক্।

ইব্রীয় 13:20

যে লো-গান্দোই শান্তি দিয়্যে গোজেনর্ উমর বেবস্থাগান অদে অদে ওইয়্যে সিয়েন্দোই গোজেনে আমা প্রভু যীশু খ্রীষ্টরে, অত্তাৎ ভেড়াগুনোর্ সেই দাঙর্ পালক্‌‌কোরে মরণত্তুন্ জেদা গুরি তুল্যে।

ইব্রীয় 2:11

যে মানুচ্চুনোরে পবিত্র গরে সেই যীশু নিজে আর যিগুনোরে তে পবিত্র গরে সে মানুচ্চুনে বেক্কুনে গোজেনর্ ঘোর্‌বো। ইয়েনত্যে যীশু সে মানুচ্চুনোরে ভেই বিলিনে ডাগদে ন-লাজায়।

ইব্রীয় 4:12

গোজেনর্ কধানি খেমতাবলা আর কামগরে আর দ্বি' কিত্ত্যেদি ধার্ আঘে এমন্‌ ছুরিত্তুন্-অ বেশ্ ধারেয়্যে। এ কধানি মান্‌জ্যর রিবেঙ-আত্মা আর আহ্‌র্-মগজ মূঢ়োত্ সং যায় আর মান্‌জ্যর রিবেঙর্ বেক্‌ আওজ্‌‌চানি আর চিদে চজ্জানি পোরোক্ষ্যে গুরি চায়।

যাকোব 1:4

সেই ধৈয্যগুণানরে তমা জিংকানিত্ পুরোপুরি গুরিনে কাম গুরিবাত্যে দুয়ো, যেনে তুমি পাগানা আর থুদো নেইয়্যে ওইনে উদি পারঅ, অত্তাৎ তমা খাচ্চ্যদ ভিদিরে যেন কনঅ বাবোত্যে অভাব ন-থায়।

১ পিতর 1:2

বাবা গোজেনে তার্ পরিকল্পনা মজিম তমারে বেঈ লোইয়্যে, আর তার্ নাঙে পবিত্র আত্মা তমারে যুদো গুরি থোইয়্যে। ইয়েনর্ উদ্দেশ্য অলঅ, যেনে তুমি যীশু খ্রীষ্টর বাধ্য অ আর তার লো-গান ছিদেনার্ মাধ্যমে তমারে সিজি গরা অয়। গোজেনে তমারে বেশ্ গুরি দোয়্যে আর শান্তি দান গোরোক্।

১ পিতর 5:10

যিবে বেক্কানিন্দি দোয়্যে গুরিবার গোজেন তে তার্ উমরর্ মহিমার ভাগী অবাত্যে তমারে ডাক্ক্যে, কিয়া খ্রীষ্ট সমারে তুমি এগত্তর্ ওইয়ো। তুমি কয়েকদিন দুঘ্ ভুগোনার্ পরেদি গোজেনে নিজেই তমারে খাটি গুরিবো আর থির্ রাগেব, খেমতা দিবো আর দরমর গড়াগান উগুরে তমারে থিয়্যেই রাগেব।

২ পিতর 3:14

কোচ্‌পেইয়্যে ভেইয়ুন, তুমি ইক্কিনে ইয়েনি বেক্কানিত্যে বাজ্জেই আঘঅ বিলিনে মনেপরাণে চেষ্টা গরঅ যেনে তে এইনে তমারে থুদো নেইয়্যে ওইনে নিদ্দুজি অবস্থায় সুগে-শান্দিয়্যে বজত্তি গত্তে দেগেগি।

যিহূদা 1:1

মুই যীশু খ্রীষ্টর চাগর আর যাকোবর্ ভেই যিহূদা। বাবা গোজেনে যিগুনোরে ডাক্ক্যে আর কোচ্‌পেইয়্যে আহ্ যীশু খ্রীষ্ট যিগুনোরে রোক্ষ্যে গোজ্জ্যে তারা ইধু মুই এ চিধিগান লেগঙর্।

যিহূদা 1:24

বানা এক্কোগুরি গোজেন আমার উদ্ধোর গুরিয়্যে তে তমারে উজোত্ হেবার আঢত্তুন রোক্ষ্যে গুরিনে থুদো নেইয়্যে অবস্থায় নিজোর মহিমার মুজুঙোত্ হুজিয়ে আজির্ গুরি পারে। পুরোণি কালত্তুন্ ধুরি যেধোক্ক্যেন এলঅ সেধোক্ক্যেন ইক্কিনিয়ো আর উমরত্যে আমার প্রভু যীশু খ্রীষ্টর মাধ্যমে গোজেনর্ বাঈনী, মহিমা, বল্ আর খেমতা থোক্। আমেন।