১ থিষলনীকীয় 4:10 - Chakma Bible

¹⁰ আর ঘেচ্চ্যেকগুরি তুমি ম্যাসিডোনিয়া রেজ্যর বেক্‌ ভেইয়ুনোরে কোচ্‌পঅ। মাত্তর্ ভেইলগ্, তমা ইধু আমার বিশেজ্ কোজোলি অলঅ তমার এই কোচ্‌পানাগান যেন আরঅ বেশ্ অয়।

১ থিষলনীকীয় 4:10 ပူးပေါင်းရင်းမြစ်များ

রোমীয় 15:26

কিয়া যিরূশালেমত্ গোজেন মানুচ্চুনো ইধু যিদুক্কুন্ নাঢা মানুচ্ আঘন্ তারাত্তে ম্যাসিডোনিয়া আর আখায়া মন্ডলীগুনোর মানুচ্চুনে কিজু টেঙা তুল্ল্যন্।

ইফিষীয় 1:15

ইয়েনত্যে মুই যেক্কে প্রভু যীশু উগুরে তমার বিশ্বেজ্ আর গোজেনর্ বেক্‌ মানুচ্চুনো উগুরে তমার্ কোচ্‌পানার্ কধা শুনিলুং,

ফিলিপীয় 1:9

মুই তবনা গরং তমার কোচ্‌পানা যেন জ্ঞান আর বিচের-বুদ্ধিলোই এগত্তর্ ওইনে বাড়ানাত্ থায়।

১ থিষলনীকীয় 1:7

ইয়েনত্ ম্যাসিডোনিয়া আর আখায়া রেজ্যর বেক্‌ বিশ্বেজিগুনো ইধু তুমি এক্কান আদর্শ ওইয়ো।

১ থিষলনীকীয় 3:12

প্রভু গোরোক্, আমি যেধোক্ক্যেন তমারে কোচ্‌পেই ঠিগ্ সেধোক্ক্যেন গুরিনে তমার্‌অ একজন আরেকজনরে, এমন কি, বেক্কুনো উগুরে কোচ্‌পানা যেন থায়।

১ থিষলনীকীয় 4:1

আরঅ কং ভেইলগ্, গোজেনরে হুজি গুরিবাত্যে কেধোক্ক্যেন গুরি চলানা উচিত সেই শিক্ষ্যেগান্ দঅ তুমি আমাত্তুন্ পেইয়ো, আর ঘেচ্চ্যেকগুরি তুমি সেবাবোত্যে গুরি চলর্। তো প্রভু যীশুর্ ওইনে আমি তমারে কোজোলি গুরির্ আর উপদেচ্‌ দিত্তে যেন তুমি আরঅ বেশ্ গুরিনে সেবাবোত্যেগুরি চলঅ।

২ থিষলনীকীয় 1:3

ভেইলগ্, তমাত্যে নিত্য গোজেনরে ভালেদি জানানা উচিত। তমা বিশ্বেজ্‌চান অমকদ বাড়ের্ আর তমার একজন উগুরে অন্যর্ কোচ্‌পানাগান পেলাং বেঈ পরের্ বিলিনে আমা পক্ষে সেই ভালেদি জানানাগান উচিত।

২ থিষলনীকীয় 3:4

প্রভু সমারে এগত্তর্ বিলিনে তমা পৌইদ্যেনে আমার্ এ বিশ্বেজ্‌চান আঘে, আমি তমারে যে উগুমানি দিয়্যেই সেবাবোত্যেগুরি তুমি কাম্ গরর্ আর গরানাত্অ থেবা।

২ পিতর 3:18

তুমি আমার প্রভু আর উদ্ধোর্ গুরিয়্যে যীশু খ্রীষ্টর্ দোয়্যেই আর তা পৌইদ্যেনে জ্ঞানে বাড়ি উদোনাত্ থাগঅ। ইক্কিনে আর উমর সং তারই বাঈনী ওক্‌। আমেন।